السلام عليكم ورحمة الله وبركاته

اول شي هارد لكم الهزيمه .. وخسارة ثلاث نقاط مهمه جدا

وان شاء الله الزعيم يركز بالايام الجايه اكثر واكثر ولا يفرط بالمباريات

ومتى ماتعثر الفتح بإذن الله يكون الدوري قريب من الهلال


-----------------

ندخل بالمهم .. اليوم كلنا تابعنا المباراه ولعلكم شفتوا لاعبنا الجديدجوستافو

صراحه خشن جدا ودخلاته على الاعبين قوويه وفيها خطوره على الاعب الخصم وعليه هو شخصيآ


يعني وش تسوى علينا .. لما يلعب الزعيم مبااراه مهمه وياخذ كرت احمر ؟


نطالب الاداره تشوف الاعب وتنبهه على هالنقطه



............


اما بخصوص سباكنا العزيز كمبواريه .. مايحتاج اننا نقييم المدرب وهو بكل مباراه يثبت فشله فوق الفشل اللي سبقه


المدرب من يوم جانا وهو يتخبط بالفريق ويحوس بالخطه


وإقالته واجبه ولا عليه حسووووفه



ونطالب الاداره وخصوصآ عبدالرحمن بن مساعد ... اذا كان مايقدر يجيب مدرب متميز ولاعبين مميزين ...


يعتذر عن رئاسة الهلال .. فيه غيره كثير وعندهم الاستطاعه انهم يدفعون الغالي لعيون الزعيم وجمهوره


والمسأله ماهي تجاره .. ونقطه صغيره لحسن الناقور وووين ( الباص ) ؟

ولا بس كلام .!!



تحياتي للزعماء

من وجهه نظري المتواضعة اعتقد أن لياقة اللاعب المتدنية هي السبب لذالك يضطر للعنف لإيقاف الخصم

بصراحه دفاعيا لم يظهر حتى الآن أما على مستوى دعم الهجوم فهو صاحب توزيع جهة اللعب ويلعب كرات عاليه بالعمق أيضاً ولكن يعاب عليه لعب الكره بقوه أثناء تمريره الكره لزملائه

1- جيب لي رئيس غير عبد الرحمن يرغب برئاسة الهلال ومالك الا يطلع اليوم من النادي
2- الباص جاء وصل الاعبين الى الملعب

كم قيمة عقد جوستافو وراتبه
عشان بس اقارن ببعض اللاعبين

إقتباس الرسالة الأصلية كتبت بواسطة شاووو من وجهه نظري المتواضعة اعتقد أن لياقة اللاعب المتدنية هي السبب لذالك يضطر للعنف لإيقاف الخصم بصراحه دفاعيا لم يظهر حتى الآن أما على مستوى دعم الهجوم فهو صاحب توزيع جهة اللعب ويلعب كرات عاليه بالعمق أيضاً ولكن يعاب عليه لعب الكره بقوه أثناء تمريره الكره لزملائه

الاعب مانختلف عليه ... ووجهة نظرك في محلها لياقة الاعب متدنيه جدا

والمفترض انه مايلعب هالمباراه ... والاهم من هذا كله ينبه الاعب على الخشونه اليوم حتى ماتكون حل بالنسبه له مستقبلا في تخليص الكوره من الخصم

لان مثل هالحلول ممكن تحرج الفريق ككل لو تم طرده في مباراه مهمه

إقتباس الرسالة الأصلية كتبت بواسطة عا Radoje شق 1- جيب لي رئيس غير عبد الرحمن يرغب برئاسة الهلال ومالك الا يطلع اليوم من النادي 2- الباص جاء وصل الاعبين الى الملعب

انا اجيب ؟

يالغلا بمجرد إعلان عبدالرحمن بن مساعد الاستقاله راح يجي غيره يستلم رئاسة الزعيم

واعتقد ان فريق بحجم الهلال الكل يتمنى رئاسته


اما بخصوص الباص ... لا ماعلم عنه ان كانه وصل على شان كذا كتبت الملاحظه

والله يكتب اللي فيه خير لهلالنا

بالتوفيق ياكبتن

إقتباس الرسالة الأصلية كتبت بواسطة frasww كم قيمة عقد جوستافو وراتبه عشان بس اقارن ببعض اللاعبين

ما اعلم عنه ياغلااي .. ما اعلنوا القيمه

الاعب لا له فتره منقطع عن التمرين ومباريات لو في محور ب الهلال مكـآن لاعب لا هو ولا المدافع.. بس الضروف حكمت عليهم انهم يلعبون .. جستافو.. قلت مخزون الاياقه لزم يكسر عشان يوقف الخصمم.. لاعب ان شااءالله يتحسسسسن مستواه.. وترتفع الاياقه

ليته يرجع دياره ويفكنا منه

السلام عليكم ورحمة الله وبركاته الى متى والزعيم يجامل نامي والله مو لاعب وحرام يكون مع الهلال

والله ان عادل هرمااااااااااااااااش افضل من الكولومبي جوستافو بوليفار

ما أدري كيف بعض العقول تحكم ع لاعب من أول مباراة او ثاني او ثالث مباراة

نسيتوا .. النعيمة .. و ليتنا .. و ويلي .. وش كانو يسمونهم اول ما التحقوا بالهلال
ولا يبغونهم الجمهور المتسرع اللي مثلك ما يفهم كورة ..

جمهور غريب !!

-

يجب اقالة كمبواريه وجوستافو لاعب جيد

إقتباس الرسالة الأصلية كتبت بواسطة دافي العواطف ما أدري كيف بعض العقول تحكم ع لاعب من أول مباراة او ثاني او ثالث مباراة نسيتوا .. النعيمة .. و ليتنا .. و ويلي .. وش كانو يسمونهم اول ما التحقوا بالهلال ولا يبغونهم الجمهور المتسرع اللي مثلك ما يفهم كورة .. جمهور غريب !! -

محد حكم عليه الله يصلحك ... الكلام واضح ياغلاي . نقول ان الاعب كان خشن ولازم ينبه على هالشي حتى مايستمر او انه يتعود على الخشونه ,,


دمت بود

إقتباس الرسالة الأصلية كتبت بواسطة عبدالاله الوابصي يجب اقالة كمبواريه وجوستافو لاعب جيد

الله لايرده السباك نتمنى اقالة اليوم قبل بكره