-- تــعــالــوا وســعــو صــدوركـم شوي -- - نادي الهلال السعودي - شبكة الزعيم

هوجاس · #1 19/02/2013, 09:18 AM

يسعد لي صباحكم يازعماء ..

وش اخباركم ؟؟

وهاردلك الهزيمة الغير مستحقة امس ..

للامانة انا متضايق شوي لكن اتذكر شغلات تخليني انبسط ..

عودة هيبة الوسط وعودة الشلهوب ..

لكن فيه ملاحظة لو انتبهتوا لاخر ثلاث مباريات للهلال ..

كل الاهداف اللي تدخل مرمى الزعيم من عرضيات ( مباراة النصر .. الشعلة .. والامس الشباب )

حرام ان مجهود لاعبي الوسط والهجوم يضيع بسبب سوء التنظيم الدفاعي ..

الزوري للاسف ابيكم تشوفون الاعادة لكل الاهداف لاني بديت اشك انه مايعرف ينط ابدا .. ياخي يرحم امك اطمر بس حتى لو ماتعرف تضرب الكورة براسك اقل شي تشويش على المهاجم ....

بالاضافة إلى قناعتي انا جوستافو لم يبيض الوجه ..

والقرني كان افضل منه في المحور وضبط اداء الفريق والدليل امس ..

....................

خلونا من التحليل .. تعالوا شوي ..

لازلنا المركز الثاني ولله الحمد ..

وان كتب ربي بناخذ الدوري ..

لكن الزعيم يحتاجكم عشان ناخذ بطولة ولي العهد الحصرية للزعيم ..

ولاتنسون انها من يد الامير سلمان ..

يعني كاس جديدة والهلال دايما الاسبق للجديد ..

جمهورنا المباراة يوم جمعه ..

ونبيها جمعه تاريخية للزعيم ..

نبي صوتنا فقط بالملعب ..

نبي الاستاد يرد الصوت ..

نبي الصدى يتردد على مسامعنا .. ياهلال ياهلال ..

لنزف لاعبينا إلى الكاس الغالية ..

جمهورنا الغالي ,,

المدرب كومبواريه وذلف ..

واللعب تغير مع زلاتكو. .

لكن المدرب مو مسؤول عن غلطات لاعبين مايطبقون التكتيك ..

نبي وقفتكم مع الفريق هذا الاسبوع والجاي ..

كلها صراعات قوية لكاس ولي العهد وافتتاح اسيا ..

ونلتقي مع كوزمين حبيبنا ..

...

عذرا وطني ..

فالهلال كل اوطاني ..

سعوديه والهلال ناديه · #2 19/02/2013, 09:23 AM

كلنا تضايقنا
لكن مانقول الا الحمدلله
وعلينا اننا نعمل ع اللي في اليد
وهو الكاس وبحول الله ناخذه
والدوري لسه فيه 18نقطه
بحول الله يكون لهلال
وان مالله راد
نفكر في البطولات الباقيه
المهم لانضغط الفريق فلو تخسر اهون
من انك تخسر كل شي

هوجاس · #3 19/02/2013, 11:46 AM

يعافيك ربي ..

كلامك في محله ..

والله يوفق الزعيم

عذب السجايا · #4 19/02/2013, 11:53 AM

لكرات العرضية باتت مشكلة أزليه للهلال
استغرب من عدم وجود المسلم او المرشدي او حتى خيرات كبديل للزوري

هوجاس · #5 19/02/2013, 12:15 PM

إقتباس

الرسالة الأصلية كتبت بواسطة عذب السجايا


	لكرات العرضية باتت مشكلة أزليه للهلال استغرب من عدم وجود المسلم او المرشدي او حتى خيرات كبديل للزوري

اللي يذبحني انه مايحاول يقفر مع اللاعب حتى لو مجرد تغطية ..

ويكون منزل راسه ..

وتابع هالشي وتتذكر كلامي ..

الحمدلله اني هلالي.! · #6 19/02/2013, 03:39 PM

الزوري VS السهلاوي ! ياسااتر

الحضور ياملووك يوم الجمعة وبإذن الله الكأس أزرق ..

هوجاس · #7 19/02/2013, 03:42 PM

إقتباس

الرسالة الأصلية كتبت بواسطة الحمدلله اني هلالي.!


	الزوري VS السهلاوي ! ياسااتر الحضور ياملووك يوم الجمعة وبإذن الله الكأس أزرق ..

واالله النصر داج بس فريقنا تجيه حالات غريبة ..

عبادي دراج · #8 19/02/2013, 03:44 PM

‏صدقوني انكم راح تشوفون هلال المجد والانتصارات بالنهـائي من لايستطيع رفع معنويات فريقه يبتعد عن الكتابه فقط و شاكرينه على سكوته

كريزي · #9 19/02/2013, 04:28 PM

مادام دفاعك الزوري والله ماااتفرحبه

خلف نت · #10 19/02/2013, 04:30 PM

يعافيك ربي ..

كلامك في محله ..

والله يوفق الزعيم

هلآل ~ · #11 19/02/2013, 04:57 PM

اي وسعوا صدوركم ياشيخ

الفريق له سنتين متخبط

النصر قاعد يبني وحنا على الزوري والبيشي ونامي

نسيب ولهامسون · #12 19/02/2013, 05:22 PM

.
.

بيض الله وجهك يازعيم وبإذن الله كلنا نتحد من أجل الملكي

عمرتبوك · #13 19/02/2013, 05:31 PM

الحمدلله والشكرلله على كل حال

اشكرك اخوي على موضوعك فعلاً يجب أن ننسى مباراة الشباب

بإذن الله كأس ولي العهد هلالي

اسطورة نادي القرن · #14 19/02/2013, 05:40 PM

لكرات العرضية باتت مشكلة أزليه للهلال
استغرب من عدم وجود المسلم او المرشدي او حتى خيرات كبديل للزوري

الــنــبــراس · #15 19/02/2013, 05:43 PM

اهداف الفريق الشبابي كلها عرضيات واستغل منها ثلاثه

القرني وجوده مهم بدل جوستافوا في المحور ولو يحطونه دفاع بجنب ازولا افضل من الزوري

الموهم امس التركيز لم يكن عاليا ودخول الدوسري والعابد كان غلط ويجب ان لايشتركوا بالنهائي اكيد

ويجب الاستفاده من العرضيات والانتباه من تغلغل لاعبي النصر من الوسط الدفاعي الهلاي واهم شئ عدم ارتكاب الأخطاء

ياسر الشهراني / جوستافوا / ازولا / محمد نامي

محمد القرني

محمد الشلهوب / الغنام / سلمان الفرج

ياسر القحطاني / الكوري