|
معلومه خطيرة : الكولمبي ركبته معطوبه ومنتهيه والبرازيلي قبل اسبوع صاير عليه حادث ويعرج ! لاحول ولا قوه الا بالله بن مساعد ارححححل ### لاتستغربون اذا شفتو هلالي ناشر خبر هذا عنوانه ! اصبحنا ندور الزله على بن مساعد وحتى لو بخبر كاذب ! الاعب البرازيلي حتى الان لم يوقع وماخليتو فيه شي انواع النقد عليه البعض ماخذ النقد هوايه ! الاعب لعب مدرري بكم نادي والاعب سباك والاعب مدري وش فيه وو.وو الخ على اساس تفاريس يوم نجيبه كان مشهور ؟ والله شي مؤسف اللي اشوفه من بعض الهلاليين واقولها اشك بهلاليتهم ! البارح بن مساعد غرد بتويتر واتابع منشه قسم بالله قله حياء !! الرجل يجتهد ويعمل وانواع الهجومات عليه وحتى بعضهم تلفظ عليه بالفاظ استغفر الله بس تغريدات بن مساعد البارحه منطقيه ومعقوله رادوي حينما تم جلبه برضو ماخليتو فيه شي طالبتم بمدافع بديل لمانقان وطلبتم محور دفاعي بديل لهرماش وفعل بن مساعد ذلك والحين تقولون ليش يرحل مانقان ؟ ههههههههههههههههههههههههههههههه شر البليه مايضحك !!! اذا انتم بتبقون على هالحال كل واحد يدور الزله على بن مساعد ويتمنى الهلال يضيع من اجل ان تنتصر وجهه نظره والمدافع حتى لحد الان ماوقع ومافيه احد مانقده عز الله ضاع هلالنااااا ! خلاص نقدتو وشبعتو طالبتم بمدافع بديل لمانقان ولبى بن مساعد طلبكم طالبتم برحيل هرماش وهذا هو بيرحل ترى المساله مسأله توفيق من الله قبل كل شي ربما المدافع البرازيلي يكون افضل من تفاريس ! وربما جوستافو يكون افضل من رادوي من يدري ؟ اذا الاعب توفق وانسجم بالملاعب السعوديه راح يبدع مهما كان اسمه اكتملوا الاجانب وكل المطلوب منا هو دعم الفريق المرحله المقبله جدا مهمه .. وهلالنا محتاجنا .. اذا انت تقول ماراح احضر لان الهلال سيئ او لان بن مساعد ريئس للهلال .. فالهلال غني عنك وعن اشكالك الليله ليله جماهير الشرقيه .. نبي الملعب فل وماتقصرون انتم دائما حضوركم يبيض الوجهه لكن مانبي مقعد فاضي ربماا قسيت بأسلوبي بالموضوع لكن والله ان الكلام طالع من قلبي الشي اللي اشوفه ماينسكت عليه ومتأكد ان كل الهلاليين العقلاء راح يوافقون كلامي ارحب بكل رأي سوا كان ضدي او معي |
كلام جميل ومنطقي ويسعدني متابعتك على تويتر |
كلام جميل جداً جداً للأسف فيه البعض من الجماهير يدور أي شي ع هالاداره ويصدق كل مايقال في الإعلام الفاسد اللي مصلحته ضرب الجماهير الهلاليه ببعضها وجعلها تحارب الاداره اتمنئ اتمنئ فقط من الجمهور العاشق للفريق الدعم الدعم والمؤازره فالزعيم محتاج وقفتنا في هذا الوقت |
اخشى من ينتقد ليس هلاليا بل من الفقراوية مندس |
كلام سليم لابد نصبر على الاداراة والمدرب والاعبين وبعد انتهاء الموسم وقتها ممكن نحاسبهم |
عشره ع عشره ... لكن ع فكره مو اي احد قال انه هلالي هو فعلا هلالي تحديدا اللي جالسين يبحثوا عن ذله بأذن الله لن يجدوا ... بالتوفيق للملكي اينما حل وارتحل ... يعطيك العافيه ... |
لا وازيدك يمكن مايعجبهم شكله يقول سباك من الموسم الماضى جمهور الهلال هومن يدمر الهلال وليس الاعلام الاصفر المريض من زمان الاعلام كذا ولا كنا نضرب له حساب ترا اعلامهم مو قوي ولكن احنا كاجماهيرى الهلال اصبحنا ضعاف نسمع لكل من هب ودب انتقدنا في الوقت الحالى ما ينفع لازم نوقف مع الفريق هذا وقت الوقفه وقت الهبوط في المستوى تقبل مروري اخي الكريم |
الان أنتهى وقت المطالبة جاء وقت الدعم نعم لندعم الزعيم الملكي فهو في حاجتنا لندعم لنخلق الحماس والتجانس بين الاعبين هذا هو وقت الرقم الصعب |
مســاء الخير ..., تسـلم أخوي فارس على هيكـ موضوع .., مش المسألة مسألة " نقد " فقط وإنما آعتراضنا لـ بعض الأمور التي وقع فيها سمو الأمير .., بالنسبة لـي أشوف تصريحات سمو الأمير وكأنه يريد أن يخلق مشكلة بيـن الجمهور والمدرب . فـ بعطيكـ مثال بسيط على ذلك ..., سمو الأمير يقول في تصريحاته " أننا عرضنا على المدرب بدلاء لكنه رفض وفضل الإبقاء على الموجودين " ., مايفهم من التصريح أن المدرب جدًا مرتاح مع اللاعبين الموجودين وهالشئ مخالف لـ رأي كل الجمهور , بهذا التصريح كل الجماهير تلوم المدرب على قراره وعدم رغبته في التغير وأنه هو الملام والأمير ماقصر معه . لكن في حقيقة الموضوع أن " الخيارات المطروحة من سمو الأمير هي أقل من مستوى الموجودين أو مشابهة لهم فـ المدرب لايرغب في التغير ويفضل الإنسجام على التغير كون الخيارات غير جيدة" , لهذا اللوم ليس على المدرب وإنما على سمو الأمير لـ عدم طرح خيارات مميزة ... فـ كان من المفترض أن يكون تصريح الأمير كـ التالي " طرحنا على المدرب خيارات قريبة لـ الخيارات الموجودة من ناحية المستوى لكن المدرب فضل الإبقاء على الموجودين رغبةً في تحقيق الإستقرار ..., طبعًا هالكلام قبل التعاقدات الي حصلت مع الكولمبي والبرازيلي .., سوألي لـ سمو الأمير ولكـ " لماذا لانشاهد الهلال كما ظهر في أول موسمين مع سمو الأمير"., هل الأندية الآخرى أصبحت أقوى أم أن الهلال تراجع وإذا كان الهلال تراجع لماذا تراجع ؟؟؟؟؟؟!!!., |
إقتباس:
|
مفروض الادارة اخر شي تلتفت له الجمهور والله ان عندنا افضل ادارة بالخليج لكن ما احد يلتفت لها |
والله كـــلامك سلــيـم ميـه بالميـه وأوافقـــك فيـه حـرف حرف وكلمـه كلمـــــه ... صرنـا احنا ياجمــاهير الهــلال أعداء الفريق واللعيبه وننتقد اي شي وكـل شي بجـد الفريق الآن بالترتيب الثاني بالدوري ومتأهل بكأس ولي العهد ومو عاجبنا شي !! هذا واحنا كذا ؟؟!! أجل لو ولاشي من هـذا !!!.. ايششش راح نسسوي وايشش راح نهبب هنا وننتقد ونكتب ونسب !!! بجـد لازم نعرف معنى كيف نحب الفريق ونشجعه ونكون معه بالسراء والضراء وبالفرح والهزيمه واالإخفاقات وبكـــــل وقت للفريق .. وندعمـه دااايمـاً وأبـددداً ونشجع لعيبتنا ونحمسهممم كلهمم من دووون اي تجريح او تحبيط .. بالمواضيع وبالملعب والحضـور والمساندة وبكـــــل شي وتسلـم أخـوي على موضـوعك اللي على الجـرح وبقووووه ,,, |
من ينتقد اللاعب الكولومبي وهو لم يشاهد ا اداء اللاعب في الهلال فـ هذا جاهل مع احترامي له |
كل شيء حصل وانتهى بقي دورنا كـ جمهور وهو التشجيع ... وبالمناسبه : رادوي لم يعارضه أحد .. لا يلعب علينا بالكلمه .. ولكن لتوضيح بعض ما يخفى .. كان العتب على سموه في وقت قدوم ويلهامسون ونيفيز .. أول تقريبا أربع إلى خمس مباريات لم يقدموا المأمول و90% وربما أكثر من الجماهير شنوا هجومهم على الرئيس ولكن يا أخي ترى مهو كل أجنبي يصير نيفيز ورادوي ذلنا الرئيس بويلهامسون ونيفيز .. كل ما تكلمنا وقلنا هذا اللاعب ما يصلح ضعيف ومستواه عادي .. يقول أنتوا عارضتوا نيفيز وويلهامسون وبعدين حبيتوهم وشفتوا ابداعهم !!! واللي يرحم والديك القصه ماهي شخصيه ولا هو كل من نصبر عليه بيبدع .. هذا الكوري كم له .. لاعب أقل من عادي .. القصه نبي أسمااء تليق بناادي الهلال .. ليروضوا ما عجز عنه غيرهم .. مدري فهمتونا وإلا باااقي ؟!! مانقان اعترضنا على التعاقد معه من البدايه وكان التعاقد معه بمثابة المصيبه لأنه لم يمارس الكره لأكثر من أربعة أشهر للإصابه طيب كيف يتعاقد معاه .. وإذا طلبه المدرب .. بالعقل : ما هو دور الإداره ؟ وخصوصا أنه في مركز حساس كـ قلب الدفاع ؟ وبعدين مانقان عند المدرب والإداره كان خط أحمر والكوري كان فيه كلام انه بيتغير وفجأه كل هذا يتغير ؟!! وعند إعارة مانقان تحدث سموه عن فائدة بقاء هرماش والآن يجلب بديل له ؟!! هذا لغز مثلا ؟!! يا أخوان الهلال فوق الجميع سننتقد العمل ولن ننتقد الشخص .. نريد إداره مثاليه ووضوح فقط .. |
كلام جميل جدا واهنيك ياخوي وللاسف هذا جمهورنا حاليا يدور الزله على اميرنا |
| الوقت المعتمد في المنتدى بتوقيت جرينتش +3.
الوقت الان » 04:56 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd