Fantasy Premier League للموسم الجديد : 2012 - 2013 ..
السلامُ عليكم ورحمة الله وبركاته 
.. لعبة : Fantasy Premier League طريقة اللعبة :
اللعبة هي إنّك تكون مدرّب لفريق مكوّن من 15 لاعب من مختلف الأندية في البريمر ليغ ، وتضمّ حارسين و5 مدافعين
ومثلها في الوسط وأخيراً 3 مهاجمين ، بالإضافة إلى أنك تمتلك في البداية مبلغ 100 مليون لاختيار اللاعبين
هؤلاء اللاعبين اللي تم إختيارهم يجلبون لك النّقاط وطريقة اللعبة هي تجمع نقاط والشخص اللي يوصل لأكبر عدد يعتبر
الفائز وطبعا توجد جوائر تقدمها الشركة للفائزين تقدمها عن طريق الصندوق البريدي وراح أوضّح هالشيء ..
شرّح اللعبة : أولا الدخول لرابط اللعبة : هنا 
.. بعد الدخول نسجّل في اللعبةعن طريق الضغط على كلمة sign up في الصورة ..
بعد الضغط راح تظهر لنا الصفحة بهالشكل
^ نعبّي البيانات الموجودة وأتوقّع مايحتاج ترّجمة للكلام ، كلّ شيء واضح بس يمكن آخر حاجة مايفهمها البعض والمقصود هو : الرمز البريدي وضروري جدّاً يكون عندك رمز بريدي لأنه في حالة كنت من الفائزين فسيكون الرمز البريدي هو الطريقة لإيصال الجائزة لك وأنت في بيتك إذا خلّصت من تعبئة البيانات إضغط على NEXT ..^
الان إختر ناديك اللي تشجّعه وبعدها إضغط على NEXT في الأسفل ..
^
أشرّ على المربعين بعلامة صحّ وبعدها ضغط NEXT [ ماهو إجباري تأشّر عليها ] ..
^
أيضاً أشرّ على الثلاث ملاحظات بالصحّ ثم إضغط على NEXT [ ماهو إجباري تأشّر عليها ] ..
^
طبعا هذي عبارة عن عدّة شركات توافيك بآخر أخبار الدوري إختر أي شركة تبغاها وطبعها
هالشيء ماهو إجباري خصوصاً إنها بتسبب لك قرّوشه ، وبعدها إختر NEXT ..
^
طبّعا هذي الموافقة على الشروط ، أشّر عليها ثم إضغط على Submit..
^
هذي رسالة ، إذا شفتها مباشرة روح لإيميلك وبتلقاهم مرسلين لك رسالة بهالشكل ..
^
إضغط على Active your account ..
^
إذا جتك هالرسالة ، فمعناها وبحمد الله تم إشتراكك في اللعبة ثم إضغط على المربّع الأسود واللي راح ينقلك إلى رابط الموقع لتسجيل الدخول ..
^
إدخل اليوزر نيم والمقصود به الأيميل ، ثم كلمة السرّ وإضغط على المربّع الأحمر ..
^
زيّ ماهو موضّح إضغط على الخيار اللي مؤشر عليه بالسهم ..
^
^
الآن زبدة الموضوع ألا وهي التشكيلة اللي بتختارها ، طبعا السهم الأحمر يعني قيمة المبلغ اللي معك واللي هو 100 مليون
وتختار بهالمبلغ 15 لاعب شرط قيمتهم ككل ماتتعدى الـ 100 أمّا السهم الأخضر يعني عدد اللاعبين واللي لازم تكون 15
اما المستطيل الاخضر هي الطريقة اللي بتختار بها اللاعبين ..
على اليمين فيه جدول يضمّ أسماء اللاعبين وكل لاعبهم له قيمته فمثلا أول لاعب في قائمة Golakeepers هو الحارس
هارت وقيمته 7 مليون فيعني لو إخترته في فريقك فراح تلاحظ إن قيمة ال 100 مليون تقلّصت إلى 93 وبهالطريقة تختار
اللاعبين حتى تنتهي ..
الآن بشرح لكم كيف طريقة الاختيار ..
طبعا مثل ماذكرت بأوّل الموضوع .. التشكيلة عبارة عن :: حارسين ، 5 مدافعين ، 5 لاعبين في الوسط ، 3 مهاجمين
لو جينا بنختار اللاعبين ، نروح يمّ القميص اللي عليه علامة + ونضغط عليه فمثلاً لو رحنا لأقمصة الحرّاس أول شيء
وضغطنا عليها راح يجينا جدول على اليمين فيه الحرّاس إختر اللي الحرّاس اللي تبيهم والاختيار يتمّ بعناية يعني مايجي
شخص ويختار مثلا الحرّاس تشيك وهارت سوى لانها بتأثر عليك أولا في المبلغ وثانيا لازم واحد أساسي والآخر إحتياطي
يعني نقاط الحرّاس اللي بياخذوها فقط راح تجيك نقاط الحارس الأساسي أما الاحتياطي فما راح تتحصلّ عليها إطلاقا .
الطريقة السليمة ، تختار حارس قوي وأساسي مثل هارت أو تشيك أما الحارس الثاني فاختار حارس إحتياطي وقيمته
قليلة كحارس نوريتش سيتي إذا خلّصت من الحرّاس إنتقل مباشرة للدفاع وإختر 5 لاعبين ونفس الشيء تروح للقميص
وتضغط عليه ، ثم يجيك جدول على اليمين بأسماء لاعبي الدفاع إختر المناسبين لك ونفس الطريقة في لاعبي الوسط
والهجوم ..
ملاحظة مهمّة وذكرتها في بداية الموضوع وهي : لايسمح لك بإختيار أكثر من 3 لاعبين
من الفريق الواحد ..
^ بعد ماتنتهي من إختار التشكيلة إختر إسم لفريقك كما هو موضّح بالصورة أعلاه ثم اشرّ على المربع وأخيرا إضغط على المربّع الأسود ..^
طبعا هذا مثال للتشكيلة فبعد ماتضغط على المربع الأسود بتجيك التشكيلة بهالشكل أو آخر
وزي ماهو موضّح يوجد : 11 لاعب أساسي و4 لاعبين إحتياط ..
ولطريقة إستبدال اللاعب الأحتياطي بالأساسي فقط أشرّ على أي لاعب إحتياطي تبيه
وحرّك الفاره إلى اللاعب الأساسي اللي ناوي تطلّعه ..
^
بعد ماتخلّص من إختيار اللاعبين الأساسيين والإحتياطيين ، تلقى بالأسفل مثل هالمربّع أول خيار يعني الكابتن
والثاني نائب الكابتن إختر اللي تبيه وإضغط على المربع ، وبكذا يكون إنتهيت من إختيار تشكيلتك ولله الحمد
وتنتظر فقط بداية الجولة القادمة ..
طريقة تغيير التشكيلة :
بعد أختيارك التشكيلة واللاعبين الأساسيين والاحتياطيين بإمكانك أيضا تغيير التشكيلة فطبعاً تلقائيا ستكون التشكيلة هي 4-4-2 وطريقة
تغييرها : مثلا لو أردت أن تلعب ب3 مدافعين و5 لاعبين بالوسط ، تذهب إلى لاعب الوسط الإحتياطي ثم تضغط عليه وتحرّكه بالفاره بدل
المدافع اللي تبي تخليه إحتياطي وبكذا تتغير التشكيلة وبنفس الطريقة لو بغيت 3 مهاجمين 3 وسط أدخل المهاجم الاحتياطي بدل لاعب من
الوسط ، وهكذا ..
ملاحظات :
كل بعد إنتهاء جولة يُسمح لك بتبديل واحد فقط مجاني أكثر من ذلك يتم خصم 4 نقاط عن كل لاعب اخر ، ويكون
التبديل بلاعب من نفس القيمة أي لاعب قيمته 8 مليون أردت إستبداله تستبدله بلاعب قيمته 8 مليون والتبديلات
الآن مفتوحة إلى قبل بداية مباريات الجولة الاولى يوم السبت ومجانيّة ، إذا بدأ الدوري غير مسموح لك بإجراء أي
تبديل نهائيا وبعد انتهاء الجولة مسموح لك بتبديل لاعب واحد ، أيضا توجد بطاقة تسمّى ب Wild Card هالبطاقة
تُمنح لكل مشّترك مرّتان في الموسم في فترة تسمّى ب BOXING DAY البطاقة تسّمح لك بإجراء التبديلات مجّانيّة
وتستخدمها فقط في فترة البوكسينغ داي وإذا مااستخدمتها بتروح عليك ..
طبعا ما أنسى طريقة التبديل ، يعني أي شخص يمكن يبي يغيّر تشكيلته اللي اختارها فهذي هي الطريقة :
نروح لكلمة : TRANSFERS كما في الصورة تحت ..
نروح للاعب اللي تبي تلغيه من التشكيلة ، فمثلا عندنا حارس وبغينى نستبدله نروح للحارس كما في الصورة تحت :
^
ونضغط على المربع الأصفر وبكذا يكون الحارس خرج من التشكيلة ونستبدله بحارس آخر ، ومثل ماذكرت الآن وقبل بداية الدوري
مسموح لك تجري تغييرات بالتشكيلة ولو أردت التشكيلة كاملة ولكن مع بداية الدوري بيختلف الوضع ويكون التبديل فقط بعد نهاية
كلّ جولة وبلاعب واحد فقط وإذا أردت إستبدال أكثر من لاعب فراح يتم خصم 4 نقاط عن كل لاعب ..
طريقة حسب النقاط :
أي لاعب يلعب في المبارة ياخذ نقطة
أي لاعب يلعب اكثر من 60 دقيقة وشارك اساسي ياخذ نقطتين
أي هدف يسجّله حارس أو مدافع ياخذ 6 نقاط أما الوسط ياخذ 5 نقاط وأخيرا الهجوم ب 4 نقاط
أي لاعب يصنع هدف ياخذ 3 نقاط
أي مدافع أو حارس يلعب أساسي ولأكثر من 60 دقيقة وماسجلوا عليه هدف ياخذ : 4 نقاط
أي حارس يصدّ 3 كرات ياخذ نقطة وإذا صدّ بلنتي ياخذ 5 نقاط
إذا سُجل هدفان على الحارس والمدافع تنقص منه نقطه
اللاعب إذا ضيّع بلنتي تنقص منه نقطتين
أي لاعب ياخذ كرت أصفر تنقص منه نقطة والاحمر تنقص منه 3 نقاط
مهمّ : كابتن الفريق تتضاعف نقاطه ، فمثلاً إذا كان الكابتن هو واين روني واستطاع أن يحرز في جولةً ما 10 نقاط عن طريق تسجيله
لهدفين كلاً منهما بأربع نقاط ونقطتين لمشاركته أساسيّا لأكثر من 60 دقيقة فحينها ستصبح نقاطه 10 ولكن بحكم إنه الكابتن فتتضاعف
النقاط إلى 20 والأمر ينطبق على نائب الكابتن ولكن هذا يحدث في حالة إذا كان الكابتن لم يلعب الجولة ..
دوري الهلاليين :
يوجد دوري خآص لأعضاء المنتدى ، والدوري تم إنشاءه من كم سنة والشكر موصول
للأخ RoMa4eVeR اللي عطانا الكود الخاص بالشبكة ..
الكود : 883608-378078
طريقة إضافة الكود والإنضمام لدوري الشّبكة :
في النهاية أتمنى يكون الشرح واضح وكافي للجميع .. 
21Likes
الوضع العادي
