من لديه افكار او اقتراحات لمجلس الجمهور الهلالي - صفحة رقم 4 - نادي الهلال السعودي - شبكة الزعيم

al-jouf · #46 14/02/2013, 05:25 PM

فكككره ممتازه بصصراحه اتمنى من الجمهوووور التفاععععل ..

ابو ريّان · #47 14/02/2013, 05:44 PM

إقتباس

الرسالة الأصلية كتبت بواسطة عبدالله خالد القعود


	هلا بك ياغالي والله احترم انتقادك , لكن يشهد على الله تفاجانا باللي حاطته موبايلي وحتى الاداره زعلت لما شافت هالشي وبرضو الادراه خاطبت موبايلي بالشي اللي صار وباذن الله مايتكرر , وبالنسبه للتوزيع والله ان نعاني من بعض الجماهير الغير متعاون ويمكن انت شفت بنفسك , وباذن الله تشوف النهائي مدرج من استعدادت المجلس الجمهور امين عام المجلس عبدالله القعود ابو تولاي

السلام عليكم ورحمة الله وبركاته،

الله يعطيك العافية؛ والحقيقة كنت أرغب بالتواصل معكم بخصوص تلك اللوحة البشعة؛ لا تعلم كم آذتني والكثير من الجماهير الهلالية، بصراحة كانت شيء مقزز ويبعث على الإشمئزاز ..

لايوجد عندي اقتراحات الآن ولكن يكفيني وعدكم بعدم تكرار ماحصل لأنه شيء لايليق بإسم الهلال ولا بـ جمهوره ..

أخوكم.

راكان الغامدي · #48 14/02/2013, 06:20 PM

والله انا اتمنى من الاداره او مجلس الجمهور بعمل مسابقه افضل صوت وحماسي والفائز يقود الرابطه نبي مثل صالح القرني او الحازمي

أبوريـــان · #49 14/02/2013, 06:44 PM

خطوه رائعه
موفقيييييين

..........................

طيف أزرق · #50 14/02/2013, 10:48 PM

السلام عليكم ورحمة الله وبركاته

اعتذر لأني ما انتبهت لهالموضوع ونزلت موضوع بخصوص اللي ابي اقوله بهالرد

اليوم وانا اتفرج على مبارات الهلال مع الشعلة واسمع اهازيج الجمهور حسيت اني فاقد صوت (علي العنزي) الله يذكره بالخير المشجع الشبابي سابقا والهلالي حالينا واللي كان يقول (ياهلااااااااال) وحنا نرد وراه (هاااااااي) ويهتز الملعب بس من كلمة ياهلال

اتمنى بجد .. اتمنى من اللي معاه المايك في مباريات الهلال القادمة انه يقول (ياهلاااااال) وكل الجماهر الزرقاء ترد وراه (هاااااااااي)

ليش انا اطلب هالطب

لأن الكلمة بحد ذاتها (ياهلال) والله مو بسيطة .. لأنها نـــــــداء للهلال ومو لأي احد ثاني او مدرب او لاعب معين
نـــــداء إلى (روح) الهلال وهالروح إذا حضرت عند اللاعبين محد يقدر عليهم

وأكاد أجزم والله اعلم ان هالنداء لما يجي بصوت قوي وكل الجمهور يرد وراه اكيد راح يأثر على اللاعبين اكثر بكثير من أهازيج مستوردة من اندية ثانية او أغاني او ما شابه

آسف عالإطالة .. واتمنى من كل قلبي ان تصل كلماتي إلى الجماهير الهلالية

وفالك الذهب يازعيم

KanshOo · #51 14/02/2013, 11:02 PM

آلمفروض بعد ما تنتهي أي مبآرآة للهلال
ينزلون المصورين الصور الي التقطوها بالملعب ..
يكون ينزلونها بسرعة

ابو الفيصل الوليدي · #52 14/02/2013, 11:09 PM

اتمنى توحيد واجهة المدرج الهلالي باللون الازرق والابيض

في كل مبارة اثناء دخول اللعبين إلى ارضية الملعب
خصوصا في المباريات الكبيرة
وان تكون بتشكيلات جديدة في كل مباراة

هلاليzozo · #53 14/02/2013, 11:12 PM

انا عندي اقترح في برنامج على الايفون وجلكسي وتابلاتات وهو مثل كل مباره يتم تشغيل فلاشات ولكن

في برنامج اسمه( برنامج tiny flashlight وهذا البرنامج في ميزه ان وهو تشغيل فلاش الوان يشغل الاخضر والاحمر

والاصفر........ الوان الطيف بشكل العام (( يعني لو شغلنا كلنا برنامج هذ افلاش الوان راح يكون منظر جميل
وهذا صوره من البرنامج من داخل

اذا ضغطنا هذا الي موجه عليه بسهم راح يطلع لنا الوان بي شكل متقطع بشكل جميل

للتحميل للجلكسي الاندرويد....

https://play.google.com/store/apps/d...uni.flashlight

للتحميل للايفون والايباد.....

https://itunes.apple.com/sa/app/flas...377459147?mt=8

سعوديه والهلال ناديه · #54 15/02/2013, 12:59 AM

يالا نبي تفاعلكم يالرقم
الصعب
لكن صراحه جماهير لاتحب شي عن التشجيع
اجل المتواجدين فقط 29 -3اعضاء
لاتعليق

الهوا هلالي · #55 15/02/2013, 01:15 AM

اتمنى عودة الاتراس الهلالي الي كان موجود العام على الاقل كان المدرج ملياان مو الحين ماحولك احد

عبدالله خالد القعود · #56 15/02/2013, 01:18 AM

إقتباس

الرسالة الأصلية كتبت بواسطة سعوديه والهلال ناديه


	يالا نبي تفاعلكم يالرقم الصعب لكن صراحه جماهير لاتحب شي عن التشجيع اجل المتواجدين فقط 29 -3اعضاء لاتعليق

معليش مافهمت ممكن توضيحي ؟

سعوديه والهلال ناديه · #57 15/02/2013, 01:38 AM

إقتباس

الرسالة الأصلية كتبت بواسطة عبدالله خالد القعود


	معليش مافهمت ممكن توضيحي ؟

اقصد جماهيرنا مع الاسف
ماتحب طاري التشجيع والابداع
الحين ازعجونا نبي عمل ورابطه
ويوم نزلتم الموضوع المتواجدين فيه
فقط الرقم المذكور
لكن
انتم اعملو واجتتهدو وبحول الله ترجعون بهيبه مدرجات الملكي
املنا بعد الله في المخلصين امثالكم

الزعيم مين يطوله · #58 15/02/2013, 02:13 AM

اللَّـه يعطيكـ الف عافيههههة

باتريوت هلالي 2 · #59 15/02/2013, 02:16 AM

إقتباس

الرسالة الأصلية كتبت بواسطة روحي وعشقي ملكي


	ياهلا ياسامي أخيرآ والله مجلس الجمهور مقصر كثييير بحق الجماهير والزعيم هذه بعض المقترحات أتمنى تنفيذها 1- الطلب من موبايلي عمل شالات جديده وكتابة عليها الزعيم الملكي 2- في النهائي أحضار لافته كبيره وكتابة عليها كأس سلمان في ملعب سلمان 3- توحيد لبس الرابطه أو لبس التي شرت الهلالي لأن بعضهم لابس لبس نوم !! 4 - تأليف نشيد رسمي للهلال فيه لقب الملكي وأهازيح جديده غير أهازيج الأنديه الأخرى! 5- أحضار الدخان الأزرق والأبيض في النهائي 6- أحضار قطع ورقيه كبيره زرقاء وبيضاء ويكون المدرج العلوي أبيض والسفلي أزرق الأهم تكون كبيره واضحه ..

+ 1

وازيد على اخوي

واتمنى وضع مصورين للرابطة من ارض الملعب يعني يجي بالمضمار ويصور الرابطة ودخلات الجمهور زي الاتحاد والاهلي بكل مباراه اتمنى نوثق دخلاتناا مثلهم من المضمار اقصد حتى بالمباريات الصغيره يتم تصوير اهازيج للرابطه اقل شي ثلاث مقاطع بالمباراه اتمنى تكون بفترة رائستك اخوي احمد تحطوناا بالصوره لاهازيج ودخلات الجمهور بالفديو من ارض الملعب من المضمار اقصد واذا ماقدرتو اقل شي من المدرج مجرد امنيه وفكره حلوه وتصير قناه خاصه بابداع واهازيج جمهور الهلال على اليوتيوب عزيز مكس مايقصر بس مايحظر كل المباريات واشكركم على المجهود الي تسوونه علشاناا شكرا لكم

وازيد اتمنى يكون فيه شريط لكل الاهازيج الجديده باصوات محمد الغفيفي ومحمد غندر كلمو حسن الناقور ان شاءالله مايقصر حققو حلم كل هلالي

Maha` · #60 15/02/2013, 02:46 AM

اقل شي نبي نشوف المدرج كله ازرق لو مره وحده
سواء بالقطع البلاستيكيه الزرقاء او بالبالونات او غيرهم
ونبي جمهور حماسي ما يسكت ابد ويكون حضوره مؤثر ومربك للخصم
للاسف دايم نشوف حضور كبير بدون اي فعاليه
جمهور صامت وجوده مثل عدمه
واتمنى ما نشوف اي شي يتعلق بموبايلي سواء شالات او لافتات
الجمهور جاي يشجع الهلال مو جاي يشجع موبايلي

عساكم ع القوه
والله يوفق هلالنا