احنا نعيش مرحله ماعاشها نادي الهلال في تاريخه .. والسبب .. - نادي الهلال السعودي - شبكة الزعيم

ChaRmiNG_ · #1 20/01/2013, 08:53 AM

السلام عليكم والرحمه ....

كلامي هذا موجه لإداره المنتدى وللإعضاء الكبار بالمنتدى ...

نحن الهلاليين الكبار اللي عايشنا عز الهلال وانكساره .. عايشنا حلوه ومره ... عايشنا كل الادارات ..

والله يحزننا مانراه من اطفال هذا المنتدى الذين للاسف .. اصبحوا شبه اكثريه ..

والسبب بسيط .. هي ادارة المنتدى ...

الحريه شيء وانك تسمح بنزل مواضيع تهدم الفريق ماتبنيه شيء آخر ...

والله تعبنا من الاطفال اللي هنا اللي قاعدين يتفلسفون .. واحد يقول اداره استثمار والثاني يقول مدرب سباك
واللي يقول تفريط باللاعبين ... واللي يقول ليه ماتحاسبونهم برى النادي ...

واللي يقول ليت بندر بن محمد يرجع علشان الاسيويه واللي يقول محمد بن فيصل ..

والله شفنا اداره بندر بن محمد ومحمد بن فيصل والله والنعم فيهم .. لكن اقسم بالله انهم لايملكون فكر ولا ماده مثل ماتملك هذي الاداره .. والنعم فيهم كلهم خدموا الزعيم

لكن عندنا عقول ونشووف .. بس الناس والبطوله الاسيويه والزمن كلهم تغيروا .. والمتطلبات والمصروفات تغيرت ...

والله يا اداره المنتدى انتم مسؤولون عن المهزله اللي قاعده تصير هنا ... واننا كرهنا الدخول للمنتدى بسبب الاطفال والمندسين اللي لعب فيهم الاعلام المضاد .. وصاروا يضغطون على الاداره واللاعبين

ترى الدنيا والناس والاوضاع تغيرت .. لاتحسبون الادارات السابقه بتنجح بالوقت هذا ...

والله انا ماعرف احد بالاداره ولا بالمنتدى .. لكني هلالي من الطيبين خخخخ

دافي العواطف · #2 20/01/2013, 09:31 AM

سبق أن قلت .. بعض جمهور الهلال .. وحدة من ثنتين

يا صارو مثل جمهور الجار

أو أنهم مفسدين أكثر من مشجعين

* بموضوع حصلتهم يمدحون مانجان وبموضوع حصلتهم يطالبون بطرده*
* بموضوع حصلتهم يمدحون هرماش وبموضوع حصلتهم يطالبون بطرده*

هذا فقط مثال .. من مئات المواضيع

-

al-jouf · #3 20/01/2013, 09:59 AM

يازينك يا شبكة الزعيم اللي نعرفها ... صدقوني صرنا مثل باقي المنتديات كل من هب ودب قام يكتب ..

.Mohammed# · #4 20/01/2013, 10:08 AM

كلآم صحيح .. يعطيك العآفيه على الطررح

zazo69 · #5 20/01/2013, 10:14 AM

مع كامل التقدير و الاحترام
نريد توضيح فقط في مسألة ''الفكر و الماده'' في لاعبين مثل
المرشدي نامي خيرات و عبدالله الدوسري
او في مسألة لاعب اجنبي احتياطي !!!!
او في مسألة عدم جلب اي لاعب محلي عليه القيمه في فترة ادارة الفكر و الماده؟؟!!
افيدونا و نوعدك نصبح مثل سموك مشجعين كبااااار!!!
بصراحه مع الاداره الحاليه بدأنا نشك في مدى استيعاب اللعبه
حتى اصبحت سحر و ليست ابجديات!!!

DONSALEM24 · #6 20/01/2013, 11:20 AM

ما احس الهلال بهذا السوء انه ينافس على الدوري وكاس ولي العهد واقرب المرشحين للدوري

يعني ما اتوقع اننا سيئين لهاذي الدرجة

SCORPION-KING · #7 20/01/2013, 01:28 PM

أتفق معك .. هناك أعضاء ليس لهم هم إلا التهجم على الإداره .. سواء فاز الفريق أو خسر !!!

ولكن التطبيل لا ينفع وخصوصا في هذا الوقت .. أنت شايف الحال ..

الفريق ... مستواه يفشل .. مدربه تائه .. إدارته متفرجه ..

هذا الحاصل في الوقت الحالي ...

تبي تطبل للاداره براحتك ...

تحياتي ..

مجنون نواف 24 · #8 20/01/2013, 01:35 PM

وانت الصادق انه الهلال تغير مب الجمهور واذا انت على ماقلت من الطيبين ترى يوم النعيمه القائد الكبير قلب بالدفاع واحنا بالمدرجات نصفق له >>

لاكن مع كامل احترامي للجميع اول مره بحياتي اشوف الهلال كذا !!
اول مره اشوف هلال متفكك هلال غير هلال عنده عقده نفسيه بالاسيويه هلال مهمش من ادارته وتعاقدات اخيره لاترضي الهلاليين وجلب لاعبين (الهلال مو بحاجتهم) الله يبدل الحال هذا الي اقدر اقوله

العقد الهلالي · #9 21/01/2013, 05:10 AM

إقتباس

الرسالة الأصلية كتبت بواسطة ChaRmiNG_


	والله شفنا اداره بندر بن محمد ومحمد بن فيصل والله والنعم فيهم .. لكن اقسم بالله انهم لايملكون فكر ولا ماده مثل ماتملك هذي الاداره .. والنعم فيهم كلهم خدموا الزعيم لكن عندنا عقول ونشووف ..

ليش تقسم اخوى ؟

الان انت تنتقد من يجرح في الهلال
وتاتى بمثل ما تنهى عنه

كيف تفضل ادارة على اخرى ؟ تتذكر فكر التعاقد مع بشار والهويدي من الكويت وكيف حسمت المفاوضات معهم ؟ وتذكر كيف طالت مفاوضات الاعاره مع ياسر الشهراني من الاتفاق السعودي ؟ كمثال للفكروالمال

كلهم رجال خدموا الهلال وافرحوا جماهيره وامكانيات هلالنا اليوم لاتقارن بالهلال امس ومع هذا الانجازات سابقا كانت اكبر والنجوم اكثر والجماهير كانت اقرب من الان نعم الظروف تختلف لذلك لانقسم بان هذه افضل من تلك لان لكل ظروف تساعده او تحبطه ولهم منها الحب والتقدير وحفظ مكانتهم بدون تفريق بينهم لانهم اتوا متطوعين لخدمة عشقهم الكبير الذي يجمعنا الان

الساير111 · #10 21/01/2013, 07:30 AM

كلام سليم والله يعطيك العافيه على الطرح

وهذي مشكلة الاعلام في هذا الوقت والناس تمشي مع العاطفة

واقول لو وجد التفاعل من وعدم السب للاعبين من الجمهور وتحطيمهم

قد نجد القتاليه من اللاعبين في الدفاع عن هذا الكيان واذا استشعر اللاعب ذلك فابشروا بالخير

وتقبلوا تحياتي وتقديري

الكاسر امتداد للجابر · #11 21/01/2013, 08:09 AM

طبل.. طبل يامطبل !!
ي خي مهو بس انت اللي شفت و عاصرت كلنا شفنا و عاصرنا .. بس إذا كام المستوى عال العال بالملعب و النتايج كويسة أو على الأقل العمل صح و القناعات ميه ميه .. فما راح تطلع مواضيع من النوع اللي ذكرته.. لأن المواضيع راح تمشي مع العمل الصح و النتايج الايجابيه فبتلاقي اخوي كل المواضيع تتكلم عن نشوة الانتصار و بهجة البطولات و المستوى العالي..هذا من جهه.
أما من جهة ثانية.. فعزيزي كلنا نحترم أبو فيصل و نحترم بندر بن محمد و كذلك محمد بن فيصل ؛ و لا يمكن بأي حال من الأحوال أن نتنكر لأي عضو أخذ من وقته و من جهده و من ماله الكثير من أجل نادي الهلال حتى و إن كان مشجع بسيط .. فما بالك برئيس ؟؟
و النقطة الثالثة و الأهم .. هي أنه حتى لو منعت بعض المواضيع المعارضة لعمل الإدارة من قبل المشرفين في المنتدى ، فعادي يعني لأن الكلام أو الموضوع اللي ما يقدر يقوله أو يثيره في هالمنتدى راح يتكلم فيه مع أصحابه و مع العامة في و سائل التواصل الأخرى .. و انت قلتها بعضمت لسانك اللي توهم صغار.. يعني تراهم اشطر منك في الفيس و التويتر و اليوتيوب و الخ..
و شكرررررررررررررررا

بنو هلال · #12 21/01/2013, 11:26 AM

شيء طبيعي هبوط مستوى الهلال بعد سلسلة من الأنجازات المتتالية والشعور بالتشبع..

وكل الفرق الكبيرة تمر بمثل هالموقف ميلان واليوفي والأنتر وبرشلونة والريال والمانيونايتد ...ألخ

التاريخ الازرق · #13 21/01/2013, 11:43 AM

الجماهير فاهمه بس انت تقول هالادارة افضل من الادارت السابقة هذا غير صحيح
من كل النواحي حتى المالية اما البهرجه الاعلامية وانه جاب لاعبيين بمبالغ عاليه
هذه كثروا منها ..!!
الهلال كان معروف انه كاش وما يدخل في صفقة الا ويجيبها ...

مو لازم تقلل من الادارات السابقة عشان تمدح هالادارة ...!!

مسك الختام1 · #14 21/01/2013, 12:21 PM

مدرسه الهلال اين الموهب معقوله منتخب البراعم لايوجد فيه لاعب هلالي نفكر في الفريق الاول والاولمبي من 3 سنوات والشباب والناشين والبراعم لم نعد نشاهد حقيقيه كما في السابق

hilalicanada · #15 21/01/2013, 12:21 PM

إقتباس

الرسالة الأصلية كتبت بواسطة ChaRmiNG_


	واللي يقول ليت بندر بن محمد يرجع علشان الاسيويه واللي يقول محمد بن فيصل .. والله شفنا اداره بندر بن محمد ومحمد بن فيصل والله والنعم فيهم .. لكن اقسم بالله انهم لايملكون فكر ولا ماده مثل ماتملك هذي الاداره .. والنعم فيهم كلهم خدموا الزعيم

اخطيت في هذي.. قد لايملكون نفس القدره الماليه لعبد الرحمن بن مساعد.. لكن عندهم فكر افضل بمليون مرره... والادارة الحاليه لها المال بلا مخ وتفكير سليم... يعني اسراف بالفلوس.. واغلب الصفقات هدر للمال: يحيى الكعبي، فواز فلاته، هرماش، العربي، فيصل الجمعان، سعد الحارثي، يحيى المسلم، مانجان... بالله اي لاعم من ذولا جابلك كاس آسيا؟ ولا حتى دوري ماجابولك...

المبزره صدق هي القرقره من غير اثبات حكيك.. كن الناس اغبياء عشان تصدق كلامك