بسم الله الرحمن الرحيم

السلام عليكم ورحمه الله وبركاته

اولا/ احب ابارك لكم صفقه السالم لو كانت صحيحه

ثانيه / حبيت اقول لبعض الجماهير اللي مب عاجبتها صفقه السالم
لو جا السالم بيضركم بشي؟ لاعب صندوق من الدرجه الاولى وان صار حبيس الدكه اهم شي تضمن انك لما تدخل لاعب انه ينشب بحلق المدافع وهذا اللي تبيه لان الكوري بيروح وياسر ووسلي اكيد بيتعبون

ثالثا/ لاحظت كثير من الاعضاء اللي توه متفعله عضوياتهم شغالين من تفعلت العضويات تنتيف بالاعبين وحش فيهم وكل واحد يبي لاعب يطلع من الهلال

رابعا / لدرجه ان بعضهم لم يكتفى بالاعبين بل توجهوا للمدرب والرئيس مباشره

خامسا/ بالنسبه للمدرب مب شرط انه ما استقر على تشكيله انه مب فاهم

فمثلا يوم يلعب مع نجران بخمسه دفاع بالحقيقه هم ثلاثه ؟
لان النامي والشهري متقدمين للوسط عشان يقفلون ع الاظهره
^
تحليل بسيط فقط

المدرب يلعب على مفاتيح لعب خصمه يقفل المفاتيح ويلعب براحته

يكفي اننا اقوى هجوم واقوى دفاع

سادسا / بحكم اني جبت طاري الدفاع اكيد بيخطر ببالكم قلبي الدفاع المرشدي ومانقان ماشاء الله تبونهم يروحون ومافيه بديل؟
ناس تبي تفاريس وناس تقول تفاريس عجوز؟
ناس تقول اسامه هوساوي ليه فرطوا به ؟
بالنسبه لهوساوي هو ما يبي الهلال ووقع للاهلي باقل من الهلال لان اهله قريبين بحكم انه بجده واهله بمكه
نرجع للمرشدي لاعب من خامه مميزه بس تحاامل الجمهور على اخطائه اكيد واحد بتقول له فاشل ولا تشجعه مثل باقي الاعبين وشلون بيبدع ؟؟
ومانقان اول ما جا حمله كبيره تبي تبعده عن النادي بس ماعمر احد تابع له مقاطع باليوتيوب او مبارايات سابقه مع ناديه ؟
مدافع من الدرجه الاولى يعني زين انه بفريقنا

سابعا / بالنسبه لعبدالرحمن بن مساعد اول اربع سنوات دفع 500 مليون ولسى عنده المزيد لخدمه الهلال لو ماعنده ما جدد

بس حبيت اقول انتم كجماهير لما تبون تنقدون انقدوا للاصلاح وليس للهدم
يعني لو راح ابن مساعد والمرشدي ومانقان وهرماش بيقلب الهلال برشلونه ؟

واحب اكرر للمره الالف كونوا ضد المتعاونين الذين يحاولون اسقاط هلالكم بكم كثيرا ماتغنوا بقوة الاعلام الهلالي ودائما كل من اراد الاسائه للهلال يجد الجمهور في وجهه ولكن بقدرت قادر وكثرت التفعيلات الجديده صار جمهور الهلال ضد الهلال نفسه ركزو على اللي توهم مسجلين وشوفوا المواضيع وتعرفون وش اللي اقصده بالعنوان

قسسم اني ضيعت الكلمه السريه وبالموت رجعت العضويه بس عشان اللي مسجله توهم ومشاركاتهم للاطاحه بالهلال اتمنى من المشرفين الاهتمام بمواضيعهم بحذف عضوياتهم وليس بالتنبيه لان اخطر شي ان الجمهور يقلبون ع النادي

وبالنسبه للي يقولون مع كل صفقه مع هالاعب ما راح نجيب اسياء لو كانت اسياء حلم والعالميه ييتغنى بها الغير فانا لا اريدها لاني اعشق الزعيم واحب الهلال وهذا هو الاهم الزعيم اهم من اي بطوله كانت

ارجوا من الجماهير الهلاليه الدعم بالحضور كما في السابق وترك الاداره تعمل شسمه ادعوا لي