|
الــهــلال VS زيــنــيــت نــقــاط مــهــمــة تــكــفــى يــابــن مــســاعــد شــوف هــالــنــقــآط(قــلــبــي يــحــتــرق) بسم الله الرحمن الرحيم السلام عليكم ورحمة الله وبركآته مساء الخير يازعماء لعب الفريق الهلالي اليوم لقآءه الأول في البطولة الدولية الودية والتي خسرهآ من أمام فريق زينيت الروسي بنتيجة 4 - 1 وأنا أتابع المبآراة سجلت بعض النقآط السلبية المهمة في زعيمنا الملكي .. وآتمنى وآتشرف من الجميع المشآركة!! أول ملآحظة والتي لفتت إنتباهي مدرب زينيت الروسي رغم تقدم فريقه بفآرق هدفين إلا أنه مآسك ورقه وقلم ويدون ملآحظآت على فريقه , وهذا إن دل دل على أنه مدرب ذكي ومميز .. بينما مدربنا ( كمبورآيه ) قآعد يتفرج !!؟؟ ثانياً ضعف واضح جداً جداً جداً في خط الدفاع بآكمله ثالثاً مرو على الهلال كثير من المدربين المميزين وإللي مشي حآلك والسيئين ( بس ولا واحد فيهم يوم من الأيام وضع الكابتن عبدالله الزوري وسط ؟؟؟؟) رابعاً ضعف في صناعة اللعب وتوصيل الكرآت للمهاجمين خامساً أكثر لأعبي الفريق أكثرهم يلعبون بالقدم اليسرى سادساً ضعف البنية الجسمآنية سابعاً الاستعجآل في التمريرات في حالة يجب أن يكون عدم الأستعجال .. والبطئ في التمريرات في حالة يجب أن يكون الأستعجال فيها ثامناً عدم التركيز واللأمبالاه ( الزوري - نامي ) تاسعاً ضعف الإلتحامات والإشتراكات عاشراً ضعف بالكرات العرضية الحادي عشر يضرب من العمق ويضرب من الأطراف بكل يسر وسهولة الثاني عشر ضعف وعدم العودة للتغطية الدفاعية ( الهجمات المرتدة ) الثالث عشر وأخيراً الهجوم يضم كلاً من ( ويسلي والكوري وياسر وفهد وبإنتظآر يوسف السآلم ) ليس سيئاً لكن من يوصل الكرات المميزه لكل هالمهاجمين # ليس من المعقول كل هالمهاجمين سيئين # هذه النقآط السلبية ليست فقط في هذه المبآراة نعاني منها منذ مبطي وآسف على الإطآلة |
المشكله بآقي عشره آيآم على انتهآء فتره الانتقلات الشتويه والى حد الان لايوجد قلب دفآع للفريق ولا صآنع لعب حقيقي آول كنآ نطآلب في صآنع لعب الان نبي بس قلب دفآع الاداره فآهمه الاحتراف في عدم التوقيع مع الفريدي والابقاء على وليهامسون اللي يجيد المروغآت والتمريرآت الصحيحه آذآ تبي تنآفس عليك آنت تبني دفآع قووي بعدين فكر في الهجوم والوسط آمآ آذآ دفآعك الزوري والمرشدي والمسلم اللي مدري كيف جآبته الاداره بعشره مليون |
نقاط جميله مشكلة الهلال تكمن في *المدرب / فاشل ومااعنده اي تكتيك ولا اي منهجيه ولا عكس تفكيره للفريق *الدفاع/يحتاجلنا دفاع اجنبي بدال هرماش ودفاع محلي مع الدفاع هذا نحلم ننافس على اي بطوله *صناعة اللعب مهي متوفره في الهلال خلال الفتره الحاليه يحتاجلنا صانع من طينة كماتشو والتايب يعطي كور للمهاجمين عشان يسجلون يعني مايحتاج المهاجم يرجع لللخلف فيه صانع لعب يمده بالكور نصبر ونشوف الايام الجايه يمكن يكون في تغيير |
حل مشاكل الهلال باكملها هو رحيل الاداره فهي من احضرت العاطل كومباريه وجهزت منقان لياقياً وطبياً وباعته بثمن بخس دارهم معدوده وابقت على الفاشل هرماش والمطفوق الكوري وماهي راضيه تعدل الوضع في الفتره الشتويه 0 |
دفاع سيئ ومايقهر لو انتقل مسعد للهلال هنا اقول للاداره شكرا ع التعاقدات المحليه جيزاني الجمعان الكعبي فلاته الحارثي المحياني المسعد الى اين الى اين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
لالا واخر نكتة يقولك ممكن نتعاقد مع محمد مسعد هههههههههه |
اتمنى من جماهير الهلال يكون نقاشها لمحاوله الحل وليس الشخصنه او المطالبه بحلول سريعه ومسكنه مثل مايقول البعض الاداره تمشي والمدرب الخلل ليس بالمدرب او بطموح الاداره هناك عوامل منها لابد من زرع روح الحماس والشجاعه وعدم الخوف من الالتحام فمن يقول التكتيك يكفي فهو مخطي لاعبين بعضهم مع الاسف يطبق مايقال له فقط دون ان يبذل مجهود او يقوم بادوار اخرى فمثلا اذا قطعت الكوره من الاعب لابد يحاول يستخلصها مو ينظر وين راح وهل فيه احد في الخانه ثانيا لابد من جلب مدافع مكان هرماش ويحاول جلب المولد او النخلي محليا ثانيا اذا فيه صانع لعب اسيوي مميز مكان الكوري نجيبه فالخلل ليس بالهجوم بل بمن يوصل لهم الكوره وياليت الشلهوب يرجع صانع لعب زي اول ويتفرغ له واخيرا اللهم وفق الهلال واكفيه شر كل من به شر |
الدفاع يحتاااج ترميم ...عفوآ يحتاج هدم وبناء من جديد... نحتاااج قلب دفاااع شرس... اتمنى ان لايكون مانجان معجب بالدفاع او يقول الكوره الحديثه لاتعتمد على الدفاع .. عندها سترون كومبواريه مقتولآ وانا قاتلهـ لامحاله... ونحتاج لاعب وسط آسيوي بدال الكوري.... الانتقالات الشتويه باقي لها القليل... والآسيويه على الابواب... والله يستر ان يستمر الوضع كما هو وبالنهايه اعتذااار بالتويتر واااااه يالتويتر..... يسلموووا صاااحب الموضوع.... |
انا معك لكن ابي اركز على نقطتين ذكرتها وهما: تاسعاً : ضعف الإلتحامات والإشتراكات الثاني عشر: ضعف وعدم العودة للتغطية الدفاعية ( الهجمات المرتدة ) واسمح لي اضيف عليهم التكتيك الدفاعي لان الللاعبين يتصرفون حسب اجتهاداتهم للاسف بصراحة المدرب ضعيف ويبي يتعلم على الهلال ودمــتــــــم |
هل يعقل في فريق ف العالم مافية صانع لعب ايمن ؟؟ الا حنا ؟ |
نقطة مهمة اتمنى توصل للادارة انا ما اقدر انزل مواضيع ،،،، وهي من الضروري تغيير هرماش وجلب صانع لعب والسبب من الصعوبة ان يلعب الهلال امام الفرق الصغيرة بمحورين مايعني وضع احد الاجانب بالدكة ولا ننسى ان المهاجم الكوري اغلب الموسم بالاحتياط وبالتالي الهلال سيخسر 50٪ من ميزة اللاعبين الاجانب المتاحة للجميع.... ياليت يتم تدارك الوضع وضع الهلال لا يسر حاليا |
الاداره تروح تجيب مهاجمين ومحاور وعندنا مهاجمين ومحاور وكل شي اما لو جينا لصناع اللعب مين فيه مافيه غير الشلهوب والشلهوب احيانا مايلعب المبارايات ولحاله مايكفي لازم صانع لعب والله لازم .. ونفس الامر للدفاع بالله هذا دفاع اللي في المباراه والله انه دفاع فاااااااااااشل كيف قدام العين ولا الريان ولا اجانب آسيا ,,, والله ماقول الا الله يعين بسسسسسس |
ردد ياليل مااطولك ماراح يحضرون اي لاعب |
نامي لا يجب ان يبقى في الهلال دقيقة واحدة مع احترامي له رددنا هذا الكلام كثيرا واليوم في هذه المباراه وعند الهدفين الاول والثاني فالمسئولية في بدابة اللعبه تقع عليه لاعب ليس في مستوى الهلال اصعد من اولمبي الهلال ابرك من جلوسه في النادي ان شاء الله يطلع خبر التعاقد مع مسعد صحيح ونفتك من العك الكروي عند نامي |
يا حبيب قلبي صح الدفاع اليوم ماش بس ترا اليوم ما فيه محاور بالفريق ! بس العازمي و الحارثي وما بدا فيهم هذي مباريات وديه لازم تكتشف فيها و انا اخوك |
| الوقت المعتمد في المنتدى بتوقيت جرينتش +3.
الوقت الان » 06:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd