سلااااااااااام للجميع ..

كلنا لما كنا صغار كنا نخاف من أشياء وااااااااااااااااااااجد .. و غالبا ما نكتشف ان هي سخيفة .. و

نستحي نتكلم عنها اذا كبرنا و ساعات يبقى خوفنا ويانا لييييييييييييين ما نعجز

الحين كل واحد فيكم يقول وش اكثر حاجة كان يخاف منها يوم كان صغير و هل مازال يخاف منها

و اذا صار ما يخاف منها من وين جته الشجاعة .....

انا راح ابدأ ..

انا وانا صغيره ما بقا شي ما خفت منه ..


كنت أخاف من دكتور الاسنان .. كنت اذا بروح له لازم جالونين دموووع

وكنت أخاف من الجح مدري ليه

واكثر شي كنت اخاف منه .. الجني ..احس انه يمر قدامي خاصه اذا كنت لحالي


يالله عاد .. وشو هي الاشياء اللي كنتو تخافون منها وانتو بزوره..

مع تحياتي ..
أسيرةالزعيم;)

أنا كنت أخااااف أكثر شي

من الوالد اذا جبت الشهااادة

ورااااااااااااااسب أنواع التصفيق

بتطلع الفضاااااااااايح

انا يوم اني صغير كنت اخاف من الطعوس

واما اللحين انا في عشاااااااااق الطعوس

[c]

إقتباس كلنا لما كنا صغار

حطي تحت ( كنا) خطين يعني قال لك انك كبرتي الحين

المهم نرجع لمحور حديثك

انا من يوم اني صغير الى الحين اخاف من ثلاث اشياء

1- الظاطوووور ( البريعصي ) <--- كذا اتخيله وانا صغير
2- الكلب
3- الجرذي


[/c]

والله يا اسيرة الزعيم كنت اخااااااااف مرررررة من

اي واحد( اسود) مدري ليه بصراحة احس انهم قويييييييييين

وبعد ما كبرت وشلخت واحد منهم زال هذا الشيء بسرعة

تبين الصراحة جيت اجلد فيه قبل لا اعطيه فرصة يسوي شي............ هههههههههههههه

يعطني حاط في راسي انه قوي ؟؟؟؟؟؟

طبعا ذا الكلام ايام المراهقة .....يعني الحين عقلت ...
وبعظ ربعي الى الحين من هالنوع .....يمكن بعظهم يقرى الموضوع....

( شكلي بنطق في الاستراحة)هههههههه ماعليه يبو(.........)

انا زي معذبهم





تحياتي............

اللي ما اخاف منه سجل عندك :

- المقرصة الحامية
- السعلو
- الدهني ...هذا عبد يتمصلخ ويدهن نفسه زيت علشان ماحد يمسكه
- حمارة القايلة ..
- خباز ابو يمن اذا جاء يطلع الخبز احس ان شيالة الخبز تبي تبخق عيني
- امام مسجدنا الله يرحمه ابو جردان عيونه حمر ..

واللي اخاف منه :

- دكتور الاسنان ...وووااو يروع
- السرسور .....ياربييييه يهبل
- الدجاجه
- البعير
- الكتكوت
- اللمبة
- راعي البقالة
- الكامري


كيف الحال ؟؟

أشكر لكم مشاركاتكم الرائعه ..

عاشق الفيلسوف ..
ياشين هاللحظه وهذي تستمر الين ما يخلص الواحد الثانويه وهي تمثل عقده ما اتوقع ان لها حل في يوم من الايام .. يجيك ابوك ويقولك عطني الشهاده ووجهه قبل ما يعرف النتيجه وانت قلبك يرقع ويشوفها وهو وبعدين ينقلب عليك

معذبهم ..
تعال عندنا بالهاف موون وتشوف الطعوس على كيف كيفك

تغريد ..
يوووه ياشين السرسور وشلته الكريمه .. بس اشوا فيه بف باف

الموهوب ..
انت منت ناوي تعقل ..ايه يوم ( كنا ) صغار .. وللمعلومية كنا زي كان يعني فعل ماضي ناسخ
.. تلاحظ ان كل اللي تخاف منهم كائنات حية وش سالفتك انت بالضبط !!
شكلك ماخذلك موقف جامد منهم وانت صغير .. مشكوور على هالمشاركه الحلوه ..

ابو بسمه ..
عاد السود كل بزر لازم يخاف منهم سبحان الله ..

الكوبرا لأزرق ..
الطعوس شي يكرره البزارين ويحبونه كل الشباب ..

مشكوووورين على هالمشاركات الحلوه ..

مع تحياتي ..
أسيرةالزعيم;)

إقتباس وكنت أخاف من الجح مدري ليه

هــذي روعـــة ,,,

والله يا أنـا فـي شـي واحـد بس أتـروع مـنـه

لـيـن الـيـوم بـعـد ,,

الـبـعـرصـي أو الـظـاطـور أو الي يجـي

أقـسـم بالله ودي أركـض اذا شـفـتـه

[ALIGN=CENTER]
البريعصي

دكتور الاسنان والاجهزة اللي معه

واخاف انام والغرفة ظلمة

تسلمين اسورة حبيبتي[/ALIGN]

[ALIGN=CENTER]ما أخــــــــــــــــــــاف من أي شيء ~







































<<<<<<<<<<<<<<<وجهك بس ~[/ALIGN]

[ALIGN=CENTER]والله ياوخيتي أسيــــــــره يوم كنت ضغينون

كنت أخاف من (( صوفـــانـــه ))لاتسأليني منهي هذي الوالده الله يطول عمرهاكانت دايم تقولهالناوالى يومك مدري منهي

ومن وأناصغيرالى يومك لسه أخاف من الرعد00,,,

تحياتي يالغاليه00,,;)[/ALIGN]

<<<<<< يخاف من الثعابين

بحكيكم قصتي

يوم كان عمري 7 سنين واحد مزح معاي ومزحه ثقيل الى الآن
لف ثعبان على رقبتي وانا نائم و الله كل ما شفت ثعبان أحس بإختناق
لدرجة أتوقع أن نهايتي قربت0

ودي أعرف ايش يعني البريعصي اول مره اسمع به 0

انا ماخاف من شي .. هـــع

كنت كبير من يومني صغير








ايه هين ..
مافي شي ماخاف منه .. خاصة الصراصير وحمار القايلة
اما الصراصير مسوية لي مشكلة .. وربي اني اخاف منها لهالحين
واللي يقهرني انك ترش عليها فليت وتجي يمك

إقتباس ودي أعرف ايش يعني البريعصي اول مره اسمع به

البريعصي طال عمرك هذا حيوان اليف بس شرير .. حلو بس شين .. مثقف يحب التشعبط بالجدران ويغني .. وتلقاه دايم على جدار بيتكم يقرأ على ضو لمبة
ويقال له في بعض البلدان بريصاني في بعضها ظاطور وفي بعضها ابوبرص ..
ماعمرك حبيت واحد وقال لك حبك برص

على طاري البرعصي خذ هالنكتة ..
هذا في برعصي نجح اشترى له ابوه لمبة