|
رســاله مهمه لجمهــور الهـــلال يجب قراءتها السـلام عليكم ورحمة الله وبركاته.. بـدايه هـل هذا الجمهور غير قـادر على تحفيز اللاعبين الي الرجوع ومواصلة الانتصارات .؟؟ تبقى الأجابه عند الزعماء الأوفياء << اتمنى التركيز على هالكلمه كلمه مني انا الي جماهير الهلال وإن شاء الله الكل يفهما بدون تعصب الكل منا رأي مباراه الفتح ليله البارحه واغلبيه الجمهور اتفق على أن الفتح يستاهل الفوز وفعلاً يستاهل الفوز وسبب الخساره يتحملها المدرب بشكل كبير ثم اللاعبين الي يلعبون بدون روح واعترف بعض اللاعبين بعدم وجود الروح . نسبة ضغط الاعلام والجمهور لفريق الهلال 95% نسبة ضغط الاعلام والجمهور لفريق الفتح 20% على فكره رسالة وعتب الجماهير وصلة الي رئيس النادي بمحاسبة المدرب سبب الخساره الي ابي اوصله ورسالتي لجمهور الزعيم الأن الفرق بينا وبين متصدر الدوري نقطه واحد هـ هل تريدون مسانده اللاعبين وتفحيزهم ام العتب عليهم و أنتقادهم الي نهاية الموسم ويواصل اللاعبين المشوار بخسائر تبعده عن المنافسات .؟؟؟؟ علينا الوقوف الي فتره التسجيل وان شاء الله نشوف احتياجات الفريق الواضحه للجمهور الكل يرى الأن الاعلامين والصحف ضد النادي ونقدهـ انه الهلال ضعيف وفيه مافيه من الكلام الي يهبط معنويات اللاعبين هل انتم في صف اللاعبين ام صف الاعلامين ضد النادي الكلام كثير وحبيت اني اكتب هالرساله واتمنى انها توصل للأوفياء توصل للزعماء توصل الي مع الفريق في الخساره قبل الفوز وليس فقط جمهور الفوز برأيكم ياجماهير فريق يقدم عشر مباريات اداء مميز ويحصد النقاط ويخسر مباراه هل نوقف ضده ويجي احد الجماهير الملعوب عليه ويقول غيروا المدرب وغيروا الاجانب في هذا الوقت .؟؟ وفرق في وسط الترتيب وينافسون فقط منافسه انهم يحصلون على الاربعه الاوائل لكي يحجزون مقعد للأسيويه الموسم القادم وجمهور يساندهـ ختاماً الجمهور الوافي والذي لديه عقليه متفهمه ويفكر في مصلحة ناديه بدون تعصب وتسرع في مواضيعه الغير هادفه راح يساند فريقه وأما الجمهور المغلوب على أمره ويسمع من الاعلامين والصحف راح يقف ضد ناديه وياليت هالفئه انها تقارن ويركز على الاعلامين اذا فاز الهلال راح يقلون الهلال فاز بسب مدرب الفريق مقابل او اي شي اهم شي انه الهلال فاز بضعف وعدم تكتيك الخصم تعديل لاتنسون يازعماء في الي نزل في الصحف اليوم من الاساءه فهذا اكبر دليل ان الاداره والاعبين محتاجينكم وهذا لكم فائق احترامي :rose: |
شـكراً على الـرفع ...................... |
بآذن آلله آلزعيم يرجع لآنتصآرآته , موضوع جميل .. يعطيك العآفيه |
كلام جميل واعتقد إن المدرب يتحمل المسؤلية مناصفة مع اللاعبين الفريق لم يظهر بمستوى يشفع له ولو على الاقل بالتعادل كان سيء ويستحق الخسارة بالـتأكيد وإن شاء الله يتحسن المستوى في قادم المباريات يعطيك العافية:rose::rose: |
عبداللطيف الغنام مع <s>#</s>الهلال في الدوري السعودي آخر أربع مواسم https://pbs.twimg.com/media/A-JRpbMCMAAKbNp.jpg هذا مثال بسيط للاعبين اللي ما نستفيد منهم بالمباريات ومعاه حسن خيرات ياليت يسوون له احصائيات لانه مثل الغنام قليل مشاركة بسبب الاصابات حسن خيرات + عبداللطيف الغنام .. تنسيق برا النادي , اصابات وعدم استفادة منهم في بطولات النفس القصير مثل ( كأس ولي العهد و كأس الملك و آسيا ) نحتاج لبدلاء جاهزين بسبب كثرة الاصابات أو الايقافات بالكروت الصفراء أو الحمراء |
أهم خانتين هي : الدفاع + المحور الدفاعي .. لان اللاعبين بالخانتين هذه معرضين للغياب عن المباريات بسبب الاصابات بسبب الالتحامات الجسدية + الايقافات بسبب الكروت لازم يكون فيه بدلاء جاهزين في هالخانتين |
وعليكم السلام اضف الى ذلك المتصدر ذو مستوى متذبذب وعندهم مباراة رايح جاي مع الاهلي ومباراة مع الشباب الخ والهلال كبوة جواد وإن شاء الله بتعدي لاعد مناك يا غالي |
إقتباس:
بأذن الله بوقفتنا مع الزعيم راح يعرفون ان الزعيم ماله حل تشرفت بمرورك للموضوع اخوي:rose: |
إقتباس:
أن شاء الله مافي فريق ويحصله دروب فهل اذا حصل للزعيم ان نوقف ضده الا بالعكس نوقف معه ويرجع للمنافسه والزعيم قادر ان شاء الله وبعد توفيق الله راجع الف شكر لك اخوي مرورك العطر:rose: |
إقتباس:
أخوي سؤال لك هل كثرة النقد في وقت الحالي وأمامك مبارتين مهمه وبعدها فتره التوقف تشوف انها مناسبه .؟؟؟ لو نترك الانتقاد الي فتره التوقف والوقوف مع النادي الان يكون افضل شاكر لك مرورك العطر :rose: |
إقتباس:
طيب اخوي واذا الاغلبيه الاغلبيه اتففوا ان الزعيم محتاج صانع لعب ومحور دفاعي ماذا تقول انت الخلل واضح وان شاء الله وان شاء الله تنحل في يناير ولاتنسى بعد ان الاستقرار له ايجابيات مثل الفتح شوف كيف استقراره بجهاز فني ولاعبين وشوف النتايج بس كل هالكلام مانبيه الا فتره يناير وفيها الف حلال الان الزعيم محتاج وقفة جمهوره والتصدي الي يحرضون الجماهير على النادي لكي يواصل اخفاقاته |
إقتباس:
كثيره المباريات أمامه وانا من وجهة نظري وقريتها بصراحه من عده محللين ان الفتح راح يتعطل من الفرق الوسطى لانهم يلعبون نفس طريقة الفتح اتوقع المشوار طويل وان شاء الله الزعيم راجع بوقفة جماهيره مع ناديه |
لا تعليق انا بنسبه لي الحضور في الملعب وباقي نفس الاجانب اسف جدا جدا احسن اشوفها في البيت او في منتزه لنه صار الهلال مصخره وفاشل بهذا المستوي !!!! |
إقتباس:
تبقى وجهة نظرك اخوي هلالي بجيك على ماتبيه اخوي هلالي اذا كان الفريق يمشي في الدوري ويحصد النقاط وبينه وبين متصدر الدوري نقطه واحد هذا فريق فاشل ..؟؟؟ اذا فريق هزم الاتحاد والنصر والشباب والأهلي نقول عنه فريق فاشل .؟؟؟ للمعلوميه اخوي هلالي اذا كنت تجهلها ان حصد النقاط في الدوري لاحظ الدوري أهم من المستوى داخل الملعب فريقي يحصد النقاط مهما كان المستوى حقق المطلوب ... سؤال لك ان الهلال يبدع في الملعب مستوى عااااالي يعني بشكل ماتتصور و يخسر النقاط الثلاث ام ان الهلال يقدم مباراه عاديه ويحصد النقاط الثلاث في النهايه . ماذا تريد الهلال الاول ولا الثاني ..؟ عطرت متصفحي بمرورك ي الغلا:rose: |
باذن الله تتعدل امور الزعيم في قادم الايام باذن الله تعالى لكي يعود عشاق الكيان الازرق والجمهور الازرق لتحفيز وتشجيع فريقها المتعطش لهتافات الجماهير بكثافة . يعطيك العافية |
| الوقت المعتمد في المنتدى بتوقيت جرينتش +3.
الوقت الان » 02:32 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd