|
انطوان كومبواريه من اجل هـــذا ( عليك الرحيل ) ونحن لسنا شعب جاهل لتقوم باختراعاتك في الهلال ....!! بسم الله الرحمن الرحيم ( سنترة الكرة واعادتها الى الخلف ثم لعبها بشكل عالي وعشوائي ) مشهد يتكرر كثيراً في كل بداية مباراة مع طيب الذكر كومبواريه ولكم الحكم في تكتيك كومبواريه ...!! فهذا الرجل لازل يصر على قتل الهلال بتكتيكه طوال الموسم بخططه وطريقة لعبه العقمية هذه الخطط التي اكل الزمن عليها وشرب ولكن هذا الفرنسي باصراره يعيدنا ( الى زمن كرة القدم في الخمسينات ) . كومبواريه نحن لسنا شعب جاهل بكرة القدم حتى تبرر وتخترع وتطلب منا ان نقتنع بما تسميه تكتيك ونسميه نحن ( خرابيط ) فريق يلعب بدون هويه وباختراع في مراكز اللاعبين وبخطة عقيمة وبمحاور ارتكاز ثلاثة مشتته بين الهجوم والدفاع فلا هي تحسن الهجوم ولاتستطيع تأمين الدفاع وبطريقة جبانه جداً لم يتعود عليها الهلال . أين تنويع اللعب .. أين الصرامه والبقاء للأفضل ..؟؟ أين القراءة الجيده للمباراة .. اين التكتيك .. أين التوجيه والزج بأفضل اللاعبين . - الشلهوب حبيس الاحتياط رغم تخبط الدوسري من بداية الموسم الزج بالعابد ليكمل اخفاق عزوز دون فائدة في صناعه اللعب سوى الركض على الاطراف . - سلطان البيشي يواصل مستوياته الضعيفه وبدل من الزج بالمسلم في قلب الدفاع واعادة الزوري للظهير الايسر وتحويل الشهراني ( يلعب بالقدمين ) للظهير الايمن يتركه كومبواريه واقفاً في نصف الملعب ( لايهاجم ولايدافع ) .. - سلمان الفرج ركيزه من ركائز الفريق يدخل الغنام بديل عنه ثم يخرج الغنام ..!! - هرماش صانع العاب .. والقرني وسط أيمن ..؟؟ - الكوري يعطى الفرصة كامله وسعد وسالم الدوسري والجهني خارج حسابات المدرب ..؟؟ - المدرب مقتنع بالاجانب .. ومقتنع بالأطراف والكرات الطويله ولايحتاج صانع لعب ومقتنع ان الهلال قوته في الهجوم فقط والوسط ( ليس ضروري ) ..!! -المدرب لايريد ان يلعب الكرات القصيرة والكرة الحديثة السهله التي يبدع بها الهلال - مدرب يقتل الهلال بخوفه وتراجعه وعدم ربط الهجوم بوسط ناري لايرحم وهذه نتيجة عمله يكابر ويعاند ويتفلسف دون فائده ويخرج في مؤتمرات صحفية كأنه قادم الى بشر لاتعرف كرة القدم بتاتاً ويبرر بسخافة فنيه . وان كان السيد كومبواريه يعتبر هذا عمل وانجاز فيجب عليه ان يعرف انه يدرب الهلال بحتنا اصواتنا ونحن نقول ان الهلال يفوز لضعف الخصم وبأهداف القحطاني وويسلي .. وبدعاء الوالدين . الهلال قابل اولسان الفريق المنظم وخسرنا بالاربعه .. وقابل الفتح المنظم في دورينا . وخسر رايح جاي ..!! فزنا على الاهلي والنصر والشباب والاتحاد ..!! وكلهم يعانون ومستوياتهم هزيله . فريقنا من بداية الموسم بدون هوية ولايقدم كرة توحي ان للفرنسي بصمة . وهذا غيض من فيض مدربنا الموقر . اخطاء نشاهدها ونفهمها ونحن جمهور والمدرب ( لايراها ) ..!! مع الاسف يخرج الينا كثيرون ( المنتدى كله محليين .. اتركوا المدرب يعمل .. كومبواريه داهيه ) والهلال يغرق ويلعب بدون هويه ويفوز وينافس لضعف الدوري . وصناع القرار والمدرب ينتظرون ان تحل بالهلال كارثة اولسانيه بعد بدء منافسات آسيا حتى يتحركون ويفرقون بين العمل الجيد والسيئ وزبدة الكلام كومبواريه مدرب مفلس ويجب ان يرحل قبل تلويث تاريخنا المشرف لامكان للجبناء في الهلال ولامكان لمن يحرمنا متعه الزعيم باطرافه ومحاورة ومجاملاته . لقد اخذ فرصته وزياده ومن يقول غير ذلك فهو يكابر مثل ( كومبواريه ) .. يامعشر الزعماء ماذا تنتظرون وماذا ترجون ..؟؟ ما اقوله او يقوله غيري ليس بسبب خسارة الفتح والصدارة عمل كومبواريه واضح من بداية الموسم وتخبطه لاينكره احد فلماذا ندافع عنه تحت مسمى مصلحه الهلال ..؟؟ الهلال في عصر كومبواريه افتقد الهيبة افتقد المتعه وان كانت الحجه الصدارة فاليوم فقدناها ايضاً فأي عذر تبقى لك ايها الفرنسي ..؟؟ تحيتي |
موضووع جمميل .. يعططيك الف عـآفيه ,! |
موضوع جميل وكلام أكثر من منطقي.. والله انك صادق في اغلب الكلام.. المشكله طالبنا بتغيره من بداية الموسم ويقولون اصبرو وأعطوه فرصه واذا طالبنا بنص الموسم يقولون صعبه يجي مدرب مايعرف اللاعبين لين ننصقع بنهاية الموسم ونطلع من كم بطوله ذاك الوقت يغيرونه.. |
كلااااااااام سليم احيييك عليه كومباريه من البدايه مدرب لايعرف كيفيه توظيف لاعبيه كل يوم يجرب لاعب في مركز لايمكن يستقر على خطه ثابته قيد بعض اللاعبين مما أدى إلى هبوط مستوآهم بصراحه اللي رجع روووح الهلال في الفتره الماضيه الجهاااز الفني ماله أأي دوور |
كل اللي ابي اقوله , قلته بموضوعك المشكله ان المدرب يسرح اللاعبين كيفما يشآء ,, ويختار الاجآنب وسمو الامير وصنآع القرار يتابعون بصمت تحت مسمى ( عدم التدخل في عمل المدرب ) ! بآنتظآر كارثه ,, بعد الكارثه تنفتح عيونهم * كل النآسس والنقآد والمشجعين الهلآلين .. شآفوا التشكيله .. انصدآم تآمم ! 3 محآور ؟ والغنآم اساسي والفرج احتيآط ؟ يعننننني الكل غلط بسس كومبوآريه صح ؟ ## ترا النآس تفهم وتشوف ! بسس ابومسآعد ماشاف للحين . |
روح لمنتداك محد راح يعطيك وجه غير المندسين زيك جيب لي فريق هذا الموسم فاز ع كل الانديه الجماهيريه و11 مباراه كلها فوز ورى بعض |
موضوع جميل واقعي يصف حالنا المنخدعين فيه الله يعطيك العافية |
إقتباس:
لا احتاج الى اثبات لمن هم على شاكلتك واذا كنت مقتنع بالمدرب وهذا طموحك فلا تتعب نفسك في الدخول في المواضيع .. لكي تقول مفردة ( مندس ) اللي اكل عليها الزمن وشرب .. وانصحك بعدم مجالسة اصدقائك النصراويين لأن تاثيرهم واضح عليك وانصحك عدم دخول مثل هذه المواضيع حتى تبلغ سن الرشد .. وتستطيع ان تفكر بدون عواطف جياشه تجعل منك مطبلاً لا اكثر . |
أكاد أجزم لو يلعب سالم الدسوري رأس حربه راح يكون نجم مميز في السعوده في هذا المركز ومن شهور ماشفناه اساسي عجبي |
with yourself:alzaeem::alzaeem::alzaeem: |
من اجمل مـأقرات توصيف دقيق لكل مايفعله كومبواريه الداهيه ابو تدوير اللي جاب لنا فلسفه ماصارت بتاريخ المدربين الا من هم على شاكلته مدربي العالم يثبتون على تشكيله الا هذا الكومبواريه لاااعلم مالسر فلسفه جديده وتطبق علينا وستأتي الكارثه بعدها يفيقون |
كلا م سليم وواقعى وفريق بدون صانع لعب ووسط متماسك قول عليه السلام ولا نتمنى هذا للهلال ولكن اذ جلس الوضع هذا على ماهو عليه اعتقد بتحصل كارثه واخاف من الحاقدين على الزعيم التشمت فيه بسبب هذا المدرب او المجرب اسميه لن اشوف كل يوم وهو مسوى تجربه على اللاعبين اللى في اليمن يحطه باليسار واللى بالسيار يمين واللى محور صاتع لعب على قوله قمة المهزله من كومبورايه فهل من مجيب لكي الهلال يرجع مثل ماكان الفرق قدامه ترجف وتحسب حساب للهزيمه ثقيله ننتظر ونرى |
انا اتوقع المدرب جاء للهلال وما شاف ولا مباراه له شكله مايدري اننا نعرف نلعب كور قصيره واننا نعرف نفوز واننا نعرف نهاجم !! كل شي عنده دفاع حتى امام الفرق الصغيره يلعب 3 محاور !! وكل كراته يلعبها طويله !! |
لمست الجروح بس من يداويها |
يا رجل عن أي مدرب تتكلم انت .! بالارقام هو افضل مدرب مر ع الاهل في السنين الاخيرة .! اقوى دفاع و اقوى هجوم .! صاك لك كل الاندية بالاربعة و الثلاثة والستة .! انا معاك ان المدرب حاس امها مع الفتح .ّ بس 70 % من اللاعبين اللي حتى توصيل الكورة صح ما يعرفون .! المدرب ناقصه شي واحـــــــد اللي هم اللاعبين الاجانب .! والجهة اليمنى للهلال .! .!.! |
| الوقت المعتمد في المنتدى بتوقيت جرينتش +3.
الوقت الان » 06:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd