اهلين بالزعماء وهاردلنا التعادل ومعوضينها مع اني اتشوف ان الهلال لعب مباراة من ضمن افضل ثلاث مباريات بالدوري لكن اذا ماتسجل راح يسجل عليك وهذا اللي صار وعندي شي بقوله
اذا الزعيم الهلالي يبي يغتنم فرصة إنتزاع اللقب بعد غياب موسم عن البطولة ،
يتطلب من الاداره والفريق جهدآ مضاعفآ بأكثر تركيز بأعطاء اللآعبين دفعآ معنويآ
من الثقة المتبادلة لأبراز الأداء الجماعي من الإستيعاب التكتيكي وإبراز مواهبهم
وبأسلوب منظم ‘ خاصة المستوى الذي ظهر به الفريق بعد فترة التوقف
اللي اشوف انها أثرت سلبآ على الفريق ! وكان لبعض العناصر وما ابي اسميهم احتراما لشعار الزعيم اللي يشيلونه اليد الطولى في التعادل القاتل بصعوبة بالغة على نادي الاتفاق !
الفريق يدخل المرحلة القادمة في أزمة بتواجد لاعبين أجانب جدد على الفريق ويحتاجون وقت للانسجام . مع اني اشوف ان الكلومبي بوليفار مشروع لاعب ناجح وممكن بمستوى رادوي بعد
ولو قدر للاداره انها تتعاقد مع بداية الموسم بلاعب صانع لعب " لأختلف الأمر كثيرآ لنزيف النقاط وعليه لازم سمو الشيخ الامير عبدالرحمن بن مساعد والجهاز الفني مسئولية اتجاه التحضير الجيد واللآئق أمام النصر ولا تفكرون ان النصر راح يكون صيد سهل بالعكس النصر في تحسن وإدارته تعمل لتجهيز الفريق والنصر مثل عادته غالبا مايكون في قمة جاهزيته أمامنا ‘ وعليه يجب أن يكون أستعدادنا على أكمل وجه ‘ ولباقي المبارايات المقبلة بشعار" أكون أو لآ أكون " ؟!
أنا جيت من الدوحة وحضرت المباراة بالدمام وليتني ماجيت كنت مبسوط لاخر لحظه وتمنيت الهجمه الاخيره لسلطان البيشي لو وقف على زاية الكورنر وضيع الوقت . بس اه والله انقهرت بس الحمدلله معوضينها وبصراحه عشان اصير صادق بكلامي الفريق والله لعبه حلو وكان اكثر من الاتفاق سيطره وفرص لكن شتسوي ماهي مكتوبه للهلال المستوى للهلال والنتيجه استفاد منها الاتفاق

تنبيه للاداره لاعب نادي الاتفاق ابراهيم البراهيم حمل الرقم 87 في الملعب وفي الاسكورشيد حمل الرقم 24 ؟؟؟؟؟ ماادري وش النظام عندكم بالسعوديه بس اذا فيها مدخل وممسك على الاتفاق لاتسكت الاداره وبالتوفيق للزعيم الهلالي والله واياك يالزعيم .

ان شاءالله معوضين خير
اضاعتنا لفرص كثيره سبب لهذا التعادل المتوقع

نفكر نجيب هاللاعب اللي لبس فانيلة غلط و ندربه و نستثمره و نبيعه بسعر مجزي.... الاستثمار خلانا نفكر كذا... اما النتيجة ابدا ما تهم

إقتباس الرسالة الأصلية كتبت بواسطة الازرق العنيد نفكر نجيب هاللاعب اللي لبس فانيلة غلط و ندربه و نستثمره و نبيعه بسعر مجزي.... الاستثمار خلانا نفكر كذا... اما النتيجة ابدا ما تهم

.
.
اتوقع كت نصراوي سابق وحالياً تشجع الهلال ..
.
مثل هالمدرعمين لايحتاجهم الزعيم ابداً ..

سمعت انه مخالف والله اعلم ...

اتمنى اذا هذي النقطه تصب في مصلحة الهلال ان الاداره تعمل عليها ...

بسبب خطأ اداري اختلف حال الاهلي وايضا استفاد منه نادي السد ابدا مو عيب اننا نستفيد من اخطاء المنافسين هذا حق من حقوقنا
^
هذا ردي ع اللي يقول مانبغا احتجاج

الله يكتب الخير للهلال ...

يعطيك العافيه ع الموضوع ...

الكولومبي بوليفار من شفته حسيت انه بيقدم شي لكنه بيكرر مآآسينا مع ولهامسون الصيف ما راح يقدر يلعب بسبب الحرارة وبالشتاء بيوريك المستوى المطلوب منه ..


المدرب كومبوارية الآن جانا لاعب دفاعي اجنبي على ذوقك اذا حطيت محورين في احد المباريات هذا اعلان انك مدرب خواف ما تعرف كوره . اول نتعذر له الحين لا

أتعجب أن تقول أن النصر عادة يكون في كامل جاهزيتة أمام الزعيم
كم سنة النصر لة مافاز على الهلال ؟
خماسيات ورباعيات وثلاثيات هلالية متكررة
وكل الجماهير الرياضية اصبحت تتململ من مباراة الفريقين لأنة باتت محسومة للهلال ..

لكني أتفق معك أن نصر اليوم ليس هو نصر الأمس وهلال اليوم ليس هو هلال الأمس..

لكن الهلا عودنا أن يكون بدراً متى ما أراد ذلك

والأربعاء سيكون بدراً ينير سماء الرياض
أن شاء الله

إقتباس الرسالة الأصلية كتبت بواسطة بنو هلال أتعجب أن تقول أن النصر عادة يكون في كامل جاهزيتة أمام الزعيم كم سنة النصر لة مافاز على الهلال ؟ خماسيات ورباعيات وثلاثيات هلالية متكررة وكل الجماهير الرياضية اصبحت تتململ من مباراة الفريقين لأنة باتت محسومة للهلال .. لكني أتفق معك أن نصر اليوم ليس هو نصر الأمس وهلال اليوم ليس هو هلال الأمس.. لكن الهلا عودنا أن يكون بدراً متى ما أراد ذلك والأربعاء سيكون بدراً ينير سماء الرياض أن شاء الله

يوم قلت ان النصر كعاداته انه يكون في كامل جاهزيته مااقصد انه يفوز على الهلال
او انه بمستوى الزعيم انا قصدي يكون جاهز بعمل اداري وجماهيري واعلامي
وانهم يحمسون ويشحنون فريقهم لرفع مستوى فريقهم
وترى بقولك شي مو بس النصر اللي يسوي هاي الشي حتى الاتحاد والاهلي لكن النصر اكثر شي

هلال السد ..

كلامك صحيح من ناحية الجاهزيه ..
دايما النصر يكون متحمس كثير وجاهز للهلال

عموماً اعجبني موضوعك فيه نقاط جميله وكلام جميل اتمنى من الاخوان الي يردون مايطلعون من الموضوع كثير .. وبالنسبه لاخونا العنيد طبعاً قصده " يتطنز " على استثمارات رئيس النادي واخونا الي رد عليه شطح بعيد ههههه

بدون شطحات ياشباب اهم شيء .

يعطيك الف عافيه اخووووووووووووووووووي


بالتوفيق للزعيم

إقتباس الرسالة الأصلية كتبت بواسطة صــوت أزرق . . اتوقع كت نصراوي سابق وحالياً تشجع الهلال .. . مثل هالمدرعمين لايحتاجهم الزعيم ابداً ..

العضو لم يخطى.... لانها هذي هي عقليه الاداره بالمال اولآ يا عزيزي.

مرحباا مليووووووون
حيا الله اهل قطر
كلامك جيد ورؤيتك متميزه
بخصوص ابراهيم البراهيم ياكثرها الاخطاء في ملاعبنا

اكرر ترحيبي بك ولاتعدمنا من طلاتك ..

إقتباس الرسالة الأصلية كتبت بواسطة أزرق بن هلال الزعيمي هلال السد .. كلامك صحيح من ناحية الجاهزيه .. دايما النصر يكون متحمس كثير وجاهز للهلال عموماً اعجبني موضوعك فيه نقاط جميله وكلام جميل اتمنى من الاخوان الي يردون مايطلعون من الموضوع كثير .. وبالنسبه لاخونا العنيد طبعاً قصده " يتطنز " على استثمارات رئيس النادي واخونا الي رد عليه شطح بعيد ههههه بدون شطحات ياشباب اهم شيء .

اسف اخوي بس من الغبنة اللي فيني على هالتصرفات الادارية اللي ما يهمها جمهور. و اخيرا استثمر يستثمر مستثمر ... مبلغ مجزي اذا بعناه ... من وين اجيب رواتبهم و كيف اسوق... كلاف فاضي ماله بالكورة

شباب من يقدر يشييك و يشوق اذا اللاعب دخل بفانيلة رقم مختلف عن الاسكور ... هل هذه مهمة في الاحتجاج ... مع ان ما ودي لكن انقهرت من فرحة الاتفاقيين بالهدف كنهم جابوا كاس العالم ... والله ما نستاهل تعادل و كانوا فايزين بالراحة لو في وقت اكثر اضافي

إقتباس الرسالة الأصلية كتبت بواسطة Moayad.Nasser الكولومبي بوليفار من شفته حسيت انه بيقدم شي لكنه بيكرر مآآسينا مع ولهامسون الصيف ما راح يقدر يلعب بسبب الحرارة وبالشتاء بيوريك المستوى المطلوب منه ..

الله اكبر يا كولمبيا اللي ثلوج طول السنه تراهم عيال حر وصيف والحر عندهم ما يختلف عن حرنا