باديء ذي بدء <====== ههههههههههههههههها ( أبو ناصر تكفى ماقدرت امسك نفسي من الضحك وانا اكتبها ) ...

بصراحة تفاجأت بعد الرحلتين حقت السد والعين ان يكون هالاهتمام من الشباب سواء في المنتدى أو بالايميل أو حتى الزملاء خارج النت ،،

الغالبية كانوا يعاتبوني .. ( ليه ماقلت لنا ! - ياخي عطنا خبر - ... الخ )

اول مرة حقت السد .. اوكي رحت سكتم بكتم .. حتى انا مادريت اني رحت
المرة الثانية حقت العييينة .. في كم واحد عرف وأكد علي اني أكلمه في حال اني فكرت اطلع .. لكني للأسف لم أتخذ القرار إلا بعد صلاة الفجر ..


طبعاً بعد مانزلت الموضوع .. تحول العتاب إلى زعل وتشره <==== مدري ابو ناصر انا كتبتها صح ولا لا .. بس تراها بتشديد الراء ..

لذلك الشباب من الآن ضبطوا الامور والحجوزات لدرجة أنه يمكن ماتكفى سيارة وحدة !

اللي حصل رجعني للماضي .. قبل عشرين .. ثلاثين سنة .. لما فتحنا شبكة الزعيم على أيام بيوت الطين .. يمكن مالحقتوا انتم عليها .. بس كل واحد يسأل ابوه كيف كانت المنتديات وكيف الردود تكتب .. يا هي أيام ...
كنا نطلع بالباص القديم

اييييييييييه .. هالباص حللناه لين قلنا بس وابو سليمان يذكر زين ..

المرحلة الثانية كانت في اواخر الثمانيات لما صارت الرحلات قريبة وداخل الرياض تحول الباص الكبيرة الى مجموعة من الباصات الصغيرة ..


وماقصروا الشباب .. يزيد وصمت العيون وسهل أدوا عملهم بكل تفان .. صح انهم في الاخير صاروا يكدون عليه ( دلة - العليا - البطحاء ) .. بس في الاخير كانوا يغسلونه ويوقفونه عند باب المجلس العام من احسن ما يكون ..


المرحلة الثالثة راح تنطلق يوم الخميس القادم بتدشين آخر ماوصل اليه صانعو الباصات



ويقول ابو ناصر المتحدث الرسمي بأن هالباص ( يالله ) يكفي رحلة الخميس التي لم تحدد وجهتها حتى الآن ، وابو ناصر ينوي طرح موضوع عن ترشيح الأماكن القريبة من الرياض والتي يمكن زيارتها فجر الخميس ( ان ماجاكم نوم )


==================
أكثر الاسئلة اللي تواصلت حتى في الايميل ! كانت حول نوعية الكاميرا المستخدمة في صور موضوعي العيينة والدرعية ..



هذي هي الكاميرا نوعيتها سوني 4.1 mega pixels
شاريها من البطحاء .. وكانت قيمتها قبل سبعة أشهر تقريباً حوالي 2500 ريال ، وظهرت اخبار بأن سعرها طاح طيحة بعد المعرض والعهدة على الراوي ( ابن شرهان )
مميزاتها روعة بصراحة وتسجل حسب سعة الميموري ستك وحسب الحجم اللي انت تحدده ويمكن توصل 100 صورة بالراحة .. غير امكانية تسجيلها لقطات فيديو لمدة تزيد عن دقيقة لكل مقطع ونسخه وتجهيزه بحيث يصبح جاهزاً للإرسال على النت .
تشبك على USB ولا تحتاج أي تعريف على الجهاز في حالة كونك تستخدم نظام XP ، ودقة تصويرها عالية ومناسبة جداً للهواة ، بالنسبة للمحترفين فيه نوعية أخرى أعتقد قيمتها تتجاوز 4000 ريال من سوني كذلك وفيها زوووم غير طبيعي ..
طبعاً في ظهر الكاميرا توجد شاشة كريستال تستطيع من خلالها قياس حجم الاضاءة وحجم الصورة كذلك وكانك تصور بكاميرا الفيديو العادية .