|
عبث بل قمة العبث بتاريخ الهلال صحيح ان الهلال تنتظرة مباراة مصيرية مع النصر هذا المساء ويحتاج الفريق الى الدعم لكن الصدمات التي توجه الى الجماهير الهلالية صدامات عنيفة ولايمكن السكوت عليها بل يجب ان يكون لنا موقف حازم اتجاه هاذي الادارة التي لاتلقي لنا اي اهتمام او اعتبار وتعبث بتاريخ الهلال بجلب كديش الاندية مثل الحارثي ومسعد وقبلهم الجيزاني وكعبي وغيرهم وتفرط في نجوم الهلال بحجة ان اسعارهم مرتفعة كم كنا نعير ونضحك ونستهزي بجارنا واليوم انظروا الى حالنا الى اين وصلنا؟؟؟ هل هذا هو الفريق الحلم الذي وعد به بن مساعد وهل وصلنا الى ال20% ام ان هناك تعاقدات جديدة بعد ان نفرط بي العابد وسالم والفرج والشهراني كما فرطنا من قبل بعزيز والفريدي وهوساوي وابعدنا القحطاني ولولا حبه للهلال لما عاد واليوم محمدالشلهوب يحتضر ويحطم وسعد النصر ترفع معنوياته ويجلب مسعد لعلة يستعيد مستواه على حساب الهلال عذراً ياهلال فقط بقى اسمك فقط كنت مضربا للمثل بجلب افضل المحليين ولاجانب واليوم تدور عليك الدوائر وتنحر من الوريد الى الوريد وبيد من يدعي حبك وحب جماهيرك ؟ السوال الذي يطرح نفسه هل فعلا نحن جماهير يوجهنا الاعلام وهل فعلا فينا من السذاجة ما تجعلنا مغفلين الى هاذي الدرجة؟ الهلال ورب السماء انه يحتضر أوجنازة تحتاج الدفن حتى يتسنى لمحبة العزاء فيه لم يبقى من الهلال سوى لونه لم يعد للهلال هيبة ولم يعد للهلال رجال تنهي هذا العبث في تاريخ الزعيم الهلال يسير من عامين فقط باسمة اما مايقي منه فهم مجرد اقزام تعبث بتاريخة كشف اولسان حالهم ولكن لم يتعضوا بخيلو على الهلال فلاهم رحلو ولاهم دفعو فقط جالسين على قلوبنا عشر سنواين كما قال جارنا اتذكر محمد بن فيصل فابكي بنا فريق الاحلال وهدموه باحترافيتهم يسيح بي الخيال فاتذكر كوزمين ورادوي واعود الى رشدي فلا ارى الا كمبوارية والحارثي ومسعد اتذكر الفريدي وعزيز الذين ابعدوا بفعل فاعل واحس بمرارة الفراق عذرا ابا عمر فقد قسونا عليك ولم نعرف قيمتك والله اني بكيت لاشعوريا يوم ان رايتك بشعار الاتحاد اتدرون لماذا لان لاتحاديين لم ينسوا القحطاني رغم مرور اكثر من سبعة اعوام على قدومه للهلال وكلما سنحت لهم فرصة سددو طعنة اخرى لزعيمنا عذرا جماهير الهلال فقد اكون قسيت ولكن حرارة القهر تاكل قلبي وحرارة دمعتي احرقت وجنتي ماذا بقي من الهلال سوى انتم والعابد والفرج وسالم الدوسري وعبدالعزيز وعبدالله السديري اما البقية فلا تبنو عليهم امالكم الشلهوب والقحطاني قد يعتزلون على طريقة محمد الدعيع والشهراني سيعود للقادسية والبقية لاخير فيهم قد لاينشر هذا المقال وقد اكون مندس في نظر البعض وقد توقف العضوية والسبب ان الصراحة مره ولايريدونها والسلام ختام |
يعني كل مشاكلكم مع خبيلان يالفقراوية في السنين اللي راحت وكل الامراض اللي تحملونها جايين يقالك تبون تطبقونها عندنا هنا ،،،،، مفضوحين في كل مكان يالجراذي أسلوبكم مكشوف ولاعد يخفى على أي أحد ههههههههههه وعارف نفسك بعد قد أكون مندس ....... يعني مأمل أن فيه أحد بيصدق أنك هلالي رأيت حمقى لكن مثل جمهور الفقر لم أرى |
معليـش أخـوي تراكـ تبالغ شوي .. يظل مسعد افضل من نامي كبديل وجوكر يلعب بأكثر من مكان بوسط الملعب .. ولاعب تمريراته واوفراته دايم صحيحه . الاعب ما قدم مع الأهلي لأسباب بعيدهـ عن كرة القدم .. بالتـوفيق للهــلال بعيدا عن المحتقنين .. والمتحلطمين مع أي حدث أو تعاقد للهلال |
ههههههههههههه استغرب اللي يمجد محمد بن فيصل وكأنه جايب الاسيويه لاننكر انه خدم الهلال زيه زي اي رئيس مر على الهلال محمد بن فيصل فرط بالدوخي افضل ظهير ايمن مر على الكره السعوديه والي اليوم نرقع بمركزه لعل وعسى خميس العويران انتقل ومن كان السبب بإنتقاله بعض الناس وده يهجم ويسب بأي طريقه كانت المهم انه يشرشح الرئيس كل شخص يعمل له اخطائه بس مايكون التهجم بالطريقه ذي |
اتمنى يكون حكمك ع مسعد لامتابعه مو عشان جماهير ندايه ماتبيه بالعكس اشوفه لاعب جيد ومع الاهلي المصري لعب مع الهلال كان مبدع وبعدين تراها كلها 6شهور ولم يفرط الهلال في احد اما مع كل تعاقد نبكي ع الماضي هذا غلط ويعدين اذا زعلان ع شافي حتى مع فريقه مايلعب والهوساوي والفريدي هم يبون يطلعون جده عشان اهلهم وكذلك بصراحه المبالغ اللي طلبو مبالغ فيها جدا |
إقتباس:
:alzaeem::alzaeem::alzaeem: :ba::ba: :ga: |
مسعد فنان لكن البيئة الأهلوية غريبة عجيبة لا أدري ما قصة الأهلوية مع نجومهم |
بتحطوا نفسكوا في مواقف بايخه لو قعدت ساكت والا نزلت موضوعك في غير هالوقت ما كان حدى درى انك نصراوي مخيس |
اتمنى حذف الموضوع وبسرعة بدال هالهذره رح الملعب |
اخي العزيز لازم تصفق وانت مغمض لكل صفقة للهلال حتى ترضي الغير مندسين لقد اصبت عين الحقيقة. .فعلا الهلال اصبح جمعية خيرية للاعبين ينهون فيه حياتهم الرياضية...للاسف عبدالرحمن بن مساعد يعبث بتاريخ الزعيم ليس من الضرورة التعاقد مع لا عبين منتهين الصلاحية..ضررهم اكبر من نفعهم..فقط انظروا لصفقات الاندية وصفقات الزعيم لاحول ولاقوة الا بالله...صفقات ام سكت الجمهور.... اخيرا رسالة الى ريئس النادي...اما ان تكون قد المكان..ولا سلم الزعيم لزجالات الهلال ماقصرت سويت اللي عليك وبيض الله وجهك |
مالك حق يا كاتب الموصوع إسمحلي أنت مندس سمو الأمير عبدالرحمن قدم الكثير من الجهد والأموال الطائلة وآثار هذا الفكر الإحترافي واضحة على الفريق ولا ينكرها إلا جاحد ويكفيك فخر أنه الأن مباراتنا مع النصر وبنص الدوري تقريبا يعني حمي الوطيس شوف دكة البدلاء عندنا يا مندس من يجلس فيها أفضل النجوم المحليين مو الشاعر يقول لازم اللي على الدكة أفضل من الأساسي شوف إحتياطنا مين ومدربهم الداهية مين كومبوارية اللي ماله مزاج يدخل العابد رغم جاهزيتة !! شكلة بيسوي مفاجأة ويلعبلنا المرشدي بفنيلة العابد ! إحتياطنا يا مندس هو فهد الشمري وسلطان البيشي مبارك الدوسري ؟ وسليمان العبدالله ؟؟ والشلهوب والكوري والحارثي يا شماتت التعاونيين فينا بالله هذي دكة تشرف وعلى طاري الأموال يا سعادة المندس سمو الأمير ماقصر قدم الغالي والنفيس أموال موبايلي ومن جيبة الخاص ومو ذنبة أن الفلوس هذي تروح على دول وليكنز و كومبوارية وعلى أحمد علي وإيمانا ويوسف العربي ومانقان وهرماش وسول الكوري ويا مندس مو ذنب سمو الأمير أن البرقان والمؤشر وشافي والفريدي وهوساوي يتركون الفريق ؟؟ وهذي مسؤلية الرئيس وليس سمو الأمير عبدالرحمن سمو الأمير شد حيلة عالآخر ويكفي أنه جابلنا سعد الحارثي !! ويوسف السالم !! وياسر الشهراني وسلملي عالناقور زبدة الكلام هذا زمن أحتراف فلا تستغربوا إن جا عرض لسمو الأمير عبدالرحمن لقيادة برشلونة |
والله خبر محمد مسعد ازعجني للغاية معقوووله صرنا ناخذ بقايا الاندية لا حول ولا قوة الا بالله |
موضوع سامج زي وجهك .. صاجنا كديش كديش وانت عندك في النادي اكبر كديش في الدوري المرشدي..نامي..البيشي..عبدالله الدوسري ..المسلم |
البعض ترك مناقشة وجهة نظر صاحب الموضوع وانطلق للاتهامات وهذا يبين عجزهم عن النقاش وضحالة ثقافتهم الرياضية أخي الكريم اعتقد أن محمد مسعد سيستفيد منه الهلال في أكثر من خانة خالد عزيز مشكلته كانت انضباطية بدليل فشله مع الشباب والنصر أيضاً الفريدي برأيي أن الإدارية بالغت في قيمته والحمد لله أنها لم تزايد واعتراضي على الإدارة هو في أسلوب وتوقيت التفاوض أما النتيجة فانا اتفق معها اللاعبون لايمكن بناء حكم سليم عليهم طالما هذا السباك يعبث بالفريق بالتوفيق للهلال ويعطيك العافية |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
| الوقت المعتمد في المنتدى بتوقيت جرينتش +3.
الوقت الان » 07:45 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd