شفت نواف التمياط امس وسولفت معاه عن ميوله
 

امس الله يسلمك وفي مواقف مجمع لاغونا عندنا بقطر وانه نازل من السيارة شفت اللاعب الخلوق نواف التمياط قعدت أتكلم معاه عن ميوله وعن المنتخب السعودي طبعا بالبدايه قلت له انت من اكثر اللاعبين الي احبهم وكنت نجم مميز وكبير وقلت له انت والشلهوب جماهير الانديه السعوديه تحبكم قالي الحمد الله هذا من فضل رب العالمين وبعدين قلت له انت برشلوني والا مدريدي قالي انه ما عندي نادي معين أشجعه قالي انه احب اللاعبين فقط قلت له أتذكر لك لقاء تلفزيوني في الكويت كنت تقول فيه انك تحب زيدان قالي نعم حبيت اليوفي فتره بسبب زيدان وقالي أيضاً احب البرازيلي رونالدو وكان يقولي الظاهرة رونالدو وقالي أيضاً احب روماريو وريفالدو وسألته وش تشجع من المنتخبات العالميه قلت له شكلك برازيلي قال لا انه اميل للأرجنتين وسالت عن إصابته وقلت هل هي السبب في اعتزالك قالي نعم سويت ست عمليات على شان كذا قررت الاعتزال وقلت له من وجهة نظرك الخلل في المنتخب السعودي من اللاعبين والا يكارد قال لي بالحرف الواحد ريكاد هو السبب وتكلمنا عن المنتخب القطري وعن الاعلام السعودي وبعدها قلت له حياك الله في قطر وانت من اكثر اللاعبين الي احبهم وتشرفنا في قطر باي وقت وقلت له من كثر ما احبك مشارك في شبكة الزعيم وحاط صورتك قالي تسلم يا اخوي وفرصه سعيده وطبعا كان في انتظاره مقدم البرنامج في قناة الجزيرة عبدالعزيز البكر.

كان قلت له ما ودك تصير مدرب