|
والله ماضيع الهلال الا مثاليتهم من لاعبين سابقين وجدد وجماهير وادارات بدخل بالموضوع بسرعه وبدون مقدمات ترا بلغ السيل الزبى الى متى المثالية والسكوت على الحاقدين مثل نجس النيه والخريفي ترا تعبنا من اتركوهم ترا اشهرتوهم لا ياحبيبي الاعلام دمر دول وماضعف الدول الاسلامية والعربية الا الاعلام الغربي والروسي والفارسي واليهودي ليل نهار تقليل من الاسلام والعرب واحنا في قنوتنا نمدحهم ونقول اتركوهم مو لازم نرد ومن النادر تجد قناة عربية او سلامية ترد الا واحدة او اثنتين على اكاذبهم وهذا هو حالنا كهلاليين من جماهير وادارات ولاعبين سابقين وجدد بس نهز روسنا تقل دلوخ واضرب لك مثال حي قبل يومين في ديوانية لاين سبورت يجيبون انتقاد صالح النعيمة للمنتخب الكويت للاسف الخاطئ ولكنهم يحبون يصيدون في الماء العكر كي يشوهو صورة لاعبي الهلال ويقول المذيع للكويتيين حق الرد هههههه وكن صالح غير سعودي بعدها علق نجس النية وقال اشكر صالح النعيمة اللي كشف اشياء كنت اقولها في السابق ويتحسس منها فريق ثم بعدها قالها صريحه وهو الهلال فريق تحكيمي بوجود اسطورة هلالية مثل يوسف الثنيان ويوسف يضحك ولا احترم نجومية يوسف ولاشي ولارد يوسف الى متى المثالية يوسف انت اسطورة هلالية يجي امعة بوجودك ويقول فريقك تحكيمي وتضحك ولاتقدر ترد لو بكلمه وحده وبينما يوجد اعلامي اعتقد محسوب على الهلاليين على مااعتقد فيصل الجفن وساكت بعد ونجس النية وابو حواشي تقليل من ياسر وحش وهم ساكتين.. والأن الخريفي الهرفي ينتقد ياسر وينبح في كل قناة ولاتجد رد هلالي بل تجد بعض اعلامي الهلال يقولون المفروض ياسر مايرد ويقفون مع المحتقنين وعيباه وربي ضاع الهلال هالايام الناس تنهش بالهلال حملة مسعورة واحنا كهلاليين نضحك وبعضنا مثل الاطرش في الزفه مايدري وين الله حاطه المشكله ليه انا مقهور ومعصب اننا الاكثر جماهيرية ولدينا قدرات على الرد بردود مزلزله ولكن ربعنا ذابحتهم المثالية كلن خايف على سمعته وجماهيريته بالعربي جماهيرية الهلال اضعاف اضعاف جماهيرهم مجتمعه ولادري لماذا بعض لاعبي واعلامي الهلال خايفين على جماهيريتهم وانت تملك اكثر من 70 في المئه من الشعب السعودي وحتى الخليجي واكثر لاعب اعجبني الكابتن الكبير ياسر القحطاني يرد بردود مزلزله على الخريفي واشكاله لانه يعرف انه مستند على جماهير عملاقه ولافكر في مشجع فقراوي ولا اتهاد واهلاوي هذا هو الهلالي الصح مايحزنني وجود الاسطورة العملاقه يوسف الثنيان بوسط الشرذمه نجس النيه وابو حواشي وهم في كل دقيقيه وثانية يحشون في الهلال ولاعبيه ولا احترموا يوسف وتاريخه ويضحكون ويوسف يضحك........ لابد للفكر الهلالي يتغير لاعبين واعلاميين من حالة الركود والمثالية والضعف لحالة الشجاعه والقوه.. وفي مثال بسيط ثالث على ضعف ومثالية لاعبي الهلال الجدد واعلامي الهلال واداراته كل لاعبي الاهلي وجمهوره وادارته ورئيسه واعلامه يقولون الملكي في كل لقاء بينما لاتجد لاعب هلالي ولا ادري ولااعلامي يقول الهلال الملكي وهم يعرفون ان الهلال الملكي الحقيقي ماقول ذبحتنا المثالية والفهم للتعصب خطأ يعني وشفيها لو قلت الهلال الملكي يعني صرت كلاعب هلالي او اعلامي هلالي متعصب فعلا الحروب الاعلامية على الهلاليين اتت اكولها وصار الكل يخاف من قول الحقيقية.... (ذبحتنا المثالية ذبحتنا المثالية ياهلاليين حسو حسو حسو اصحو اصحو اصحو) |
113 مشاهدة ولاحدآ رد وين ردود الزعماااااااااااااء الغيورين والشجعان |
ي اخي الفاضل الله ماشفناه بالعقل عرفناه لو الهريفي يهمه المنتخب ويبي مصلحة المنتخب بالله بيجي ويصرح بالوقت ذا ؟؟هذا شي معروف حقد وتعصب وياسر اكبر غلط سواه انه رد عليه واعطاه اهتمام الهريفي انسان جاهل انسان يجلس يهايط ويقول انا نقزت الكوره من فوق ريكارد وانا وانا بالله وش بترجي منه قسم بالله عقيله طفل صغير |
إقتباس:
هذي مشكلتنا اننا مانرد ونتجاهل ولكن كجماهير واعلام واعضاء شرف ولاعبين لابد ارد وحتى بعض لاعبين يردون بالارقام الانجازات والالقاب يعني لو يقولون لاعبي الهلال الزعيم الملكي وشفيها بل لاتعتبر مهاترات ولا شي حق من حقوقهم |
اتفق معك بان المثالية الزائدة اساءت للهلال هل تذكر محمد بن فيصل عندما قال ان الهلال وغيره استفادوا من التحكيم فظهروا للاعلام يقولون انه اعترف ونحن لم نستفد من التحكيم ليتك كنت حاضر في البرنامج حتى تعلمهم الفرق بين المثالية وبين فرض الاحترام والهيبة وتعيد كل فأر الى جحره ان بقي حياً |
إقتباس:
رغم ان كلامه وحديثه صحيح كل الفرق استفادة من التحكيم يقصد اخطاء التحكيم وهذا دافع عن الهلال من سمو الامير ورد على كلاهم ان الهلال المستفيد الوحيد عرفت ان المثاليه هي اللي ذبحتنا |
لو الود ودي لافتح قناة خاصة في جمهور الزعيم واخليهم يطلعون اللي بخاطرهم وصدقني ساعتها بيكون ردهم قاسي وبيرجعون هيبة الزعيم المفقودة وبيكون افضل من الاعلام اللي محسوب علينا انه هلالي وصراحة الزعماء مو مقصرين في التويتر ويردون الصاع صاعين لكن على المستوى الرسمي والاعلامي ماعندك احد. يعطيك العافية على الموضوع .s13s |
إقتباس:
الله يعافيك واقتراح ممتاز بس وين هالقناه وربي لاي اعلامي او لاعب معادي للهلال يصيب الخوف لانه بيجيه رد قوي من الزعماء وعلى قناة مرئيه |
كلامك جميل انت تقول الاعلام هزم دول وهذا صحيح ولكن لاتنسى ان المال قد يهدم العالم كله ولاعبي الهلال واعلامي الهلال يريدون من هذه القنوات مصدر رزق ولن يضحوا بالمال من اجل الهلال كل ما نفذت كلام المعد والمخرج صار رتبك اكثر اين رجال الهلال لم يفتحوا قناه معتدله على اقل تقدير لكي تساير هذه القنوات الخبيثه (الهلال يمتلك اعلام جبان و فقير) |
ياخي منت مجبور تتابعهم .. يعني كل ماطلع واحد تكلم عن الهلال تبي الادارة ترد عليه .. ياخي لاتتابعونهم منتب مجبور تتابعهم بعدين تجي تقول ليش مايردون عليهم .. تحياتي لك |
اوافقك في كلامك ميه في الميه ،والله كنت ناوي اكتب موضوع زي كذا، مثالية من النعيمة مثالية من الثنيان مثالية من الدعيع ، وفي المقابل لانجد لا تقدير ولا محبه لنجومنا . - اتابع يوميا لاين سبورت ويعجبني الثنيان في طرحه وخفة دمه ، ولكن ما احس انه هلالي أو يغار أو يدافع عن الهلال ونجومه وهذا الكلام من زمان وليس فقط في هذا البرنامج ، جستنيه يرفع والصرامي يكبس والثنيان يوزع بسمات يمين وشمال .. - لا يوجد صحفي هلالي يحترق ويدافع عن الهلال إلا " فهد الروقي " و " ابوغيداء " أما البقية فالمثالية الزايدة طغت عليهم مثل " خلف ملفي " و " العصيمي " و غيرهم. - بعد هذا هل تلومون ياسر يوم يدافع عن نفسه . - تابعت الصحفي العماني " احمد الرواس " وكيف انتقد الاتحاد السعودي في تجاهله الهتافات ضد النجم ياسر القحطاني ... بيض الله وجهه. |
إقتباس:
وازيدك من الشعر بيت وهي الطامه الكبرى ان الصحفي الهلالي العاشق احمد الرواس يدافع عن ياسر وبعض يتكلم عن منتخب عمام بواقعيه ويضحكون عليه الصحفيين الهلاليين مثل الهلالي خلف ملفي والهلالي صالح الحمادي وربي فشيله صحفي عماني هلالي ويجنون صحفيين كبار مثل خلف ملفي والحمادي ويضحكون عليه ويرفزونه المفروض يقفون معه لانه هلالي ماقلنا لكم المثاليه والخباله ذابحه ربعنا وربي لو الرواس العماني نصراوي لتلقاهم يدافعون عنه لين نهار ويحترمونه حتى ربعنا ربعنا دايمآ فيهم مثالية وخباليه ضيعت هيبة الهلال |
تخيل جاسم الحربي لو قال في قناة الدوري والكاس التصريحات المسيئه مرفوضه كما رفضنا تصريح رئيس النصر السابق وعضو شرفه صاحب السمو الملكي الامير ممدوح بن عبدالرحمن عندما استخدم كلمة قطر حصان ابليس فاننا نرفض المهاترات الحاصله من لاعب النصر السابق الهريفي تجاه قائد المنتخب وايضا نرفض الكراكاتير المسيء للاخوه في الامارات كمارفضنا الكاركاتير السابق بجريدة الرياضي بعد مباراة النصر السعودي والوصل الاماراتي بوصف الاخوه الاماراتيين بالقرود ووووووووووووووغيرها الكثير لكن ثق تمام الثقه انه لو تكلم صحفي هلالي لصدر القرار سريعا بايقافه والشواهد كثيره وللعلم الاعلاميين النصراويين والمتحولين اتحدى ايا منهم ان يحضر لاي برنامج بدون اجهزة اتصال تزوده ب كيف يرد ووش يذكر اما اعلاميي الهلال الا عادل وفهد فلا يتكلم في أي موضوع فيه تشكيك او اساءه من وجهة نظره وللمعلوميه ايضا مساعدالعصيمي وعادل عصام الدين وعبدالعزيز شرقي والساعاتي وفلاته اتحاديين لكن يتكلمون عن الهلال بالحق فنحسبهم هلاليين والمطرفي وحداوي يقول الحق وعلي الزهراني اهلاوي يقول الحق وعيسى الجوكم ومحمد الشيخ اتفاقيين يقولون الحق والجفن تعاوني يقول الحق فيحسبون هلاليين فقط تخيل ان من يقال لهم هلاليين انهم يشجعون انديه اخرى فقط اذا قالوا كلمة حق صاروا هلاليين بعيون جستنيه وطقته.............. |
| الوقت المعتمد في المنتدى بتوقيت جرينتش +3.
الوقت الان » 11:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd