|
كنت اكره الهلال واليوم انا احبة ليش ؟؟؟؟ ادخل وشوف بسم الله الرحمن الرحيم السلام على الزعماء جميعا كنت من خلال المشاركات - رغم قلتها - اطالب بتغيير المدرب والادارة لتحسين اوضاع الفريق والعودة لمستوى الهلال المعروف وطبعا - ك غيري - ممن طالب بذلك اتهمت بالخيانة وإني مندس ومن هالكلام الي اتضح ان الي يكتب يكتب بعين المحب الاعمى ولكني اليوم ليس من اجل الادارة ولاغيرها بل من اجل الكيان الازرق فقطs13s فقط s13sفقط s13s اقول قبل ان نطالب برحيل الادارة او تغيير المدرب او جلب لاعبين وينكم عن المدرج والله يوم شفت المباريات الي في ملعب الشرائع بمكة قلت البلا ماهو في الادارة ولا المدرب البلا بنا حنا شف مستوى العب في مباريات الهلال في مكة والشرقية وانت تعرف من الي صار سبب في تدني مستوى الفريق اقولها وبكل صراحة حنا السبب واذا نبي مستوى الهلال يرجع ونحصد اول بطولات الموسم الموعد يوم الجمعة ونبي الجماهير واقفة وتشجع مهما كانت النتيجة وبعدها رايح تشوفون الهلال بدرا كعادته :alzaeem::alzaeem::alzaeem::alzaeem::alzaeem::alzaeem::alzaeem::alzaeem::alzaeem::alzaeem::alzaeem:: alzaeem::alzaeem::alzaeem::alzaeem::alzaeem::alzaeem::alzaeem::alzaeem::alzaeem::alzaeem: |
يارجال امس في الملعب مايشجع الا الرابطه فقط اما الباقين صمممممممممت رهيب رغم ان حماده يدق الطبل ويحثهم ورغم بعض من الجماهير يحاول يشحذ همم المدرج بس سكوت سكوت جماهير الشباب ماشلكت 20%من الملعب وشايله فريقها رغم تأخر فريق الشباب اما جماهير الهلال في الملز امس سكككككككوت رهيب شكلهم متعودين علي الكنب والفصفص ياليت مبارايات الهلال القادمه تكون خارج الرياض |
شف يالزعيم الي مطمني ان الجماهير تبي تجي من جميع مدن المملكة في النهائي - مع احترمي لجماهير الرياض - وانا اقولها للي يبي يجي ولا يتفاعل تكفى تكفى خل التذكرة لواحد يبي يشجع بقلبة ويديه s13ss13ss13ss13ss13s |
فيهم الخير اللي يحضر وصدقوني لو بس ينظمون انفسهم ويكون ع قلب واحد انهم يهزون المدرج ونكون في غنى عن الباقين اللي فقط يسبون امس رغم قلة جماهير الشباب الا انهم منظمين وطلعو كانهم هم الاكثر رابطتنا بقياده العفيفي مدري الفيفي مبدعه ومجتهده وبحول الله للافضل |
التفاؤل جيد..لكن خلك واقعي ..تحمل الجمهولر السبب ونسيت اللاعبين العاله على الفريق ...الدفاع البرازيلي..والعزبه المحور ..كيف تبي تفوز؟؟؟ احلم على قد فريقك فالنصر متطور ويلعب بحماس شديد |
إقتباس:
والله حلمي كاس العالم يالكاس مو مشاركه بالترشح اجل ع قد فريقك ياشين الغرور |
عندي احساس انشاءالله البطولة هلالية بمشئة الله الدعم الدعم ياجماهير الزعيم الفريق في اشد الحاجة لوقفة جماهيره |
هههههههههههههههه هذا شبه فريق وأشباه لاعبين...على طول حكمتي اني فقراوي ههههه... لكن مو هذا الهلال اللي نعرف ..... |
والله ودي ان الجمهور يحضر ويكتفي با التشجيع والتصفيق بس بشرط مايتلفظ على لاعبين الهلال عيب اقسم بالله عيب |
يعني بتقنعني ان الجماهير هي الي تسجل اهداف وهي الي تدافع !!!! ترى كنا نفوز بدون جماهير ترى الشباب ماعنده جماهير واكلنا البارح من نقطة الضعف الموجوده عندنا برودوم عرف كيف يسجل البلا من الاداره تدري ليه لأنهم جايبين مهاجمين وماجددو العقد مع هوساوي رغم انهم عارفين بحاجتنا لقلب دفاع مهما كان سعره اهم شي ماتجيب لك مدافع خايس وتدفع عليه مبلغ الاداره عنيده نطالب بالدفاع وجايبين لي مهاجمين وش يحسون فيه وش دخل الجمهور هل الجمهور هو الي احضر المهاجمين وخلى دفاعنا شوارع والله لو الملعب فل وخارج الملعب فل ماراح تفوز بدفاعك الخايس ذا شوف ريال مدريد الجماهير كل مباراه معبين الملعب ومع هذا يخسر يعني البلا مو من الجماهير وخلو عنكم التطبيل |
والله ياجماهير الرياض يبيلهم بنق او وكزز عشان يصحصحون نعنبوهم مدري وشوله مكلفين ع انفسهم وجايين للملعب تعال للملعب شجع ولا فصفص ببيتكم اريحلك واريحلنا وبعدين يالحبيب من٢٠٠٥ مسجل وتوك تحب الهلال ؟ وطول السنين وش تسوي مندس ولا وش وضعك :D شاكر لك |
ناديين الغربيه ينافسون ع الرابع والخامس والهلال ينافس ع الدوري وكاس ولي العهد ومباراه اسيويه خلال اسبوع ونص وجمهوره ينتقده ويمشي مثل مايبغى الاعلام الاصفر سؤال للمتشائمين والي ينتقدون المدرب لنفرض استجبنا الي مطالبهم واقالوا رئيس النادي اليوم والزوري والمرشدي والبيشي بعد نسقوهم من النادي اليوم هل راح يرجع الفريق الي المنافسه .؟؟؟ بالمنطق وبالعقل مشكلة البعض يتبع اعلام الاصفر مافي فريق مايمر في مشاكل وضغوط وهالموسم دور الهلال سؤال بعد ثاني للمتشائمين لماذا لم ينتقدون الاتحاد الي له الان ثلاثة مواسم مو في الفورمه او بالاصح في عز مستوياته الي اول هو والهلال في المنافسة في جميع البطولات نرجع الي الجمهور كيف تبي اللاعب يأدي في الملعب وبعض الجمهور يسب اللاعب ويطلقون عليه صيحات وشتم ؟؟ انا حضرت مباراه الهلال والوحده في مكه والله بصراحه يوم شفت سبهم وشتمهم للزوري قلت في نفسي الله يعينك على ما جاك يا عبد الله الزوري نبي حمله صادقه للاعبين ودعمهم حتى لو اخسروا المشجع الحقيقي وعاشق الكيان يبين معدنه وقت الشدايد ولكم في الاهلي عبره والله ماكنت اتمنى اني اذكر اسم فرق غير الهلال بالشبكه بس هاذي الحقيقه وتنقال .. بالتوفيق للزعيم معك على الحلوه و المره زعيم آسيا6 |
الي يقول إن الجمهور ماهو مهم لدرجة انه يتحكم بالفوز او الخسارة اقول من شاهد مباريات الزعيم في مكة وشاهدة بالرياض يعرف كيف إن الجمهور يصنع الفرق . ووالله كم تمنيت إن النهائي كان هناك ولكن عزائي إن جميع الجماهير في مملكتنا الحبيبة رايح تجي وتشارك وبفعالية واذكركم بالنهائي يوم الجمعه إن شاء الله اذا رجع الجمهور رايح يرجع الفريق واذا الجمهور يشجع ويفرح عند تسجيل الهدف بس اقول لا تحلمون بالفوز ليس تقليل من جهد الاعبين والمدرب والادارة ولكن صدقوني وقالولها من زمان الجمهور وقود الفريق - بس الجمهور الفعال - :ba::ba::ba: |
إقتباس:
اما اشباه الاعبين اللي تقول عنهم اليسو هم نفسهم من ابدع مع سامي ومع كالدي حتى مع قريتس وكوزمين مع التغيير البسيط رجاء كفايه تحطيم لاعبين واللي مو عاجبه ولن يقدر يمسك نفسه عنه ع الاقل يتركهم ولايتابعهم انا الحين لو قلت لك شبه رجال مابتزعل وهي نفسها |
مباراتنا مع الاتفاق اللي قبل فتره كانت في الدمام وامتلا الملعب بالكامل وتقولي العيب فينا الا والله العيب في اللي بيع لعيبتنا الدفاع شوربه ثلاث اوفرات ورا بعض في مباراة الشباب وكلها اهداف |
| الوقت المعتمد في المنتدى بتوقيت جرينتش +3.
الوقت الان » 11:26 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd