السلام عليكم ورحمة الله وبركاته

كيفكم يازعماء ؟

حاب اعلق على خطأ ارتكبناه بعد قدوم هرماش للزعيم .. الا وهو مقارنته برآدوي
وهذا الي الاحظه هاليومين بعد معرفتنا بقدوم جوستافو للزعيم !

ياجماعه ماراح يخلي اللاعب يتشتت ويجيب العيد الا ذا البربره الي مالها داعي !
خلاص رادوي مشى .. ويلعب مع العين ومبسوط عالوضع ولا تلمحون انكم تبونه يرجع !
انا انغبن كل ماقريت وين ايامك يارادوي آخ يارآدوي !
اللاعب قال بعظمة لسانه انا حققت مع الهلال كل شيء وابغى اغير ! يعني ترى الرجال ماهميناه ! الرجال نقدر كل ماقدمه للزعيم وانا من محبينه لكن خلاص
فكونا من رادوي ورادوي الآن جآنآ جوستافو وانا متفائل به كثير .. ومانبيه يسمع طآري رآدوي
نبغاه هو جوستافو اسلوبه ولعبه وطريقته .. ندعمه بالملعب بالحضور والمسانده والهتاف بإسمه وبعدين نحكم عليه

هذا كل مالدي .. وانا مقل بالمواضيع لأني ما اتكلم الا عن المواضيع المهمه الي اشوفها زادت او بتضر الزعيم

اخوكم / محمد