ليـش يآ آبن مسآعد تصـرح كذآ ....؟! - نادي الهلال السعودي - شبكة الزعيم

čħεvŏ● · #1 31/01/2013, 12:04 AM

آفتتآحيـه /
هآآآردلك
الخسـآره ليست نهآية المطاف ولكن لآبد من تقصي اسباب
الخسآره

فبدآية البحث عن الخسآره واسبابهآإ ،
آظن انها تنقسم هكذآ :

1- المدرب : اظن انه يتحمل الجزء الاكبـر من الخساره
للاسباب عده :
أ-لآنـه بدآ بـلآعب مثل الاعب محمد نامي وعنده الاعب الاسآسي وهو سلطان البيشي .
ب-لآن المدرب تفلسف شويـه ودخل يآسر اساسـي وبالاساس بالمباره الي تسبقها كان احتياطي ويوم دخل بذيك المباره مافعل اي شي يذكر (حسبي الله ع بطولة الخليج والظغط إلي اضعف الاعب ).
ج-انـه جازف بالاعب جوستافو ولاعب واضح انه من مبارة الاتفاق مادخل مع الفريق وانسجم (الاعب نفس هرماش بالتسليم والاستلام والتوزيع ولآكن الفرق بينهم الحماس واللياقه العياله لدى هرماش ) ولآكن توه جديد وبنص موسم ومالعب غير مبارتين تشفع له انه مايحاسب إلآ بعد 6 مباريات ع الاقل ولآكن الاعب تبين مهاراته وفنه من اول لمسه للكره .
د-واهم حاجه او بالاصح عيب بكومبواريه انه مايقرا المباره لا قبل ولا داخلها

( غبي )
واكبر دليل مدرب النصر قاري الهلال عدل دخل شراحيلي عشان يقفل المنطقه الدفاعيه قدام قوة الهلال من الجبهه اليسرى التي يتواجد فيها ياسر وسالم وشال الاعب الي كان قبل اساسي وهو الاعب خالد الغامدي .

2-الاعبين :
اظن انهم ايضآ يتحملون جزء لآ يبآعد المدرب كثيرآ
لآنهم لآ يقآتلون كثيرآ بالملعب إلآ من البعض ,
آيضآ يعآب بلعبهم البطء الشديد والعوده كثيرآ للخلف وعدم التحرك وفتح المساحات لزمـلآئهم فلذالك تضيق المساحه على الهلال .
واظن من مكاسب الاعبين الاجانب الاعب البرازيلي اوزيا
من اول لمسه تعرف ماسيقدمه و حماسه وقتاليه .
3-الادآره :
لآنها تركت كل شيء للمدرب ,
لآاريدهم التدخل بالخطه ولاكن ياخي اختيار الاعبين طالبنا بالاعب اجنبي صانع لعب ولم يجلبون لان المدرب اصر ببقاء المهاجمين ,النصر اليوم راحت مبارته بس قدام العين وش بنسوي ..!
الاداره تتحمل شيء كبير جدآ من الاخطاء التي قد تتراكم على الفريق وترمي فيه بعيدا بهذا الموسم .
اتمنى ان لآ يصرح ابن مساعد باي تصريح إلآ آذآ كان فيه فائده للفريق ليس للحديث فقط ...!
في الختام /
انا قلت الاسباب من وجهة نظري ومن وجهة نظري الحل الافضل
هو تعين المدرب (زآلآتكو) على اقل تقدير .

والحمدلله على كل حال واتمنى الافضل في الايام القادمه

عمده جدة · #2 31/01/2013, 02:01 AM

سبب الخسارة هو مدربنا العزيز

وجود ناااااااااااااامي النكبة اكبر كارثة بحق الهلال

والله كل مااشوفه احس ان الواسطة تسري في الكيان الهلالي

عبدالرحمن الدوسري · #3 31/01/2013, 02:02 AM

كل فريقنا معارين من فرق اخرى ..

لا اولمبي ولا شباب ..

فرطوا في النجوم ..

ومن انحدار الى انحدار ..

ومن موسم سيئ الى موسم اسوء

وهكذا دواليك ..

اربع سنوات كافيه .. لاي شخص ..

عط غيرك الفرصه وانظم لنا بالمدرجات

ماقصرت وبيض الله وجهك وكفيت ووفيت ..

يا عبدالرحمن بن مساعد ..

الوليد_94 · #4 31/01/2013, 02:06 AM

مــدرب ماعنده سالفه

ابي اي واحد عاجبه المدرب يعطيني مباراه فازها الهلال بكل جداره [ فنيا ] لحد يجي ويقول الشباب ولا الاهلي اللي كلهم كانو بلا هويه وقتها

,

لكن الجواب الشافي بيجينا بعد اسبوعين بالاسيويه

وقدام الاهلي والاتحاد والشباب بالدوري والدوري باي باي والاسيويه باي باي

ويجي عبدالرحمن بن مساعد يقول انـا ماأوعدكم بكأس ولي العهد

وجماهير الهلال يصير طموحها كأس ولي العهد !

al-jouf · #5 31/01/2013, 04:58 AM

تكفين ي فرنسآآ "؛×

خوذي ولدكم وعطينا ولدنآآ ,""

آآآآآآآآآآآآآآآآآآآآآآآآآآآآآآآآآآآه

ي سسسامي >>@××

هلالي لو اشجع الحالي · #6 31/01/2013, 07:18 AM

المدرب مو عارف يسوي تشكله ولا يوضف الاعبين ولا يعرف يبدل

انا مدري وين محصلينه

رسيم العيون · #7 31/01/2013, 07:20 AM

وافضل خبر صراحة اقالة المدرب

بس لو يرجع سامي الجابر

عبدالكريم ع ج · #8 31/01/2013, 07:56 AM

حركة كمبواريه بالأصبع أص ( أسكت) من شافها
في بداية الشوط الأول وماأدري قبل تسجيل هدف النصرفي الدقيقة 13 ولابعده
ومن يوم جت الكاميرا على وجه كمبواريه وضع يده على فمه بطريقة أص {أسكت}
وهالحركة ماهي مقبولة من المدرب أيا كانت موجه إليه
فأن كانت موجهة لآحد لاعبي الأحتياط فهي غيرمقبولة
وأن كانت موجهة للحكم الرابع فهي غيرمقبولة أيضاً
ولاتقبل هذه الحركة بحق حكم الساحة
وغيرمقبولة بحق أحد لاعبي الهلال داخل الملعب ولكن ..
من الواضح أن المدرب موّقت للكاميرا وعامل حسابه وبمجرد أن جاءت على وجهه بشكل مباشر
أوصل رسالته (بالأمربالسكوت) وهو يقصد بها أحد ما
ولاأظنه يقصد بهذه الحركة سوى .. جمهورالهلال

ابو معلا الاحمدي · #9 31/01/2013, 08:04 AM

ياخي من جد على اي
تنزل نامي اساسي وعندك سلطان البيشي

ملكه في مملكه الزعيم · #10 31/01/2013, 09:01 AM

السبب المدرب في كل التخبطات ...

المدرب هو السبب في تراجع مستوى اللاعبين نشوف ياسر يرجع يدافع و ويسلي يحاول يصنع لعب يحمل اللاعبين حمل اكبر منهم
يعني ثلاثة مهاجمين ولايوجد صانع لعب
قال الكره الحديثه مافيها صانع لعب
يلا اشرب الاقاله

زعيم هادئ · #11 31/01/2013, 09:05 AM

سبب الخسارة هو مدربنا العزيز