اسعدالله اوقات الزعماء بكل خير
مفارقه غريبه شاهدتها وحبيت اثارتها بيننا نحن عشاق الزعيم وهي استقبال جمهور الاتحاد للفريدي وستقبالنا نحن الزعماء للكبتن محمدمسعد
عندما ذهب الفريدي الى جده في طريقه لفريقه الجديد حضر الى مطار جده اكثرمن خمسه ألاف شخص من انصار الاتحاد يرددون الاهازيج خلف الرابطه وهذا الشي لم يحدث طوال تاريخ الرياضه السعوديه سواء مع محليين او اجانب
وقد يكون للفريق اللذي اتا منه الفريدي سبب ولاكن سيظل اللاعب مدان لفريقه الجديد بهذا الاستقبال وينعكس بالتاللي على عطائه داخل الملعب
اما فيما يخص محمد مسعد فقد حضر للمطار للأسف ولم يجد أمامه الا الكداده(سياره يالخو) وهو اللذي حضر من النادي الاهلي وكان يحمل شاره القياده في احيان كثيره
وجاهز للعب في اي خانه(جوكر) فلو حسبناها من الناحيه الفنيه فبأمكانه ان يعطي مردود أفضل من الفريدي رغم عشقي للفيلسوف الصغير ولذلك مسعد بالذات بحاجه الى دعمنا نحن الجماهير لكي نعيد صياغته وتوهجه كما حصل مع الخثران الله يذكره بالخير وغيره الكثير ممن لم تساعدهم الظروف على التألق وحينما وجدو الجو المناسب صالو وجالو في ميادين كره القدم والامثله تطول
فمن هنا اقول انتم ايها الزعماء ولاغيركم من يرفع النجوم اومن يسقطها ودمتم وعلى حب الزعيم نتفق

اتفق معاااك اللاعب اذا لقى تشجيع وترحيب فهو بلاشگ سيقدم كل مالديه...

ان شاء الله نرى ترديد اسمه بالمدرج الملكي ون شاء الله يتوفق اللاعب معانا ويثبت نفسه...


كل الشگر....

الفريدي لن يفيد الإتحاد إلا فترة بسيطه في البدايه ومن ثم سيعود الى ماكان يفعله بالهلال لأن عقليته لا يريد أحد أن يقول له شيء أما محمد مسعد فسيكون إضافة جميله للهلال فقط يريد وقفه الجماهير الهلاليه معه لأنه عانى الكثير من الجماهير والإعلام الأهلاوي

أخي الكريم ، لن أبرر الإستقبال الضعيف الذي حدث لمحمد مسعد ولكن لا تنسى الآتي :
1- أسلوب إنتقال الفريدي كان له أثر كبير في حشد هذا الكم من الجماهير الإتحاديه المستقبله له .
2- الإتحاد يمر بفتره ( إفلاس فني ) لكافه لاعبيه ، وقد كان قدوم الفريدي إليهم بمثابه الأمل الأخير لجماهير الإتحاد لأعاده بعض من ماكان يحلم به الإتحاديين بدايه الموسم !
3- الفريدي في التشكيله الإتحاديه يُعد اللاعب رقم (1) حالياً .. !
بينما مكان المسعد في التشكيله الهلاليه غير مضمون بسبب التنافس بين اللعبين في نفس الخانه ..

شاكر لك طرحك وتفكيرك في نفسـيات اللاعبين والذي يتم إهمالها في أحيان كثيره من قبل الكثير من الجماهير ..

على الاقل يكون له استقبال حضاري من الادارة ..
وحفل مبسط بالنادي ( شاهي وكم عضو من الادارة وخلاص )
.
لكن ان يترك بهالطريقة انا اقول انها بعيده عن الذوق والاحترام ..
وبصراح غريب هالتصرف من الادارة .

هذا ما يلزمنا فعله من المدرج من التمارين قبل المباراة بالهتاف والنساء باسماء اللاعبين واحد واحد وأنا ألاحظ من جماهيرنا تردد اسم ياسر في الموسم ذا في اغلب المباريات هذا يولد عند الاخرين من اللاعبين اللامبالاة لأنه لا يشعر بحب الجماهير له ويقول أأدي اداء تحصيل حاصل لأنه اذا احترق واجهد نفسه يحس انه دون مقابل هو مثل الموظف يأخذ راتب بس الفرق بين الموظف اللي يطور نفسه ويحصل على الاشادة لا يشعر بالملل من التطوير اما اللي ما يحصل دعم ومؤازرة يمل ويقول اخذ راتبي بأقل مجهود...العتب علينا احنا لأننا ما عاد حسينا بالمسؤولية تجاه فريقنا وعشقنا واحنا هذا والاحساس تنقله اللعيبة من المدرج يا اما مؤازرة وهدير واحساس بالمسؤولية أو اهمال وتغاظي سعيد هلالنا حلالنا من المدرج والمؤازرة والمدير والحماس وبث الروح...

جمآهير الاتحآد لم تصدق خبر توقيع الفريدي ، وكآنو مجرد حلم لهمم آن يشآهدو الفريدي

لكن آصبح حقيقهه

صحيح الاستقبال لهه دور تحفيزي ، ولكن مسعد تم التوقيع معهه ولم يكن آحد من جمآهير الهلال

آن يكون مسعد في الهلال

لكن رآحح يشوف البطولآت بدل الاستقبال بآذن الله

كـــلامك سليــــم
وأتمنى من جماهيرنـا ترديد اسمـه وتشجيعـه ودعمـه لان هالشي يحممسس اللاعب لتقـدييم أقوى وأقصى ماعنده ..
وتكفوون بلاششي تحطييم وتحبييط لأي لاعب بالملعب بالذات .. لان هالشيء راح ينكسسه وينكب الفريق بوقت المباراة !!
لانصير احنا والخصووم ضد لعيبتنا !!!!

وبعدين هناك فكره قالها أحد الأعضاء فووق .. وين إستقبال الإدارة للاعب بالحفل المبسسط وكله ؟!!
بجد غريبه ان فاتتها هالشغله !!
اتذكر ان سعد الحارثي العام الماضي سوو له احتفالية بسيطة ولااا ؟؟!!


,,,

وجود لاعبي الخبره في الفريق مطلب ضروري

امثال محمد مسعد حتى لو كان احتياطي

يعطي كثير من الارتياح بخلاف اللاعبين الشباب ممكن تتخوف من عدم خبرته


# احمد الفريدي يملك موهبه , لكن ياما خذلنا و كان مكمل عدد في الملعب لا اكثر

شخص مزاجي الى ابعد حد , و بروده يقتل اللعب

لو نظر الى حسرة احمد الدوخي على ترك الهلال , ما فكر مجرد تفكير في الخروج من الفريق

و اذا تبغوا تعرفوا ان طموح الفريدي منعدم ما كان قال انا ما عاد عندي طموح في الهلال !!

والفريق ينافس على كل شي !!

و الطموح الي ذهب اليه بالكاد ثابت في المركز السابع !!

ليس محمد مسعد وحده .. حتى محترفينا الأجانب جو للمطار ومالقوا أحد يستقبلهم سوى الإداري " المديد " كأنهم سواقين !!؟؟

سقطه لاتغتفر من الإداره والجمهور

صح لسانك وصح قلمك وهذا ماكان نريده من الجمهور الهلالي ولكن ان شاء الله الجمهور يعوض محمد مسعد فالايام القادمه والوقوف معه ومع الهلال وبدون تجريح لاي لاعب هلالي ومحمد مسعد لن يندم عليه الهلال لاعب موهوب وجوكر ويجيد العب في جميع المراكز وبكل القدمين يجيد العب

وش جاب الثرى للثريا !!

انت تتكلم عن لاعب كان بالامكان ان يكون آسطورة الهلال عندما اراد فقط مبلغ .. 8 مليون وقال بلسانه آن لو اتى من الهلال عرض 8 مليون ومن فريق آخر 10 مليون لوقعت للهلال ,, وبعدها بايام نرى تجديد لسلطان البيشي ب 9 مليون ونص و القرني 8 مليون والفرج مادري كم مليون !!

انت تتكلم عن آحمد الفريدي .. اللي كان يحاربونه هنا ويقولون كومباريه مو مقتنع فيه بالاخير كومباريه يطلع مع بتال القوس ويتكلم ويقول خسارة كبيرة للفريق التفريط باحمد الفريدي وانا احب الفريدي كشخصه واحبه كلاعب !!!!!

تقارنه بمسعد مطرود من جماهير فريقه !!!!!!!!!!!!!!

الله يكون بعونك يا الزعيم .. دام هذا فكر جماهيرك المحدود بمحاربة نجومهم واستقبال الكديش !

الهلال كان الله في عونه من جماهيره آولاً ومن ثم ادارته !

جماهير تنقسم قسمين الى سامي الجابر والى ياسر القحطاني .. وتناسوو الكيان ,, !

الله على ايام الخثران خاصة في عهد كوزمين كان مثالا للمحور المتكامل كما انه كان يبدع في الظهير والوسط الايسر

يكفي أي نادي ان يستقطب لاعب احتياط من الهلال ليفرح جمهوره ماشفت النصر وش سوو لعزيز وهو منتقل من الشباب الموضوع طبيعي وخاصه من جمهور المسيار يفكرون أي لاعب ينتقل من الهلال يستطيع ان يلعب لوحده ويشيل فريقهم شكرا لك