25/04/2003, 09:18 PM
|
| زعيــم جديــد | | تاريخ التسجيل: 05/04/2003
مشاركات: 20
| |
|
قالت احلف..........؟؟
[ALIGN=CENTER]قـــالــت أحلــف.......؟؟؟
ليلة البارح هواها كان.....غيـر
شفت بارق فرحتي يمّي...يشـير
وكل نبضه أشعربها مني..بتطير
وقمت أغني للفرح والهم زال
****
بعتمةأحزاني ضوت دنياي...شمعه
ومن بشايرها رقت بالعين....دمعه
وقلبي اللي كان ميت تحت...ظلعه
أنتفض فجأه ونادى بالوصال
****
قالت أحكي ياحبيبي قـول...كلمه
قلت خلّي القـلب يسـتأنس...بحلمه
ودام وقتي زان لي من عقب..ظُلمه
ودي اسمع منك ياعذب المقال
****
قالت الفرحة بعمري شئ...مبهم
والحنان اللي أرتجيته كان..معدم
وكل ماابني حلم في لحظة..تحطم
وكم سألت وحار في صدري سؤال
****
أشتكت لي وبيّنـت ماكان...خافي
وقالت الدنيا سقتني....قلت...كافي
كم شربت المرّ منها بكأس...وافي
ليه أنا وانتي الفرح ماله مجال
****
أعرف إن الحب دربه دوم...كايد
وحضنا لـوهـو تبسّـم له...عوايد
يقتل الفرحه ويجي بهمّه ...معايد
وأن شكينا زاد ناره إشتعال
****
دام قلبي في بحر حبك...غرق
أوعدك مهما حصل ما...نفترق
وللقاء نبقى حبيبي....بنحترق
لو علينا الوقت بالوصل أستحال
****
ياربيع العمر يافرحة...زماني
يأغلامافي الكون ياأحلى.. الأماني
ياأجمل احساس تربع في.. كياني
حبّك بقلبي موثِق له حبال
****
ودي أجمع ياحياتي كل...همّك
وأنثره في داخل أعماقي...وأظمّك
وفي حنايا الصدروالوجدان..وألمّك
ولك من احساس الغلا معطف وشال
****
وإن طلبتي الروح مني قلت...جت لك
ولك خفوقٍ ماتمنى غير....وصلك
العـذاب وقسـوته ما هو... لمثـلك
(......) وش ماطلبتي جاك حـال
****
جيت أشيل احزان قلبك يا...حبيبي
وأرسم أفراحٍ بعمرك ما ....تغيبي
وأنت من بين البشرتصبح...طبيبي
بالمحــبه..بالمــوّده...بالــدلال
****
الـوكـاد إنك بعمـري لـو...بعيد
وإن شوقي لك وإحساسي...يزيد
وإن حبّك ساكنٍ بإقصى...الوريد
.ولك بعيني طيف مايبعد محال
****
قالت أحلف قلت قلبي لك...حلف
وأقســم بـرب الملا ما...يختلف
لين موتي يحل.وبأكفاني..التحف
وأتوسد في دجى قبري رمال
****
قالت أعاهدك بالعهد...الوثيق
أمشي أنا واياك في نفس..الطريق
ودام قربك جنّتي.بُعدك...حريق
.أنت لي روحٍ وقلب بلا جدال
×××××
*************
ياربُى الباحه أشهدي إني....أحبّه
يا روابي نجـد مابي غير...قربه
كل درب أجهله وامشي...بدربه
من سراة ابها الى أطراف الشمال
*****************
فاصل أخير.......
دامك ملكتي بالغلا نبض مغليك
كلي فداك وكل شئ جايزٍ لك
أبيـع كل اللي بدنيـاي وأشريك
.ما دام يكبر وسط قلبي محلّك
وتقبل الجميع تحيــــــــــــــــــــــاتي[/ALIGN] |
الوضع الشجري
