السلام عليكم ..

تركيبة اي نادي في العالم عباره عن :
رئيس للنادي : صاحب القرار
اعضاء شرف : للدعم والمسانده ومناقشة القرارات
جهاز فني : للتدريب وتطوير الفريق
لاعبين لتنفيذ الخطط الموكله لهم من الجهاز الفني
جمهور : لدعم ومساندة الفريق . فقط فقط فقط

تركيبة نادي الهلال .
رئيس نادي : صاحب قرار ولكن يراعي الجماهير ويحاول قدر المستطاع شرح لهم كل شارده ووارده لكي يخف الضغط عليه وعلى ادارة النادي وقد يسبب ذلك اخطاء في بعض القرارات
اعضاء شرف : ثلاث ارباعهم اسم على ورق فقط
جهاز فني : لايستطيع فرض خططه كما يريد بسبب ضغط الجماهير
لاعبين : لم يتمكنومن التركيز الكامل داخل الملعب بسبب ضغط الجماهير عليهم والخوف من ارتكاب الاخطاء لكي لاتنصب عليهم الشتائم .. والخوف من الخطأ .. ومن اهم مسببات الخطأ
الجماهير : اصحاب قرار ومعارضين لأختيار الاجانب وايضا يطرحون اسماء يريدون الاداره بأتيان بهم + جميع جماهير الهلال يقيمون اداء المدرب وانتقاده بعد كل مباراه وايضا تقيم وضع المدرب هل هو اكبر من النادي او لا + يستطيع اصغر مشجع هلالي بأن يحلل جميع الاخطاء في ثواني معدوده وينهي التحليل يردف قائلا مدرب فاشل واداره لاتعي ما تعمل .
ايضا جماهير الهلال وصل بها الحال الى ان بدأ تتدخل في ميزانية النادي والمداخيل !!!
عن اي جو صحي تتكلمون ..!!
ياجماعه احنى جماهير .. جماهير .. الدور المطلوب مننا هو مسادنة الفريق في الملعب فقط فقط فقط ..
تخيلو رئيس النادي يتدخل في التشكيله .. كلنا راح نعارضه وهو اللي دافع من جيبه !! اما احنى كجمهور عادي مسموح لنا نتدخل في اي شيء مدرب لاعبين اداره .. !!

اذا تبي تثبت حبك للهلال الملعب ينتظرك اما انك تسوي فيها انك تفهم كل شيء ترى الهلال مو ناقصه ضغط ..
اتمنى من كل قلبي ترك كل شخص يؤدي الدور اللي عليه في جو صحي بعيد عن الضغوطات ..
سبب اني كتبت الموضوع .. تغريدات عبدالرحمن بن مساعد الاخيره .. وصلت فيه الدرجه انو قاعد يشرح صغائر الامور بس لعيون جمهور الفريق .. اللي من المفترض انو تكون الامور هذي خاصه بالاداره فقط ..

معليش انا ماعرف ارتب المواضيع بس اتمنى انو فكرتي توصل ..
وشكرا ..

وين الي يفهم

المفروض مايتكلم الا الي حضر كل مباريات الهلال والي يحرص على الهلال مو واحد مسوي فيها انا اعرف انقد ابي الناس تمدحني ,

لاكن للآسف اكثرهم جهلآء

إقتباس الرسالة الأصلية كتبت بواسطة عا Radoje شق وين الي يفهم المفروض مايتكلم الا الي حضر كل مباريات الهلال والي يحرص على الهلال مو واحد مسوي فيها انا اعرف انقد ابي الناس تمدحني , لاكن للآسف اكثرهم جهلآء

صدقت .. بس لو نعطي الاداره والمدرب واللاعبين فرصه يعملون بدون ضغوط صدقني راح نشوف نتائج ماكنى نتوقعها ..

إقتباس الرسالة الأصلية كتبت بواسطة .Mohammed# كلام صحيح ، كل الشكر لك على الطرح

العفو منك .. وتسلم على رأيك ..

كلام سليم

و الأهم الجمهور اللي ما يشد حيله الا في الاسيويه <<وكثير يقهرني هالشي وينكم من اول عنه الدوري والكؤوس
لا ويجون هنا ويتفلسفون وأغلبهم في الاستراحه وبيوتهم

طبعا ما أتكلم عن جمهور الغربية ولا القصيم ولا الشرقية والله يازينهم أتمنى كل مباريات الزعيم تكون في إحدى مناطقهم

ياجماعه احنى جماهير .. جماهير .. الدور المطلوب مننا هو مسادنة الفريق في الملعب فقط فقط فقط ..


ابدعت في طرحك
يعطيك العافيه

اتفق معاك بكل ماذكرت الا نقطه واحده ان الجهاز الفني مايفرض خططه كما يريد انا طبعا باتكلم عالجهاز الفني اللي متعاقدين معه الحين انت شايف وانا شايف وكل الجماهير شايفه لابد يتناقشون معه الادارة زي اللي حصل بمباراة نجران لعب ب 5 دفاع ولا احد كلمه بعدها صرح عبدالرحمن بن مساعد انه مصدوم من الخطه اللي وضعها كومباريه وراح يجلس معاه ويناقشه ويحاسبه وبعدها انتصرنا عالفتح ولا احد كان متوقع الانتصار


والباقي ما اقولك الا سلمت اناملك عليه

يجب على الجماهير ان تساند وتحاسب الاداراة في نهاية الموسم

لو جمهور الهلال يركز على الملعب
والحضور كل مباراه يمتلي
الملعب وترجع الرووح الهلاليه...!

بالعكس عزيزي موضوعك مرتب و فكرتك أبشرك وصلت حتى النخاااع
يعطيك العافية في الحقيقة طرح متميز ويحكي واقع الجماهير الهلالية المرير للأسف
جمهور الهلال الكريم:
لا ضير من الانتقاد وطرح الأفكار والآراء العقلانية الإيجابية
أما الانتقاد لمجرد الانتقاد فهذا مالا يقبله العقل ولا المنطق
"الأسباني" تقبل خالص الود.......

كلام صحيح ، كل الشكر لك على الطرح