يا إدارة الهلال احذروا خطأ الأقدام في المفاوضات القادمه + "يو بيونغ سو" سعودي !!!
 

"ويسلي - عزوز الدوسري - نواف العابد - سلمان الفرج - ياسر الشهراني"

كل هذه الأسماء صاحب النزعهه الهجوميه والتي يعول عليها الهلال في الأدوار الهجوميه تلعب بالقدم اليسرى ولاجظت هذه المشكلة البارح وأنا اتابع مباراه الاتحاد عندما كانت تتواجد كرات ثابته على الجهه اليسرى تتوجب القدم اليمتى لم يكن يقف لها الا ياسر وهرماش وكان تسديدها بشكل غير دقيق لعدم اجادتهم تنفيذها.

ايضا لو تلاحظون أن جهه سلطان البيشي دائما تكون خطيره على الهلال لأنه لا يوجد لاعبين يلعبون في خط الوسط الأيمن فعندما يشارك بالفرج او العابد يتجه لا إراديا إلى العمق او الجهه اليسرى لانها جهتهم التي تناسب أقدامهم فيتم فتح الجهه اليمنى للهلال على سلطان فيحدث فجوه في تلك الجهه وهذه المشكلة بدت جليه وواضحه بعد تراجع مستوى سالم الدوسري أو اصابته .

لهذه حبيت أنبه الإدارة قبل أي مفاوضات يجب التركيز على قدم اللاعب قبل المستوى لأنها مهمه جدا لأن كل الأسماء المطروحه في الاعلام من الأرجنتيني ولاعب ليون كلاهم يلعبان بالقدم اليسرى والفريق مو ناقص شوول .

وايضا يجب تدعيم الفريق على الأقل بأسم واحد محلي في خط الوسط يلعب بالقدم اليمنى لا الوضع صعب جدا هكذا ومن الاسماء المميزة والمقترحه بالترتيب على حسب الجوده والإمكانيات :

1- حمد الحمد لاعب نادي الإتفاق
2- حسين المقهوي لاعب نادي الفتح
3- تركي خضير لاعب نادي الأنصار ومنتخب غرب آسيا

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

بالأمس رئينا أهمية وجود مهاجم متحرك ومزعج كالكوري في ظل وجود فرق تلعب بإغلاق المنطقه الخلفيه كما فعل الإتحاد بالأامس لكن لا يمكن الإبقاء على يو بيونغ كونه أقل الأجانب فائده وحاجتنا للاعب وسط لذلك رئيت لاعب محلي يشبه الكوري في الإمكانيات الحركيه والإزعاج والسرعه وتفكيك الدفاعات والقتاليه والبنيه الجسمانيه اللي هو "ربيع السفياني" يتشابهان كثيرا في صفاتهم الا اني ارى ربيع افضل من ناحيه التركيز أما المرمى والتسديد من خارج المنطقه لذلك أراه بديلا للكوري والاستفاده من خانه الاجنبي في مركز صناعه الألعاب .

الهلال لن يغير اي اجنبي ولو غير بيرجع ولهامسون ماادري كأن مافي البلد الا هالولد ..

وبيقولون المدرب يبيه المدرب قال لاتغيرون والمدرب والمدرب ..

وبالأخر هم مجبرينه محد يبي لاعبين منتهين وغالين ..

كلامك صحيح وعني اتمنى الحمد يجي للزعيم

ويارب يروح الكوري ويجي صانع لعب بديل له واهم شي يجيد الفاولات

يعطيك العافيه

..





ٍ


موضوووعع جممميل ,, يعطيكك العافيه .

حسب الاخبار ان ربيع كان في الهلال ثم تنسق ., على كل حال هو ماراح يترك مركزه مضمون مقابل دكة احتياط ..,

موفق

السفياني نفس الفريدي اناني وفلسفه وبطئ. ..وين السرعه اللي فيه. .وجهه نظري. .

كلامك سليم جداً أوافقك تماماً في ماذكرت

يا اخي وش هالكلام كل يوم تبون تغيرات الهلال بالصداره والاجانب مو مقصرين

مانقان كان نجم في مباراه الاتحاد وقطع اكثر من كوره
الكوري شفت وش سوا لما دخل اشغل دفاع الاتحاد وقلل الضغط الي كان علينا
وسلي مايحتاج شهادتي فيه مجروحه
هرماش صحيح انه اقل عطا في الاجانب ولكن له ثقله بالفريق ومقاتل ويلعب بروح

اتمنى مايكون فيه اي تغير بالاجانب خاصه بالفتره الحاليه

لا مانع من تدعيم الفريق بلاعبين محلين يكونون دعامه للفريق

وانا معك ان الجهه اليمنى محتاجه لاعبين يلعبون بالرجل اليمنى وشكرا

صحيح الجهة اليمنى محتاجه لاعبين
يكون لهم ثقلهم
والله يوفق الزعيم في كل المباريات
علينا فقط الحضور للمعلب

نعم الهلال اشووول....

انتبهوا لهالنقطه فلا يوجد الا سالم الدوسري ومستواه بانحدار......


بالتوفيق للملكي....

أتفق معاك فيما يخص الجهة اليمنى للفريق

ولكن لو لعب المسلم قلب دفاع والزوري ظهير ايسر والفرج والقرني بالمحور والعابد جناح ايسر والشهراني جناح أيمن أو سالم الدوسري يكون افضل