وش تـسـوي لـو ؟!!! أسئلة للأعضاء الفاعلين - نادي الهلال السعودي - شبكة الزعيم

الحاتمي · #1 27/04/2003, 08:38 AM

1 / انقطع الماء عنك وانت قاعد تتروش , و توك حاط الشامبو.... ( وش تسوي ؟!! )

2 / انت قاعد على عشاء في عزيمة , وما تعرف ولا واحد فيهم , وكل الأكل الل تموت فيه بعيد عنك ,
والأكل اللي ما تبيه أبد قريب منك ...( وش تسوي ؟!! )

3 / في نفس العزيمة , غصيت .. واكتشفت انهم ناسين المويه والمرطبات ...( وش تسوي ؟!! )

4 / عندك اختبار نهائي , و مذاكر المادة تمام وبتجيب درجة حلوة .. ويوم وزعوا ورق الأسئلة ,,
طلع اختبار مادة ثانية .....( وش تسوي ؟!! )

5 / انت حكم مباراة الهلال والنثر في مباراة نهائية ..وحسبت بلنتي غير صحيح للهلال في آخر دقيقة
وسجل الهلال وفاز .. بعد المباراة رحت لبيتكم , واكتشفت ان جاركم عبدالرحمن بن سعود!! ...( وش تسوي ؟!! )

( تحذير حكومي )

حل الأسئلة السابقة سبب رئيسي في أمراض العقل والعيون , ننصحك بالامتناع عنها

الكنز نواف · #2 27/04/2003, 08:56 AM

إقتباس


	وش تـسـوي لـو ؟!!! أسئلة للأعضاء الفاعلين

أجل انا مو منهم

إقتباس


	حل الأسئلة السابقة سبب رئيسي في أمراض العقل والعيون , ننصحك بالامتناع عنها

وانا ابسمع نصيحتك

وماراح اجاوب

تحياتي لك أخوي الحاتمي

بس اما جاري عبد الرحمن بن سعووود

الله يعين على سهل كم شهر في بيتهم

سهل ولا الرمز

وبليا زعل

غروده · #3 27/04/2003, 09:15 AM

انقطع الماء عنك وانت قاعد تتروش , و توك حاط الشامبو.... ( وش تسوي ؟!! )

عـادي أتسبح بـببسي

/ في نفس العزيمة , غصيت .. واكتشفت انهم ناسين المويه والمرطبات ...( وش تسوي ؟!! )

أبلع ريقـي يعني وش بسوي

/ عندك اختبار نهائي , و مذاكر المادة تمام وبتجيب درجة حلوة .. ويوم وزعوا ورق الأسئلة ,,
طلع اختبار مادة ثانية .....( وش تسوي ؟!! )

أفـرم ملوخيــه بالكلاس

الزززززبده ,,,

غروده

مرت من هنـــا

yazeed_9 · #4 27/04/2003, 09:32 AM

[ALIGN=CENTER]هـلا بـ مـر من هـنـا

إقتباس


	1 / انقطع الماء عنك وانت قاعد تتروش , و توك حاط الشامبو.... ( وش تسوي ؟!! )

وش دراك أنـهـا قـد صـارت معـي

يالله خـذهـا ,, مــرة نفـس الكـلام ... ويـوم أنقطع المـاء

مـاكـان بـالبيـت أحــد ... وأجيـك ألـف الفـوطـة .. وأنــزل للمسبـح

وأبـربــس راســي فيـه .. ليـن راح الشـامبـو

وبعــدهــا سبحـان الله .. رجـع الـمـاء

إقتباس


	/ انت قاعد على عشاء في عزيمة , وما تعرف ولا واحد فيهم , وكل الأكل الل تموت فيه بعيد عنك , والأكل اللي ما تبيه أبد قريب منك ...( وش تسوي ؟!! )

أيـضــاً صــارت معــي ... وبـكـل بسـاطـة

خلصـت متعشـي معهـم ,, وطلـعـت للمطعــم

... وطيحـت إلـي في راسـي

إقتباس


	/ في نفس العزيمة , غصيت .. واكتشفت انهم ناسين المويه والمرطبات ...( وش تسوي ؟!! )

لا هـذي عـاد مـاصـارت ... بس وش فيـهـا

أقــرب مـغـسـلـة ...

إقتباس


	/ عندك اختبار نهائي , و مذاكر المادة تمام وبتجيب درجة حلوة .. ويوم وزعوا ورق الأسئلة ,, طلع اختبار مادة ثانية .....( وش تسوي ؟!! )

لا تـعـلـيـق

إقتباس


	/ انت حكم مباراة الهلال والنثر في مباراة نهائية ..وحسبت بلنتي غير صحيح للهلال في آخر دقيقة وسجل الهلال وفاز .. بعد المباراة رحت لبيتكم , واكتشفت ان جاركم عبدالرحمن بن سعود!! ...( وش تسوي ؟!! )

أعـلـى مـافـي حمـارة ... يــركبـة

ومشكــور يـاواد

[/ALIGN]

شهدالدلوعه · #5 27/04/2003, 10:04 AM

[ALIGN=CENTER]1 / انقطع الماء عنك وانت قاعد تتروش , و توك حاط الشامبو.... ( وش تسوي ؟!! )

أنتظر لحد ماتفتح المويه

;)

2 / انت قاعد على عشاء في عزيمة , وما تعرف ولا واحد فيهم , وكل الأكل الل تموت فيه بعيد عنك ,
والأكل اللي ما تبيه أبد قريب منك ...( وش تسوي ؟!! )

يمدحون العشاء الخفيف...;) بالعربي مو لازم آآآآكــــل

3 / في نفس العزيمة , غصيت .. واكتشفت انهم ناسين المويه والمرطبات ...( وش تسوي ؟!! )

أطمر وأدور على مويه

أجل تبيني أمووووت

4 / عندك اختبار نهائي , و مذاكر المادة تمام وبتجيب درجة حلوة .. ويوم وزعوا ورق الأسئلة ,,
طلع اختبار مادة ثانية .....( وش تسوي ؟!! )

أسلم أمري لله....

الدنيا يوم لنا ويوم علينا...;)

5 / انت حكم مباراة الهلال والنثر في مباراة نهائية ..وحسبت بلنتي غير صحيح للهلال في آخر دقيقة
وسجل الهلال وفاز .. بعد المباراة رحت لبيتكم , واكتشفت ان جاركم عبدالرحمن بن سعود!! ...( وش تسوي ؟!! )

الله لايقووووله....;);)

( تحذير حكومي )

حل الأسئلة السابقة سبب رئيسي في أمراض العقل والعيون , ننصحك بالامتناع عنها

وانت الصادق تحذير حــــــاتمي...

يسلموووو وربي يعطيك الـــ 1000 ــــف عافيه..

[/ALIGN]

سهل · #6 27/04/2003, 10:24 AM

سهل مر من هنا ,,,, ووده يشارك

بس يحب يعامل الناس كما يعاملوه

تحياتي للحاتمي ;)

abu_riman · #7 27/04/2003, 12:05 PM

الله من زين الأسئلة !!!

يبي لي أجرب أول ! خل أجرب و أشوف و أعلمك ..

أكيد الحاتمي نزل موضوع ؟؟!!

لحّاق كور · #8 27/04/2003, 04:02 PM

احم..
اكيد انكم تحترون اجاباتي..اسف للتاخير

1 / انقطع الماء عنك وانت قاعد تتروش , و توك حاط الشامبو.... ( وش تسوي ؟!! )

-والله ياحبيبي ..احب اقولك اني شخص عايش على شواطيء ميامي انشهد بطلع عليهم واقول..من طفا النور؟؟ من طفااا النور؟؟

2 / انت قاعد على عشاء في عزيمة , وما تعرف ولا واحد فيهم , وكل الأكل الل تموت فيه بعيد عنك ,
والأكل اللي ما تبيه أبد قريب منك ...( وش تسوي ؟!! )

-ياخوي هنا يجي حُسن التصرف..الاكل اللي ماابيه اخذ منه واعطي للاشخاص اللي عندهم الاكل اللي ابيه واكثر لهم على بال امي شخص اجودي..عاد هم بيبادلونك اطباقهم..

3 / في نفس العزيمة , غصيت .. واكتشفت انهم ناسين المويه والمرطبات ...( وش تسوي ؟!! )

-يخوي متعشي عند حواطه انا والا ناس مايعرفون الاصول؟؟..عزالله بسفل براعي العشا وبقوله:لاعاد تعزم الرجال مرتن ثانيه..

4 / عندك اختبار نهائي , و مذاكر المادة تمام وبتجيب درجة حلوة .. ويوم وزعوا ورق الأسئلة ,,
طلع اختبار مادة ثانية .....( وش تسوي ؟!! )

-يخوي مايكفي اللي جنبي مذاكر..

5 / انت حكم مباراة الهلال والنثر في مباراة نهائية ..وحسبت بلنتي غير صحيح للهلال في آخر دقيقة
وسجل الهلال وفاز .. بعد المباراة رحت لبيتكم , واكتشفت ان جاركم عبدالرحمن بن سعود!! ...( وش تسوي ؟!! )

-بعزم رئيس نادي الهلال ينام عندي ..واليوم الثاني مسلمه مفتاح البيت

ابو الذهب · #9 27/04/2003, 05:09 PM

إقتباس


	1 / انقطع الماء عنك وانت قاعد تتروش , و توك حاط الشامبو.... ( وش تسوي ؟!! )

عادى لف الفوطه على خشتى واقرب مسجد اكمل تروشيتى فيه

إقتباس


	2 / انت قاعد على عشاء في عزيمة , وما تعرف ولا واحد فيهم , وكل الأكل الل تموت فيه بعيد عنك , والأكل اللي ما تبيه أبد قريب منك ...( وش تسوي ؟!! )

ماعرف ولا واحد فيهم وش مودينى عندهم

ومدام انى مااعرفهم هى خاربه خاربه نظار فى الاكل اللى تبيه وقل للى عنده الاكل ياابو الشباب لو سمحت ترا الصحن يدور

إقتباس


	3 / في نفس العزيمة , غصيت .. واكتشفت انهم ناسين المويه والمرطبات ...( وش تسوي ؟!! )

اقرب مرقه ولطها

إقتباس


	4 / عندك اختبار نهائي , و مذاكر المادة تمام وبتجيب درجة حلوة .. ويوم وزعوا ورق الأسئلة ,, طلع اختبار مادة ثانية .....( وش تسوي ؟!! )

عطهم الورقه وقلهم ترانى مالى نفس شبعان

إقتباس


	5 / انت حكم مباراة الهلال والنثر في مباراة نهائية ..وحسبت بلنتي غير صحيح للهلال في آخر دقيقة وسجل الهلال وفاز .. بعد المباراة رحت لبيتكم , واكتشفت ان جاركم عبدالرحمن بن سعود!! ...( وش تسوي ؟!! )

بأحط لوحه على البيت ( للبيع او للايجار )

قرقاص · #10 28/04/2003, 06:34 AM

هلا والله بالحاتمي

1- يمدحون تنشيف الشامبو بالمنشفه

اما اذا كان الشامبو من نوع لادموع بعد اليوم انتظر رجعة المويه على راحتي

2- يارجال عزيمه ماتعرف احد فيها ولااحد يعرفك سو اللي تبيه ولاتهتم

والمثل يقول كل مايعجبك والبس مايعجب ابو جيرانكم

3-اذا غصيت ومافيه ماء قل للي جمبك يعطيك بوقس على ظهرك لين تتنفس

4- اذا طلع الأختبار مو المادة اللي ذاكرتها اطلب الأستعانه بصديق

5- المثل يقول الجار قبل الدار

ولاياساكن جمب بعض الناس

الحاتمي · #11 28/04/2003, 11:38 AM

أسماء الناجحين ...

يزيد , شهد , لحاق كور , قرقاص , أبو الذهب .....

أسماء الراسبين ويحق لهم دور ثاني ...

الكنز , غروده , أبو ريمان ...

أسماء الراسبين بتفوق ...

( سهلوه )

كـادي · #12 28/04/2003, 11:27 PM

هلا والله وغلا

هلا بحاتم

[ALIGN=CENTER]

إقتباس


	1/ انقطع الماء عنك وانت قاعد تتروش , و توك حاط الشامبو.... ( وش تسوي ؟!! )

أكيد أنتظر الماء

إقتباس


	2 / انت قاعد على عشاء في عزيمة , وما تعرف ولا واحد فيهم , وكل الأكل الل تموت فيه بعيد عنك , والأكل اللي ما تبيه أبد قريب منك ...( وش تسوي ؟!! )

أكيد راح أقوم وش الله حادني ;);)

إقتباس


	3/ في نفس العزيمة , غصيت .. واكتشفت انهم ناسين المويه والمرطبات ...( وش تسوي ؟!! )

أقول أنعم الله عليك وأطلع لأقرب براده

إقتباس


	4 / عندك اختبار نهائي , و مذاكر المادة تمام وبتجيب درجة حلوة .. ويوم وزعوا ورق الأسئلة ,, طلع اختبار مادة ثانية .....( وش تسوي ؟!! )

عادي أخوي حاتم

تخيل يوم الأحد رحت للكلية وأنا مذاكرة نبات وخر عن أول مرة أحفظ الماده صح

وأكتشف إنهم ممتحنين السبت

مو قهر

يعنى أعمال السنه صفر

الله يعدي هالماده على خير

إقتباس


	5 / انت حكم مباراة الهلال والنثر في مباراة نهائية ..وحسبت بلنتي غير صحيح للهلال في آخر دقيقة وسجل الهلال وفاز .. بعد المباراة رحت لبيتكم , واكتشفت ان جاركم عبدالرحمن بن سعود!! ...( وش تسوي ؟!! )

أروح أسلم عليه

إقتباس


	( تحذير حكومي ) حل الأسئلة السابقة سبب رئيسي في أمراض العقل والعيون , ننصحك بالامتناع عنها

أجل أنا مريضه الحين ؟؟؟؟!!!!!!!!!

ماعليه

عندي لك سؤال محيرني ؟؟؟؟!!!!!!

وش قصتك مع حاتم مر من هنا تراها عقدتني ؟؟؟؟[/ALIGN]

كايدهم · #13 29/04/2003, 03:18 AM

اســلئه وجــهيــه جدا جدا

الغـصه ياشينها .. يتغير لون وجهـك .. وتحس ان الناس يشوفونك

!!

بالنسبه لسالفة الاختبار .. حصلت لي

بس عرفت اني مذاكر ماده ثانيه قبل مايبدأ الاخبتار بنص ساعه بس الحمد لله نجحت وكانت الماده جغرافيا

!!

الهلالي الحلـــو · #14 29/04/2003, 06:58 AM

/ انقطع الماء عنك وانت قاعد تتروش , و توك حاط الشامبو.... ( وش تسوي ؟!! )

اتروش بالشامبو نفسه خخخخخخخخخخخخخخخخخخخخخخخخخخخخخخخخ

2 / انت قاعد على عشاء في عزيمة , وما تعرف ولا واحد فيهم , وكل الأكل الل تموت فيه بعيد عنك ,
والأكل اللي ما تبيه أبد قريب منك ...( وش تسوي ؟!! )

طال عمرك اشكر الله واكل والشكوى على الله

3 / في نفس العزيمة , غصيت .. واكتشفت انهم ناسين المويه والمرطبات ...( وش تسوي ؟!! )

اصرفها بكم كحه وان شاء الله يمشي الحال

4 / عندك اختبار نهائي , و مذاكر المادة تمام وبتجيب درجة حلوة .. ويوم وزعوا ورق الأسئلة ,,
طلع اختبار مادة ثانية .....( وش تسوي ؟!! )

اطلع الكتاب!!!

5 / انت حكم مباراة الهلال والنثر في مباراة نهائية ..وحسبت بلنتي غير صحيح للهلال في آخر دقيقة
وسجل الهلال وفاز .. بعد المباراة رحت لبيتكم , واكتشفت ان جاركم عبدالرحمن بن سعود!! ...( وش تسوي ؟!! )

اروح اقرب مصح نفسي خخخخخخخخخخخخخخخخخ

الفتى .. الزعيم · #15 29/04/2003, 10:38 AM

1 / انقطع الماء عنك وانت قاعد تتروش , و توك حاط الشامبو.... ( وش تسوي ؟!! )

لف الفوطة واطق على الجيران

ممكن سلف موية

2 / انت قاعد على عشاء في عزيمة , وما تعرف ولا واحد فيهم , وكل الأكل الل تموت فيه بعيد عنك ,
والأكل اللي ما تبيه أبد قريب منك ...( وش تسوي ؟!! )

الله يعيني اتغصب

3 / في نفس العزيمة , غصيت .. واكتشفت انهم ناسين المويه والمرطبات ...( وش تسوي ؟!! )

خاربه خاربه

اقوم واقول الشرهه مب عليكم الشرهه على *********

4 / عندك اختبار نهائي , و مذاكر المادة تمام وبتجيب درجة حلوة .. ويوم وزعوا ورق الأسئلة ,,
طلع اختبار مادة ثانية .....( وش تسوي ؟!! )

بروح اشرب موية

5 / انت حكم مباراة الهلال والنثر في مباراة نهائية ..وحسبت بلنتي غير صحيح للهلال في آخر دقيقة
وسجل الهلال وفاز .. بعد المباراة رحت لبيتكم , واكتشفت ان جاركم عبدالرحمن بن سعود!! ...( وش تسوي ؟!! )

اكتب على الباب

النـ(صـ)ــر بمن حضر

( تحذير حكومي )

حل الأسئلة السابقة سبب رئيسي في أمراض العقل والعيون , ننصحك بالامتناع عنها

توك تقوله يوم لبست النظارة