|
أفي الرياض غيررررر بسم الله الرحمن الرحيم السلام عليكم ورحمة الله وبركاته صراحة في مدينة الرياض الجميله وفعلا هي جميله ولكن يشوه منظرها اشياء هي من صنع بعض سكانها فلو تلاشت لاصبحت الرياض من افضل مدن العالم 1/ الحركه المروريه / فعلى الرغم من اتساع شوارعها التي تستوعب كل مافيها من سيارات الا ان المواطن ينزعج يوميا اثناء تنقلاته وخاصة كبار السن فقيادة المراهقين للسيارات متهوره جدا بدون اي داع حتى لو هو يسير فقط للترويح عن نفسه تجده لايطيق سياره تقف امامه في تقاطع ما وكأنه تعلم القياده واقسم الا يلمس الفرامل والا يفسح المجال لاحد (سواقة عباطه ) غير التفحيط فعندما تقود سيارتك وانت متجه لعملك او لقضاء حاجه وفسحت المجال لسيارة اخرى بالعبور من اجل تسير الحركه بسلام تجد سائق مراهق او اكبر قليلا من المراهق يعلق المنبه خلفك وحتى الاجانب صاروا يعملون ذلك من اجل يثيروا الفوضى قسما بالله انني لااستخدم منبه السياره الا للضرورة القصوى ...فمن المتعارف عليه ان المنبه لايستخدم ليلا وعند الدوائر الحكوميه ولكن هيهات حتى عند اشارة المرور مجرد تفتح تجد اغلب السائقين معلق المنبه لماذا؟ 2/ المدرسين الخصوصيين لم اجد الا في الرياض يطلبون الالاف من اجل 8 حصص شهريه فهل من المعقول مدرس رياضيات يدرس طالب ب2500ريال لشهر واحد ومعه طالب اخر ..8 حصص ب5000ريال لطالبين وكذلك بقية المواد العلميه ، فمن المتعارف عليه ان المدرس الخصوصي يدرس الطالب كامل المنهج في الفصل الدراسي كاملا ب500 ريال فقط ولكن في الرياض غيررررر 3/ الحلاقين الاتراك عندهم جشع ماهو طبيعي اتمنى من الشباب مقاطعتهم والذهاب للجنسيات الاخرى ممن يطلبون اسعارا معقوله هذا كله لايحدث الا في الرياض اما بقية المناطق لاتشاهد هذه الظواهر السيئه |
شدتني النقطه الاولى بكل امانه... زارني احد الاصدقاء من الرياض ووقفنا عند الاشاره وعندما شبت خضراء<< ماقدرت اترجمها للغه العربيه الفصحى... استغرب لعدم سماع اصوات المنبه من السيارات.... ويقول حنا بالرياض بعض المرات نطلق ابواق السيارات قبل ان تولع الاشاره الخضراء.. هع ٢/ المدرسين الخصوصيين عندنا تقريبا الماده ٢٠٠ ريال مبالغ هائله وارقام فلكيه بكل امانه... ٣/ الحلاقين حط عينگ على حلاق هندي يلطخ وجهگ في فيكس ويتم الزلط ولسنا بحاجة للاتراگ... سكين الهندي ولا موس الترگ.. هع هع تشكرااات ياملگ.. |
فعلآ المدرسين أصبحوا يستغلون حاجة بعض الآباء لإحضار مدرس لإبنه وخصوصآ إذا جبت المدرس متأخر ياخذ السعر دبل والحلاقين الأتراك لاقين الشباب يلعبون عليهم تصدق فهمت أغلب حركاتهم مع الشباب يجي يقوله بأسوي لك وأسوي لك وإذا قلت لأ يحاول يحرجك بطريقة معينة سواء يقول الفلوس ماتهم او يقول شيء ثاني في البداية صراحة كنت أنحرج من حركاتهم واوافق لكن في الأخير عرفت لهم صار اذا قال شيء وقلت لا ما ابيه وقعد يسوي حركاتهم ادخل في عينه واتكلم بكل جرأة وللمعلومية من واقع معايشتي لهم 85 % منهم يستحقر الشعب السعودي بشكل كبير |
اصلا الرياض بكبرها السواقه فيها تطفّش اما المدرسين الخصوصين لا والله بكل مكان هذي اسعارهم انا الحين اولى جامعه ومآخذ مدرس رياضيات الي هو درسني في الثانوي وللحين يدرس وكذلك مدرس الانجليزي حنّآ 5 الرياضات الواحد من 2000 والانقلش عندنا 3 مواد وكل ماده الف يعني على الوااحد 3 الاف هذا وااحنا مجموعه وحدهه بس يدرسنا كيف الباقين اعتقد دخله من الخصوصي بس في الترم الواحد غير التدريس ينافس رواتب الوزرآء هع وحنا تقريبا والله ماخذينا أكثر من 7 حصص في الترم وهذآ منّا مانآخذهه الا قبل الاختبارات الشهريه بيوم والنهآئيه بكم يوم |
بخصوص موضوع القياده كنت احمل المسؤليه للمرور لانها ماتنظم صح طلعت امريكا ورحت لمدينه كبيره تقارن بالرياض انصدمت ان شوارعهم مافيها ارصفه لكن مستحيل تلقى زحمه الا ساعه وحده اللي هي ٥ وقت الخروج من الدوام ووالزحمه ماتوصل انها يوقف السير لكن يهدئ ومستحيل تسمع بواري وازعاج مع ان نظام القياده عندهم مثل عندنا وبعدها عرفت ان الخلل فينا وفي قيادتنا ماهو في المرور او الشوارع ولو كل واحد يمشي في مساره وبدون مايطمر عالسيارات الثانيه ونستخدم الاشارات متاكد ١٠٠٪ ان قيادتنا بتتعدل سالفه المدرسين اتوقع انها صارت موضه وبحث عن الاسئله اكثر من انها باب للاجتهاد في الدراسه والحلاقين كلهم سوا لكن بعض الشباب يحب يروح عند الاتراك عشان يدلع ويحط له كريم وجل واخرتها يسلخه التركي بمبلغ وقدره وخوينا مبسوط يضحك والا كلهم سوا مقص ومشط وموس يازين حلاقي الهندي حلاقته زينه ونظيف لا احد يقول ريحته ومن ذا الكلام نظيف وشغله حلو واسعاره رخيصه |
إقتباس:
ماادري لايعلمون انهم عندما يتهورون في القياده فهم يكونوا على شفا حفرة الموت ومن يرتاد الطريق غيرهم ..............الله يهديهم لايمكن ان يتعظ احدهم الا عندما يتعرض لحادث ربما يجعله معاقا |
والله انك صادق نتمنى ان تتلاشى هذه الظواهر وخاصة قيادة (الملاقيف) ترى السيارات مزدحمه في شارع ما ويجيك مراهق داعس ومعلق البوري ولا عنده استعداد يتوقف .........حركه تقهر |
إقتباس:
|
باتكلم بنقطه المدرسين السنه اللي فاتت كان يجي مدرس رياضيات لاخوي مرتين بالأسبوع ب1300 ريال السنه هذي يقول حصه وحده بالأسبوع ب1500 |
إذا سمعتوا بواري كثيرة ترى هذا سواقنا :laugh: |
إقتباس:
. الله يهديهم بس شبابنا كلامك سليم من ظهر ساهر والأنظمة المرورية مهانة الى أخر درجة الاشارات تقطع السرعة المتهورة ومن أقصى اليمين الى أقصى اليسار دون مراعاة للآخرين الله يعينا على شعبنا بس والله يهديهم وشكرا لك .. |
| الوقت المعتمد في المنتدى بتوقيت جرينتش +3.
الوقت الان » 09:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd