|
يا لاعبي الهلال .. تراكم تمثلون نادي الهلال مش أرسنال أو ايطاليا !! السلام عليكم ورحمة الله وبركاته .. دائما وانا أقلب في صور لاعبينا في المواضيع المثبته أعلاه ألاحظهم يجوا للتمرين بملابس منتخبات أو اندية اوروبية أو لاتينيه .. وكأنهم لاعبي حواري جايين لتمرين في الحارة وراجعين !! يا لاعبينا الاعزاء أنتم تمثلون ناد عريق في اسيا .. ويجب أن تكنوا له من الاحترام الشئ الكثير .. ومن احترامكم له أن تحضروا للتمارين ع الاقل بزي نادي الهلال أو بملابس أخرى لا تمثل الاخرين ... بالله شوفوا معايا :d http://img571.imageshack.us/img571/1504/img8883ay.jpg http://img18.imageshack.us/img18/3286/img8879t.jpg http://img823.imageshack.us/img823/1461/img8835pl.jpg يمكن البعض يقولي لا تدقق واجد وكلها ملابس عادية ... لكن بسألكم سؤال : عمركم شفتوا كريستيانو لابس قميص جوفنتوس وحاضر للتمرين .. عمركم شفتوا اي لاعب اوروبي في ناد عريق يلبس لبس منتخب اخر أو فريق لا يلعب فيه ... !! هنا الفرق بين احترام الشعار والنادي وبين اللعب لنادي لمجرد اللعب فقط !! انا ودي أعرف وش وجهة نظر ويسلي أو مانجان أو أي لاعب أجنبي يحضر ... انا متأكد مئة في المئة انهم يستغربون من هذه الظاهرة !! اعطوني آرائكم :yes: |
مرحبا دكتور احمد ماعندي تعليق الا انه العقليه لاعب هاوي والعقد لاعب محترف "اللهم لاحسد" قفله : حبيت اسلم عليك يالعريس عساك دوم بصحه وعافيه :) |
مو مهم لو يجوا بالبجامه اهم شي يقدموا مستويات مرضيه مستويات ترضي طموحاتنا ...:wub: الله يكتب الخير للملكي ...:alzaeem: يعطيك العافيه ع اهتمامك ... |
بجد لاحظتها كثير لكن مانقول الا الله يوفق الهلال وياليت شويه احترام للهلال اللي خلاكم نجوم |
بـ الفعل ان تأتي لـ نادي الهلال بـ زي لـ فريق آخر حتى لو كان أوروبي فيه اهانة لـ الهلال والمفروض الادارة تعاقب اللاعب اللي يحضر بـ قميص فريق آخر |
طيب انت عمرك لبست لبس المنتخب هاااااااا قفطتك يا ابوي انت مو سعودي سلامات اذا نظامك كذا اجل نص العالم جوازهم اسباني |
تبقى حريه شخصيه ولا تقدر تجبرهم على شيء ولكن من باب الإحترام كما تفضلت أن يأتوا للنادي بشعااار الهلال .. والهلال فقط .. فهو فخر لمن يرتديه يعني اللاعب من نفسه المفروض يحس بـالشيء هذا ,,, يعطيك العاااااافيه ملاحظه مهمه |
والله ان نفس نظرتي يوم شفت لبسهم وكنت بنزل موضوع وانت سبقتني اللاعب المحترف بنادي الهلال - الاجنبي - يحترم الشعار واللاعب المحترف بنادي الهلال - السعودي - لا يحترم الشعار عجبي .. لاحد يقول لي كل واحد حر حر ببيت اهله بالشارع اما بالنادي يلبس شعار الهلال او يلبس بدون شعارات انديه اخرى يعني لو جاء واحد بكره لابس فانيله النصر بتقبلونها منه ؟؟ اهانه للنادي والاداره تتفرج .. لا يوجد انسان صارم بالنادي للاسف نريد صالح النعيمه نريد فيصل ابوثنين يعلمونهم كيف يحترمون الشعار بالبس بالاداء داخل الملعب ويحترمون الجمهور والكيان .. وكفى |
إقتباس:
عشان تعرف حجم المشكلة تخيل ماتا جا تمرين تشيلسي بـ قميص برشلونة ,,, وا فضيحتاااااااه |
الله لا يلوم اللاعبين يوم ينخفض مستواهم ،، مالقينا الا ملابسهم اللي قبل التمرين ، هذا الشي من ضمن خصوصياتهم الشخصيه ، يبدأ التمرين يا غالي من دخولهم للملعب ، يلبس ارسنال يلبس حطين يلبس شاختار بسلامتتته ،، حتى انا تصدق شايف ياسر حاضر مناسبه بثوب و شماغ ، تصدق ياسر ما يحترم شعار ناديه ؟! ارحموا اللاعبين ،، |
مآ آحترمو شعآر الهلال دآخل الملعب تبيهم يحترمونه برى الملعب قلهآ آحسآس خآلد ماعندي تعليق الا انه العقليه لاعب هاوي والعقد لاعب محترف "اللهم لاحسد" |
وجهة نظرك تحترم((كل واحد يلبس اللبس الي عاجبه مستوياتهم وطالبنهم طريقة لعبهم وطالبنهم فيها بعد ملابسهم بنطالبهم فيه؟!))؟ |
وجهة نظر و احترمها .... لكن بعيداً عن الأمور الشخصية .. أتمنى التفكير في شيء يفيد الكيان الهلالي ... اما وجهة نطري في الموضوع ... الامور الشخصية ندعها لأصحابها :) الأهم هو الإخلاص لهذا الكيان العريق:) اخي الكاتب .. اشكر لك حرصك و أهتمامك إلى الأمام دمت بود |
لا تقدر تجبرهم بـ اللائحة الداخلية لـ النادي انه لا تجي النادي بقميص فريق اخر غير الهلال |
الله يلوم اللي يلومهم ارسنال عشق عزوز والعابد والزوري والحارثي وعبدالله الدوسري من مشجعين ارسنال واللي محليهم تي شيرت الهلال بعد |
| الوقت المعتمد في المنتدى بتوقيت جرينتش +3.
الوقت الان » 08:05 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd