اللاعب الجديد - نادي الهلال السعودي - شبكة الزعيم

meshal_1 · #1 31/01/2013, 01:11 AM

بسم الله الرحمن الرحيم
السلام عليكم ورحمة الله وبركاته

اخواني الزعماء
كيفكم

هاردلك على الهزيمه
صراحه انها فشيله ننهزم من هالنادي القزم
لكن ان شاءالله تكون حافز للاعبين بمباراة ولي العهد امام النادي القزم ذا

لكن عندي بعض الاشياء ابي رايكم فيها

1/ اللاعب البرازيلي الجديد
صراحه مكسب لنا من اول لمسه للكره وانا عرفت انه لاعب
ولا وش رايكم؟

2/ اللاعب الكولمبي ذا وربي ان هرماش افضل منه ببعيد ولا وش رايكم؟

3/ ماتلاحظون تعصب المعلق الفاشل ذا مع النصر

نعنبو حيه الهلال ماسك كوره الشوط الاول والثاني ويقول النصر ماسك الشوط الاول
واثناء المباراه يعيد جملة مبارة العصر اللي قبل عام رضمه

ولا وش رايكم فيه؟

4/ المدرب يومه ماهو مقتنع بالضهير الطائر نامي
ليش يدخله باول المباراه

احس ابن مساعد+ كمبواريه
شوهوا تاررريخ الهلال

المايك لكم

الموج 11 · #2 31/01/2013, 01:32 AM

الاعب البرازيلي واضح انه وحش والكولمبي احس انه مغلب والله يستر والمدرب لازم يقال لنه سبب انتكاسه خطير في الهلال والله يوفقنا في قادم المباريات

كريزي هلالي · #3 31/01/2013, 01:35 AM

بالنسبه للاعب البرازيلي المدافع واضح انه لاعب كبير استلام وتسليم بشكل ممتاز اما بالنسبه للكولمبي الله ستر من الكرت الاحمر ونقول ان شالله مستقبلا يتأقلم مع الفريق

الوليد_94 · #4 31/01/2013, 01:37 AM

كلآلآلآلآلامك صحيح

هو لو لاعب بالشهراني يمين والزوري يسار والمسلم والبرازيلي سنتر كان النتيجه لصالحنا

لعب النصر على نقطه ضعف الهلال وخذو اللي هم يبغون

والكولمبي هذا اختيار عبدالرحمن بن مساعد يامصاب ياسباك وجايبينه عشانه رخيص او شف وش علته

ومن ناحيه المعلقين وســع صدرك ض1

تقبل مروري

مملــوك في حبك20 · #5 31/01/2013, 01:40 AM

مدرب خواف جدا وليس عنده تكتيك معين لاعبين متهالكين جدا الموهوب احتياط لاعبين اجانب ليس المستوي المطلوب رئيس لييس عند جديد غير ساندوا الهلال تعبانه وحنا نحضر بدون مستوي علي الاقل ^^^ استقالت الرئيس + طرد المدرب + طرد الزوري + نامي هذا هو الحل

RASMEE · #6 31/01/2013, 01:45 AM

أوزيا بداية مميزة..

جوستافو إن شاءالله يتأقلم ..

كومبواريه ... ياحسافة الملايين اللي تجيه

مدرب فاشل بمعنى الكلمة يجب إبعاده

meshal_1 · #7 31/01/2013, 07:45 PM

كلامكم جميل ومعبر ياخواني الزعماء

وان شاءالله يشوتون هالسباك المدرب

طيب زلاتكو وش حليله ومحقق نتائج ايجابيه مع الفيصلي
ليش مانحطه محل هالسباك

al-jouf · #8 31/01/2013, 07:50 PM

بالتوفيييييق للملكي

..

الحمد لله انها تمت اقاله كمبواريه مع ان الوقت متأخر ..

والله يكتب اللي فيهه الخخخير للهلال..

استغفر الله العظيم واتوب اليهه . .

سسبححان الله وبحمده سبحان الله العظيم . .

اللهم ارحم المؤمنين والمؤمنات والمسلمين والمسلمات الاحياء منهم والاموات . . .

meshal_1 · #9 31/01/2013, 07:56 PM

هلابك يالجوف

وصراحه توني اشوف خبر طرد هالسباك

وقسم بالله العلي العظيم انه اجمل خبر اسمع هاليوم

نعنبو حيه لعبنا فينا

لا وبعد اذا احد ناقشه كأن مافينا واحد يفهم كوره
وهو الفاهم

وربي لو اجيب طفل بالشارع ليعطيني تشكيله اقدر افوز بها على هالصعاليك النصراويه

وربي بس ادس وجهي بالشارع من الهزيمه

اجل نادي قزم مثل الصعلوك النصر يفوز على زعيم اسيا

واااااا خيبتاه بس