المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 19/02/2013, 06:15 AM
الصورة الرمزية الخاصة بـ هلآلي روماني
زعيــم فعــال
تاريخ التسجيل: 01/10/2010
المكان: London
مشاركات: 204
خلاص اكتفينا خلوا الاداره ترحل وتاخذ اللاعبين معها ... والســـــــــبب ؟!!

-



السلآم عليكم ورحمةة الله وبركاته


آولاً موضوعي هذا كنت بكتبه بعد المباراة مباشره
جاي مطفي اللمبه من العصبيه والقهر وكنت بكتب بس غيرت رايي لان اعرف اني بكتب موضوع سلبي جدا
وقد يحطم اللاعبين ويزيد من الشحنه وغيرها ...


المهم الموضوع الله يسلمكم , ترا مب اي خساره تطالبون الاداره على اللاعبين كلهم الرحيل
معليش ابتعد عن هالتفكير , الغلط كله جا من الدفاع وفيه هدف يتحمله الحارس , لان كان بامكانه يصدها
لكن قدرالله وما شاء فعل


اولاً عزيزي الهلالي قبل كل شيء قل : قدر الله وماشاء فعل , وعسى ان تكرهوا شيء وهو خير لكم
ماتدري يمكن هالخساره اللي تعرض لها الزعيم , تحمسهم ويعوضون في المباراة الجايه اللي هي مع النصر


لاتنسى عزيزي الهلالي عندك مباراة مع الجار , وهذا وقتهم عشان ينشرون الكرهه والقهر ويجيبون المصايب
كل هذا عشانهم يبون بطوله , بس خل الخساره على جنب , مهما فعلت خلاص مافي شيء بيرجع ويعدل المباراة

ايضاً , جميع جماهير النصر سوف تدخل بينك وبين الزعيم على اساس انهم زعماء لكن الذكي من يتخطى
هذه المباراة ويوقف كل من يسب الزعيم ويدمره , صدقوني هذا لمصلحتنا جميعاً
ان نقف ضد من يتصنع حب الزعيم , يجب ان نقف مع الزعيم في الفرح والحزن

وش الفايده توقف مع الزعيم بس بالبطولات وبالفوز , اذا ماوقفت معه وشجعته في سقوطه
لن يقف الزعيم وتذكروا ايضاً ان الزعيم يرمض لكن لا يموت ,


حبيت اوضح ايضاً كم نقطه من وجهة نظري بخصوص مباراة امس
ربما يكون هناك تعديل بالمباراة القادمه ...


اولاً , مع احترامي الكامل للزوري , الا انه لايجيد الدفاع ابداً
وخاصة قلب الدفاع , اي تفكير يخليك تحط الزوري قلب دفاع .. وقسم بالله ان المرشدي ارحم بكثير

لحد يقول المرشدي شين ومدري وشو على الاقل افضل من الزوري

الزوري العيب فيه عدم الارتقاء زي الناس
لآحضوا الاهداف الهدف الاول الزوري قبل تقرب الكوره نقز بيخلصها
وتارك الشهراني يغطي على اثنين خلفه , وغير كذا هذا المفروض مهمة الزوري الارتقاء التغطيه على الاقل

ليس فقط الهدف الا بكذا رفعه للشباب الزوري مع احترامي له نايم
انا لست مطبل للمرشدي لكن والله العظيم المرشدي افضل منه
لان الزوري اساساً مكانه مب قلب دفاع ونعرف ايضا كانت تغطيته الدفاعيه لكم عليها

سؤال : المسلم وين ؟؟ ليش مايلعب دافعين فيه مبلغ وقدره عشان يجلس بالدكه
حتى ما ادري هو بالدكه ولا لا ماقد شفته


لي صديق نصراوي استغربت عدم تفاؤله بالفوز رغم ان الكل متفائل بالنصر
بسبب الضروف التي يمر فيها الهلال , سألته غريبه كل المشجعين متفائلين الا انت
لان الصراحه اشوف النصر حماسهم زايد وكان الهلال ولا شيء عندهم وعسى يخيب ضنهم ونكسر خشومهم
المهم اجاب صديقي النصراوي , قال صدقني النصر مب ماخذها الهلال انلسع من الشباب
وبتكون بوابة عودته من امام النصر وهذا شيء اكيد وليست اول مره

باذن الله يكون فعلا عودة الزعيم من بوابة النصر
فقط شجعوا الزعيم ولا تجعلوه يسير وحيداً مهما كانت الضروف
ومهما عبث به العابثون انتم من تستطيعون اعادة الزعيم يالرقم الصعب



طلب اخير


* آتمنى من المدرب قبل مباراة النصر القادمه يكثف التدريبات على المدافعين
* اتمنى المرشدي اساسي او المسلم
* اتمنى اعطاء مسعد فرصه
* اتمنى الحضور ومساندة الزعيم واسكات كل من يتطاول عليه فأنتم المحامي للزعيم يالرقم الصعب



آخيراً : آن لم آكن هـلاليَ وقت آلآنكسآر .. لن آعترف بــ هـلأليتي عند آلآنتصآر

اخر تعديل كان بواسطة » هلآلي روماني في يوم » 21/02/2013 عند الساعة » 03:38 PM
اضافة رد مع اقتباس
  #2  
قديم 19/02/2013, 06:22 AM
الصورة الرمزية الخاصة بـ waw500
زعيــم مميــز
تاريخ التسجيل: 16/09/2012
المكان: ღ قڵٻڴ ۑاآ ھڵآإٱل ღ
مشاركات: 2,316
الحمدلله على كل حال
وان شاء الله تجعل الامور كلها خيره
ومعاك يالزعيم في الحلوه والمره
شكراا لك ع الطرح وبالتوفيق يارب
اضافة رد مع اقتباس
  #3  
قديم 19/02/2013, 06:32 AM
الصورة الرمزية الخاصة بـ alfayhaa Sport
زعيــم مميــز
تاريخ التسجيل: 04/09/2008
المكان: حى منفوحة الجديدة - الرياض
مشاركات: 26,476
كل التوفيق للهلال ، مهما اللى حدثت بالأمس ، علينا النسيان مباشرة والتركيز على نهائى كأس ولى العهد
اضافة رد مع اقتباس
  #4  
قديم 19/02/2013, 07:22 AM
الصورة الرمزية الخاصة بـ خيال هلاليه
زعيــم مميــز
تاريخ التسجيل: 25/05/2009
المكان: الكلمات الحلوه والدعوات الصادقه .. أشياء بسيطـه ولكنها تزيد الحياه جمال ..
مشاركات: 10,370
الحمـــدلله على كـل حـال
بجـد أنا بالنسبـه لي صدمـه هزيمتنا وبالثلاث .. والدوري ..!!!
عمومـاً أنا أوافقك الكـلام وماراح يرجع لنا شيء قهرنـا وحزننا
يسس احنا مع الهـلال بالحلوه والمره ويـااارب يعوضونـا بالفوز بالكـأس
وكلامك سليم .. بجد دفاعنـا لابد من التركيز عليه وبقوووه وتنظيمـه ..
ثمااانية اهداف منذ عوودتنـا للدوري .. بجد شيء محطططم
الحمـدلله الحمدلله الحمـدلله ويـااارب انها خيرة للفريق وكأس ولي العهد من نصيب الهـلال
بـــإذن الله

,,,
اضافة رد مع اقتباس
  #5  
قديم 19/02/2013, 07:35 AM
الصورة الرمزية الخاصة بـ بدر الشنار
زعيــم مميــز
تاريخ التسجيل: 06/06/2004
المكان: الرياض بعد ابو ريالين
مشاركات: 1,548
إقتباس
وكنت بكتب بس غيرت رايي لان اعرف اني بكتب موضوع سلبي جدا
وقد يحطم اللاعبين ويزيد من الشحنه وغيرها ...

لا والله يا ليتك على فالك انت تحسب هؤلاء اللاعبين يفكرون فيك والا في رده فعلك

ماعبروك تبي تعرف رح النادي وتعرف كيف التعامل تحس انك داخل تشفو نجوم برشلونه

وهو من كم سنه معه اكسنت !!!

يا اخي ما يطقك الا اللي يحبك يزي دلال

اما من ناحيه المرشدي فأكيد افضل الف مرة وماهو عشان امس لا والله الزوري ما مشى في الظهير تبيه يمشي في السنتر ؟؟؟؟؟؟؟؟؟؟؟؟؟؟؟؟؟؟؟؟

لكن الشرهه مهيب عليه الشرهه على اللي خلاه في النادي الى الان بدون حساب ولا عقاب
اضافة رد مع اقتباس
  #6  
قديم 19/02/2013, 07:36 AM
الصورة الرمزية الخاصة بـ نظرة فنية Look @ art
زعيــم جديــد
تاريخ التسجيل: 14/05/2012
مشاركات: 21
الهلال ثم الهلال

أخوي : هلالي روماني

غالباً الجار يصير ضحية تصحيح للهلال أرجع للتاريخ وتعرف ان الهلال يعود من بوابة النصر ..

لا نستبق الأحكام صحيح .. ولكن الإدارة الهلالية ينقصها التهيئة النفسية للاعبين أستغرب هلال هالموسم يتقدم ولا يعرف يحافظ على النتائج ويفقد النقاط بآخر دقائق المباراة؟

أنا اعرف جماهير عاطفية كثير تطالب عبدالرحمن بن مساعد الرحيل ؟! لن أعلق إلا بعد مباراة النصر ..

مفارقات : النصر يبعد كومبواريه عن الهلال .. اتمنى لا نرى ابتعاد الإدارة بعد النهائي وإستقالتها سواء الظفر بالكأس ام بالهزيمة ..

لا نقبل الإنهزامية بالنادي .. وهذه الرسالة مفادها للاعبين الهلال امس في الملعب لفت نظري أربع لاعبين فقط ياسر ، الشلهوب ، الشهراني ، العابد .. من يحترقون داخل الملعب الباقي أوراق فنيه غائبة كلياً ..

لانستطيع زرع الروح في اللاعبين اذا لم يغاروا على شعار النادي .. فكلي اسف ان الادارة لا تعرف واقولها صراحة ماذا تعمل قبل النهائي ؟

وحضور بندر بن محمد للنادي أكبر دليل من زمان ما شفنا بندر بن محمد في النادي يحضر تمارين ؟؟

كل الآماني ان يحقق الهلال البطولة السادسة على التوالي ..

تحياتي ،،

نظرة فنية
اضافة رد مع اقتباس
  #7  
قديم 19/02/2013, 07:44 AM
الصورة الرمزية الخاصة بـ بنو هلال
زعيــم مميــز
تاريخ التسجيل: 20/04/2007
مشاركات: 2,736
تتكلمون عن الهزيمة وكانها اتت من الشعلة
مهما كان هذا الشباب والمباراة ديربي وتعلمون احوال الديربي
والعاقل بمن اتعض بغيرة وخلونا في النهائي
وبعدها لكل حادث حديث
اضافة رد مع اقتباس
  #8  
قديم 19/02/2013, 07:46 AM
الصورة الرمزية الخاصة بـ دلوني عليه 15
زعيــم متألــق
تاريخ التسجيل: 14/10/2009
المكان: مكه المكرمه .. moo ef800@
مشاركات: 1,493
إقتباس
الرسالة الأصلية كتبت بواسطة بنو هلال
تتكلمون عن الهزيمة وكانها اتت من الشعلة
مهما كان هذا الشباب والمباراة ديربي وتعلمون احوال الديربي
والعاقل بمن اتعض بغيرة وخلونا في النهائي
وبعدها لكل حادث حديث

ابصم بالعشرررررره انك نموذج المشجع الفاهم ....
اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:18 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube