ازيكم ياشباب البنات لالالالالالالا.... ترانى زهقان وطفشان بعد اللى صار لى بتقولون وش

صار لك فى يوم من الايام قررت انى اتزوج قبل لايفوتنى تبويس العمر ( متعود على الباصات )

وكانو ذاكرين لى بنت واحد يقولون تتطيح الطير من السماءطقيت الزين كله حتى فيه قريض

موزيه بالدولاب للعيد اخذته معى ( عيب ادخل عليهم ويدى فاضيه ) وصلت لبيت ابو العروس

طقيت الباب وطلع على ولده الصغير يصيح سلمت عليه وسالته عن ابوه ورد علي وهو يصيح

وقال تفضل ابوى يحتريك في المجلس دخلت ولقيت ابوه يخيط في خبزه سلمت عليه

وعرفته بنفسى وهو قاعد يخيط في الخبزه سالته وش في الولد يصيح .. قال السمرمدي المبذر

تونا متغدين من 5 ساعات وما دريت عنه الا وهو ماخذ خبزة من الثلاجه وعارمها :eek

:طقيته واخذت منه الخبزه وهاذاني اخيطها قلت له انا جاي ابى اخطب بنتك :sad: قال ياهلا

ومسهلا و بدون مقدمات ترى مهرها 300الف ريال قلت له دور غير هالكلام قال

ماعندي الا هالكلام توكلت على الله وطلعت يوم وصلت عند باب الشارع لحقنى وقال

علشانك 270 هاه وش قلت قلت الله يرزقها قال طيب بـ250 والله ما اسفطها

لغيرك بهاالقيمه حول خلنى اتصل على المملك وخذها معك هالحيين قلت الله يرزقها قال

طيب وقف عندي لك اختها اللى اكبر منها مطلقه ماقعدت مع رجلها الا شهرين وتراها ارخص

وصدقني بتدعي لي رحت ومارديت عليه وانا متحسف على بنته اللى يمدحونها :sad:

بعدها دورت وطحت في بنت خال اجاويد جزاهم الله خير رحت اقابل ابوها فتح لى اخوها محمد

دخلنى وجا ابوها وهلا ورحب وقال لي تعال ابيك وحطني في غرفه ومادريت الا ومحمد لابس

فستان وداخل علي شكلهم اهل مزح ضحكت وقلت حلوه يبوحميد والله ملعوبه تصدق اني

استحيت منك اول مادخلت احزبك منيره صار وجه محمد احمر ودخل ابوهم وقال انت صاحي

هذي بنتي منيره اللى جاي تخطبهابصراحه طاح وجهى واستحيت حسيت انى احرجت البنيه

قامت البنيه وطلعت تركض قلت لابوها كان قلت لي انها تشبه اخوها وتكفيك شوفته بس والله

احراج عند العالم الي يشوف اخوها يصير كأنه شايفها وش السوات ليش مااشرط عليهم ان اخوه

ا يتحجب المهم ان الامور سارت على مايرام وقررت آخذ محمد آسف قصدى اخته وما شرطو الا

بيت وعطيتهم 50 الف مهر واستاجرت دور بـ25 الف ريال وجهزت البيت وشريت لها شبكه وذهب

و ليلة زواج مدرى كم كلفت وسافرنا شهر بصل بـ30الف ريال :sad:المهم وانا مسافر انا

وابوحميد قصدي منيره قلت خلنى اشوف خسايري لقيت الزواج كلفني 245الف ريال

وقلت لنفسي البخيل هاك اللى يخيط الخبزه قايل لي 250 الف وخذها :sad:ثم اطيح في محمد 245

وحاولت اهونها على نفسى ان الفرق 5000 تنفع لكن ما امداني اوصل الرياض وازور اهلها

الا وامها وجداتها صافطين فى المجلس يبون الفتاشه انا لله وانا اليه راجعون:sad: طيب انا ما

ابيهم يفتشون بعدين انا مفلس هالحيين تقبلون فيزا او شيك مؤجل المهم دفعت

المعلوم وفتشت لي امها وجداتها نورمان اسعد ونوال الزغبى واستمر زواجي نكد في نكد وكله

تسديد في هالديون وجتني منها بنت حلوه واموره سميتها حصه على ست الكل ام جيرانا وبعد

ماجتنى حصه وصار عمرها خمس سنوات وفى يوم اغبر رحت زياره لاهلها ولقيت عجيز عندهم يوم

شافتنى قامت تخمخم فينى وتقول ياهل بالغالى ولد الغاليه وش تبى ذى لايكون تبى

فتاشه قالت لى وش جايبك عندهم قلت انا زوج ابو حميد قصدى انا زوج منيره شوى الا

قامت تتنافض وتخبط براسها الين طاحت مغمى عليها وش فيك قالت ياخزياه وشلون تاخذها وهى

راضعه مع اخوك الدحمى انا لله وش هالرضاعه اللى جت بغير وقتها طيب وش اسوى قالت

طلقها... طيب وحصه وش مصيرها طيب حصه وش تقول لى ابوى ولا خالى







خاطره مدرى وش تبى :

طيب وش الحل فى هالرضاعه :sad:





نصيحه مالها داعى :

نصيحه اللى يبى يتزوج من اقرباه لازم يتأكد ان مابينهم رضاعه ترا حريم اول مافيه بزر مارضعوه







دعابه :

يقولك فيه غراب حاشر له عصافير يقول من هو ملعون الوالدين اللى يقول جاكم كويحه

اقول انت ياخال قصدي يابو حصة

وش رايك باللي المهر عنده مايزيد عن ثمانية الآف ريال

وفي فتاشة ولا غيرها

الا وش معناة فتاشة

إقتباس نصيحه اللى يبى يتزوج من اقرباه لازم يتأكد ان مابينهم رضاعه ترا حريم اول مافيه بزر مارضعوه

صدقت أخوي ..؛
ولاتنسى الفحص قبل الزواج

خاصة ان الامراض الوراثية تنتقل أكثر بين الاقارب


دعابه :
واحد راح يخطب عند ناس قالوا له المهر بمية الف قال ليه كم الخشة عندكم :sad:

نجي للجد :

والله ياخوك ان هالعقليات المتحجرة هي سبب رئيسي في عزوف الشباب عن الزواج في زمن اصبح الحصول على الوظيفة احد الاحلام شبه المستحيلة !1

متى نتخلص من هالعقليات


ماشاء الله عليك يابو نحاسوووه اسلوب حلو مثلك

[ALIGN=CENTER]الله يـرجـك ,,

ذالحيـن مـاقـلـت لـنـا

محـمـد زيـن ولا شـيـن ,, علشـان نحـكـم عـلى محـمـده

مـيـر إلـي يخـيـط الـخبـز .....

أهــون مـن واحـدن يـرقـعـة

ومـشـكــور يالنحـس [/ALIGN]

الكنز نواف:

إقتباس وش رايك باللي المهر عنده مايزيد عن ثمانية الآف ريال وفي فتاشة ولا غيرها الا وش معناة فتاشة

ثمانيه الاف والله مهيب شينه اقول وين بيتهم فيه
فتاشه يعنى ترز ام العروس خشتها بخشتك واذا مادفعت مش بوزك تشوف خشتها

إقتباس صدقت أخوي ..؛ ولاتنسى الفحص قبل الزواج خاصة ان الامراض الوراثية تنتقل أكثر بين الاقارب

والله انك صادق هذا اللى ماحسبنا حسابه

إقتباس دعابه : واحد راح يخطب عند ناس قالوا له المهر بمية الف قال ليه كم الخشة عندكم

ميه الف والله لو يقولون خذها تقسيط ماوافقت

إقتباس نجي للجد : والله ياخوك ان هالعقليات المتحجرة هي سبب رئيسي في عزوف الشباب عن الزواج في زمن اصبح الحصول على الوظيفة احد الاحلام شبه المستحيلة !1 متى نتخلص من هالعقليات

والله وانا اخوك مدرى متى بنتخلص منهم بعض البنات تعدت اعمرهم 30 ولا بعد تزوجو:sad:




سهل 888 :

إقتباس يارجال وسع صدرك ,, هي كم عجوز بكرا بفنقسون وتنتهي المشكله

هههههه ياخوفى يطلع فيه شهود على الرضاعه

إقتباس وراك ما كملت القصه اشك انك ماااااااا طلقت

لا تونى ياخوى يرجعون اللى دفعت واطلق بنتهم من زينها

إقتباس رائع بندر تسلم لي على هيك قصص

من بندر ابد مايستهبل

إقتباس اعرف لك واحد امه ما تركت احد ما رضعته يوم جى يتزوج توهق

تصدق انى يوم فكرت اتزوج رحت اخذ من ناس مااعرفهم لا وقلت لابوها تحلف بالله انك ماكنت جارنا

إقتباس وأطلب يــــد المكنسه علشان اللي عندنا انكسرت

بدون مقدمات ترا المهر 10000 والمؤخر 200000








yazeed_9 :

إقتباس محـمـد زيـن ولا شـيـن ,, علشـان نحـكـم عـلى محـمـده

ياابن الحلال لو انه زين مافكرت اطلق اخته

إقتباس مـيـر إلـي يخـيـط الـخبـز ..... أهــون مـن واحـدن يـرقـعـة

الحال من بعضه والكل يلهث ورا غلا المهور

إقتباس بنت واحد يقولون تتطيح الطير من السماء

اشوى انها ماغلطت وخذتك
اجل بنيه تطيح الطير ..مع واحد مب شين وبس ..انت مجمع شين(نقعة شين)

إقتباس طقيت الزين كله حتى فيه قريض موزيه بالدولاب للعيد اخذته معى ( عيب ادخل عليهم ويدى فاضيه )

لووووووووووووووووووول
والله انك صادق عيب

إقتباس يقولك فيه غراب حاشر له عصافير يقول من هو ملعون الوالدين اللى يقول جاكم كويحه

هلا والله بابوالذهب وعلى طاري الخطبة يقولون ان واحد راح يخطب وحده وشرط انه يشوفها بس ابوها قال معصي!!! ماعندنا بنات يشوفونهن رجاجيل!!! وقام اللي بيخطب يحاول يمين يسار لعل وعسى ان الأبو يوافق!!! وفي الأخير وافق الأبو وقال انا ماعندي مانع اقرب لك الشبه حقها بس وقال تراها تشبه اخوها مرررره بس من دون شنب
وعلى طاري الرضاعه بعض الأمهات هداهن الله صايرات أعظم من مصانع الألبان مايخلن بزرمايرضعنه
وعلى طاري الغراب اللي حاجر عصفورين يقولك ان فيه بعير حاجر نعجتين ويقولهم من اللي قايل عني ابوبراطم

مبدع يا ابو الذهب.....كالعادة...

إقتباس نصيحه مالها داعى : نصيحه اللى يبى يتزوج من اقرباه لازم يتأكد ان مابينهم رضاعه ترا حريم اول مافيه بزر مارضعوه

بالنسبة لي انا ارضعتني ستمية ألف حرمة .....كله حرص من الوالده الله يحفظها و يرعاها اني مااموت جوع : D أجل وشوله انا متزوج من بلاد الواق واق....;););)

إقتباس لايفوتنى تبويس العمر

وش تبي تقول بالظبط...الظاهر ان الضغط 1000000

لا و شف العنـــوان بعد .....

إقتباس للنقاش IIIII مأستى مع ؟؟؟؟

يا ان سيبويه و الخليل بن أحمد ، و كل الشلة ، ودهم يغالونك.....

موضوع منـــسم ..


بس كله كوم .. والدعابه كوم


وخذ هالدعـابه :

سئل مدرس طالب محشش ماهو لقب خالد بن الوليد ؟
قال الطالب : شارع انكاس

مشكــــــــــــــــــــــــــــــــــــور على الابداع يا ابو الدهب

بس تصدق .. لو انك اخذت بنت البخيل كان احسن لك ..

طلعت عليك محمد .. قصدي منيره اغلى من بيع السوق

اقول
لاتروح بعيد
بنات المنتدى ماملوا عينك

[ALIGN=CENTER]ازيكم ياشباب[/ALIGN]
[ALIGN=CENTER]اشوفك قلبت هندي متجنس[/ALIGN]

بخير الله يسلمني ويعافيني من الشر

[ALIGN=CENTER]بعدها دورت وطحت في بنت خال[/ALIGN]

عجزت ابلعاه خال والا خال بكسرة الياء وفتح الموجود بأوله ولايوجد بأخره ضمه ( صفقني ان فهمت شيء )

[ALIGN=CENTER]الا وامها وجداتها صافطين فى المجلس يبون الفتاشه [/ALIGN]

ولاتنسى عماتها وخالاتها ... يالحبيب لاتنسى تركز على الأول

______________

إقتباس انا لله وش هالرضاعه اللى جت بغير وقتها طيب وش اسوى قالت طلقها... طيب وحصه وش مصيرها طيب حصه وش تقول لى ابوى ولا خالى

أول مره يطلع منك شيء مفيد ... سمعت عن قصص تشيب لها الرأس بسبب الرضاعه ... والله يستر

____________

اباالنحاس على فكره :-
انت الزوج والا الزوجه

الـحـاتـمي ......

مــر مــن هـــنـــا .......

ويقول : هارد لك , والمثل يقول : اذا كان صاحبك عسل .. سده واستريح !!

إقتباس إقتباس من مشاركة الفتى .. الزعيم اقول لاتروح بعيد بنات المنتدى ماملوا عينك

أحـــــــــم أحــــــــم بس حناا ما نبغااكم ياتماسيح قريباااتكم وبالله يتحملوونكم بسبب صلة الرررحم علشان ما يقطعوووونهااااا
لا تزعلوووووووون أوووكي مززززحه من سحوررررررره

أبووووووووووووووووووووك يالتنسيم

اقول وش أنت شارب ؟؟

تكفي علمنا ؟؟ لا يصير مثل عصير إليسا

تحياتي لك ,.,