تسلم يمينك على هالموضوع الي يعلم الله يتكلم بمآ في صدور المشجعين وانا واحد منهم

بس اختلف معك بنقطه حتى هالنقطه سمعتها في تصريحات الامير عبدالرحمن بن مساعد . ان المدرب اذا تغير وسط الموسم يكون ضرر على الفريق . باقي على يناير حوالي عشره ايام يمدي المدرب الجديد جاء وحط في اعتباره الاجانب الي يبيهم من الاجانب الي بيرحلون . والشي الثاني المدرب يكون ضرر ذهابه وسط الموسم اذا كان مدرب كفو مو مدرب تخبطات ومدرب مايدري وش يسوي اصلا .. الزعيم يبيله مدرب لو له لمسه بسيطه فنيه مو مثل كومبواريه ماعنده اي حس تدريبي ... الله يستر على نور المترجم عز الله قالها انه سبب الانتصارات للهلال المتتاليه كانت تحت اشرافي وكذبناه وصدقنا الاداره ان كومبواريه ورى كل هذا .....

كلممممه اخيره ياادارة الزعيم ولاراح اضيف على اخوي الي كاتب الموضوع لاكن عندي كلمه .... تبغون المدرجات ترجع .. رجعو هيبة الزعيم في الملعب عشان جمهوره يستمتع ... و الا استقيلو واخذو كومبواريه في طريقكم..

اوووووف والله طفشت كل مباراه يدي على قلبي من هالغبي كومبواريه.

والسلام ختام

يقول الامير عبدالرحمن بن مساعد اني مشيت على عاطفة الجمهور العام الماضي واقلنا تومس دول .... بسئل سؤال واحد ياسمو الامير بعد مأقلتو تومس دول مو الهلال رجع وحقق كاس ولي العهد ... مو الهلال رجع وجاء الثالث بالدوري وتأهل لدوري ابطال اسيا... مو الهلال تصدر مجموعته في دوري ابطال اسيا وتأهل لدور الـ16 وقابل بني ياس وفاز بنتيجه ساحقه قوامها سبعة اهداف وتأهل لدور الثمانيه .. بالله وش تبي اكثر من كذا .

وأبي اذكرك بحاجه ثانيه اشوفكم ماتتكلمون فيها يوم راح جريتس مو جاء كالديرون في نص الموسم .. وحققنا كاس ولي العهد بنتيجه ساحقه على الوحده .. موب تأهلنا لدور الـ16 في دوري ابطال اسيا .. مو حققنا الدوري ...؟؟؟

منتخب البرازيل في كأس العالم 2002 أقال مدربه وعين سكولاري في ثالث مباراه وحقق كاس العالم هـل أضرة بالمنتخب ان المدرب الي مسوي لهم اعداد ومختار اللاعبين أقيل.....؟ بالعكس حصدو كاس العالم وتغيرة نفسية اللاعبين...

أبي اجيب لكم مثال على نادي الاتحاد السعودي في مباراته النهائيه الذهاب مع الفريق الكوري كان يدربه مدرب مايحضرني اسمه وانهم الاتحاد في جده مباراة الذهاب ثلاثه واحد وفي الاياب تغير المدرب وفاز الاتحاد خمسه صفر..؟

نذكر العام الماضي يوم الاتحاد كان يدربه المدرب السلوفاكي بعد مااقاله جاب مدرب يعرف الفريق الي هو ديمتري وأهلهم للمباراه النهائيه في كاس الملك وفاز على الهلال في دور الـ16 في دوري ابطال اسيا وفي ذهاب كاس الملك وكلها بنفس النتيجه ثلاثه اهداف.... ووصل مع ديمتري الي نصف نهائي دوري ابطال اسيا.

مو شرط يكون المدرب جديد على الفريق . نبي مدرب يعرف الفريق نبي مدرب يصحي الفريق من غيبوبه اسمها كومبواريه.

الرسالة الأصلية كتبت بواسطة الظــاهـرة (مشاركة 20970620) الغالي .. Mr.Khalid قبل .. ثق أن رأيك له نفس المساحة للرأي الذي طرحتـــه فما أظنه صوابا قد يكون خطأ والعكس كذلك وما أود أن تعرفه أننـــا لا نتحدث عن لقطات أو دقائق في مباراة عابرة ولو فعلنا ذلك لكنـــا كمن أمسك ملقاط يختار ما يناسبه لينتصر لرأيه ومثلك حتما يدرك أن ذلك هوى نفس لن يفيد ولن يخرج من رحمه علاج يصح من بعده الجسد .. بل دعني اكون أكثر شفافية معك لا أظن أننا سنحتاج للملقاط لأن السيد كومبوارية جعلنا نستغني عنه بفضل فلسفته التي قلبت هلالنا رأسا على عقب ..!! فمن تشاهده اليوم ظهيرا .. غدا ستراه قلب( الزوري ) .. وما تراه محوارا .. حتما ستشاهده صانع لعب ( الهرماش ) بل ان الظهير سيكون لاعب وسط ( الشهراني ) بل لا تستغرب حين تشاهد ثلاثة قلوب حين يعجز عن فك شفرة المنافس ليبدأ بالتخبيص .. ومثلها ثلاثة روس حربة .. بل ان نامي الذي لم يكن مقنعا في الظهير جعلنا نراه وسط .. أما الفرج فحكاية خاصة تحتاج الى وقت لسردها .. وكله كوم وإن الشلهوب يكون محور لأني عجزت أهضمها وأنا أخوك ..! ما اقصده أن الشيء إذا زاد عن حده أنقلب الى ضده وهو ما يفعله المدرب بكل تفنن .. يا رجل ليتك تأخذ جولة على جميع الأندية العالمية التي يقرص فيها إذن المدرب حين يشطح عن الاستراتيجيات التي وضعت للفريق .. وبعد أن تنتهي من جولتك ليت تخبرني من منها فعل ما فعله الداهية ( كومبواريه ) ..!! أما إن سألت عن السبب فهو عند الفتح وهو مثال شافي وكافي بل إن منتخب الكويت في الثمانينات ومنتصف السبعينات نموذج شاهق لمن يبحث عن هوية .. اما المطرسة فلاشك أن طيب الذكر الفرنسي مثال حي ..!! عموما كم تمنيت أن أكون مخطئا .. ويخرج غدا هلالا يشع متعة .. وفي كل مباراة نرى اسماء تخرج واسماء تدخل .. ولكن ومن رؤية شخصية ( محال ) إلا أذا ركد البرنس شوي .. والله اعلم وأحكم ..!! كن دوما هنا فكم يسعدنا ذلك أخي خالد:rose: .