|
إذا كل واحد يبي يسجل هدف لنفسه .. ضاع الهلال ياعبدالعزيز الدوسري + تصريح اللاعب صباح الخير :rose: الحق يقال اللاعب عبدالعزيز الدوسري برز في الأولمبي وصعد للأول وإستبشرنا به خيرا لكن للأسف كل ماله وهو في إنحدار خصوصا في الآونه الأخيره ! اللي يبي يتأكد من كلامي يشوف كيف كان عاله على الفريق في مباراة أولسان اللي في كوريا وكيف كان يقتل الهجمات ببروده وأنانيته اللي تعل القلب :ranting: البارح في مباراة هجر سنحت له أكثر من هجمه كان بإمكانه إننه يمررها لزملائه اللاعبين ولكن أنانيته المفرطه ضيعت الفرص علينا وكل ذلك لانه يبي يجيب هدف بنفسه !! :mad: وأعتقد بأن الكل أجمع على أنانيته ( إلا البعض ) ولكم أن تقتنعوا أنفسكم بتصريحه بعد مباراة هجر ليلة البارحه ياعبدالعزيز الدوسري لاتكن فريدي آخر ,, ولا تلعب لنفسك ,, الفريق روح إذا لم تكن تمتلكها فالهلال غني عنك وصدقني بتكون فريدي آخر المعروف ببروده وأنانيته القاتله :mad: مستواه سيء وللأسف كومبواريه يصر على إشراكه أساسي ! ياخي اذا مستواه في إنحدار رجعه للأولمبي والا خله في الدكه وخلصنا :mad: أترك التعليق لنقاد البناء :rose: |
آخي الكريــــــــــــم آرجو ان تتقبل وجهة نظري ولا يزعلك كلآمي انت تقول اذا كل واحد يبغى يسجل ضاع الهلال ..؟؟ وانا اقول اذا كل واحد بالمنتدى يبحث عن كل زله للاعب وعن اي خطا واضاعة فرصه ضاع التشجيع وضاع التحفيز وضاع الحماس وضعنا حنا معاه بالمنتدى عبدالعزيز كان ولازال من افضل اللاعبين بالسعوديه بس انا والله اعلم اتوقع سبب هبوط مستواه هو تفكير المدرب ... لو تلاحظ المدرب حاطه على الطرف بحيث انه يرجع يساند وكلنا نعرف بنية عزووز الضعيفه وبطئه ونعرف ان عزوز مو صاحب كرات طوليه او حتى عرضيات اللاعب ابدع وهو خلف المهاجمين بالتسديد وبالتحركات المزعجه وبالون تو .... ولك في هدف ويسلي ضد الاهلي اكبر مثال اللاعب طوال المباراه ما سوى شي بس وجوده في منطقة العمق الهجومي خلته يصنع هدف من اجمل الاهداف عبدالعزيز ما تغير بس تكتيك المدرب هو اللي تغير واغلب لاعبينا اسلوبهم تغير لمجرد تغيير التكتيك لك كل الود |
كلآم اخونا هلآلي زهرآني صحيح و وآقعي .. لآهنت على الطرح آبن عبـآد |
الأخ الكابتن عبدالعزيز الدوسري ينزل الملعب و حاط براسه انه ميسي على غفلة عبدالعزيز صانع لعب ... و مهمة صانع اللعب هي استلام الكورة من المحور او الدفاع و تموين المهاجمين بالكرات نلقى لاعبنا الكبير يستلم الكورة و يسحب واحد و اثنين و ثلاث لاعبين و لا يكره انه يسحب كل الفريق المنافس و يسجل بنفسه!! المشكلة انه لما يستلم الكورة و يبدأ بالسيناريو المذكور أعلاه و يعك في الكورة الى ان يجتمع حوله اكثر من لاعب ويكون قطع الكرة منه وشيك .... تلقاه مررها مجبور كيفما اتفق (تمريرة خاطئة) و ترجع مرتدة علينا و يتسجل منها هدف... و حصلت كثيييييير ميزة تسجيل الأهداف من صانع اللعب هي ميزة اضافية ... لكن الأولى هو صناعة الأهداف ... و الا نحوله مهاجم و نفتك! اللي مو مقتنع بكلامي يذكر لي كم كرة صنع الدوسري في كل موسم للمهاجمين و نتج عنها هدف منذ ضمه للفريق الأول!!!!!!! لكم في الشلهوب عبرة ... في الموسم اللي ركزنا فيه ان جيريتس فجر موهبة الشلهوب و ساعده في الحصول على لقب الهداف... نسينا انه كان أكثر اللاعبين الهلاليين صناعة للأهداف علاوة غلى انه الهداف شخصيا الدوسري لاعب ماهر جدا... لكن ينقصه الكثير من الفكر الكروي |
أنا اللي شدني بتصريحه يوم يقول كان ودي أجيب هدف عشان ارجع لمستوياي! ياخي عزوز لازم يعرف انه صانع لعب وظيفته صناعة الاهداف للمهاجمين وليس مزاحمتهم عليها. أنا ماعندي مشكلة إذا كان الفريق فايز وضامن النتيجة بس امس كان الهلال متقدم بهدف وحيد وبأي لحظه كان ممكن يتعادل هجر وشفنا أنانيته بأكثر من لقطه وهو يحاول يسدد من خارج المنطقه ونسى وظيفته الأساسيه بالفريق. |
عبدالعزيز الدوسري اقل لاعب عطاء فالمجموعه الهلاليه بل انه سبب في قتل كثير من الكور الخطيره بالانانيه الزائده والرجوع للخلف في بعض الاحيان ومن يقول ان المدرب السبب هو شخص يحاول ان يجد مبرر لانخفاض مستوى اللاعب 0 المدرب باصراره على مشاركة عزوز يسبب ضغط على اللاعب ويظلم الفريق ويظلم اللاعب المجتهد الذي يلعب عبدالعزيز على حسابه0 |
حـآشآآهه بأن يكون فريدي آخرر .. ننتظر عزوز عالدككة المباراة الجاية ونواف والقرني والفرج اساسيين امام الاتحاد |
أخوي هلالي زهراني ردود الإخوان ابريق أزرق ورعد الجنوب1 هي ردي عليك :) ع. الدوسري يعتبر صانع لعب وليس مهاجم لكي يزاحم المهاجمين على التسديد ! وبكل هجمه يصير فيها اناني كله عشان يسجل ؟؟!! رجعته لمستواه مثل ماقال في التصريح هي بالتدريب وبتأدية ماهو مطلوب منه وليس بتسجيل الأهداف !! والا كان كل من هبط مستواه حطوه مهاجم عشان يجيب هدف !! إرجع لمباراة أمس ولمباراة ذهاب اولسان تحديدا وشف كيف لعبه وكل كوره تنقطع منه وتسبب خطوره على دفاع الهلال ! يااخي انا ماني متحامل على اللاعب انا زعلان لانه أصبح ( عاله على الفريق ) :cry: هلالي غيور أوافقك الرأي أخي العزيز :smilie47: منورين يالغالين :rose: |
ليته يبي يسجل هدف وبس هو يبي هدف جميل عشان الكل يمدح فيه عزوز والله اننا من اشد المعجبين فيك كلاعب وكنا عاقدين كل الامال عليك لكن بهالشكل ماراح تكسب رضى والا حب الجمهور لك بالعكس شوف الفرج رغم ان ادواره مو واضحه لكن مجتهد على نفسه ويحرق نفسه وسط الملعب للجمهور ولخدمة الفريق نتمنى نراك كما عهدناك ما يستروا انك وزملائك وسط الملعب والتفرغ بصناعة الاهداف واذا سنحت الفرصه للتسجيل لاتتردد في ذلك يعطيك العافيه |
^ مطلوب منه يؤدي دوره فقط لاغير ولا يهايط ويشوت سقاطي ! مسوي رونالدينهو زمانه يفكنا من اهدافه وتسديداته اللي تجيب المرض وحنا بخير الله يعافيك اختي |
يآ أخـــــــــــــــوآن ترووون فيه غلط كبيييييييييييير الكل وآقــع فيه وانا ملاحظ ان الهجوم بدوون تفكيررررر وبدون نظره فنيه كلكم اجمعتم ان عزوووز صانع لعب وان مهمته صناعة اللعب اولا عشان لا اكون مسوي فهلووي او احلل بكيفي كومبواريه ادرى مني ومنكم وش مسؤلية عبدالعزيز في الملعب لكــــــــــــن ....!!!! اللي يفهم كوره ويعرف طريقة اللعب ويتابع الكووره صح من المدرجات ومن الشاشه يعرف ان كومبواريه يلعب عزززوز لاعب جناح لاعب طرف يمين او شمآل ...!!!! ( كيف تقولوا انه صآنع لعب ومسؤوليته يستلم كوره من المحور ) ؟؟؟؟؟؟؟؟؟؟؟؟؟؟؟؟؟؟؟ للامانه تفسيركم غريب كل العالم يعرفوا ان اللاعب الجناح مسؤليته الجناح وبعض المهام الثانويه مثل مساندة الظهير وعرض الكرات وفي بعض الاحيان التوغل في كم كوره للعمق يعني .... مهمته انه يكون سريع الهجوم على الطرف وسريع الارتداد لمساندة ظهيره اذا تقدم ...!!!!!!! احنا من اول الموسم نصيح نقول الهلال بدون صانع لعب وصانع اللعب مركزه للي ما يعرفه ( لاعب رقم عشره ) في الدايره هو اللي يستلم من المحور على قولكم ويوزع اللعب مثلا لو افترضنا الهلال يلعب بمهاجم واحد وخمسه في الوسط راح يبقى عندنا صانع لعب في الدايره واثنين اطراف واثنين محاور ولو افترضنا ان الهلال يلعب بمهاجمين ومحور ثابت ولاعب وسط صريح مهاجم وقتها قولوا صانع لعب بس بطريقة كومبواريه حتى شراحيلي مطلوب منه صناعة لعب عزووووز ماهو من نوعية صناع اللعب عزوز مهامه فكريه وحركيه وتسديد ولعب قصير وكور بينيه مو صانع لعب مثل الشلهوب او الفريدي يعني لاعب خلف المهاجمين يبدع ويمتع انا ما ادافع عن مستواه بقدر ما اقول ان كومبواريه حاشره في خانه مو خانته اعتذر عن الاطاله بس حبيت اوضح دمتم بود :d |
[QUOTE=ابريق ازرق;20928275]أنا اللي شدني بتصريحه يوم يقول كان ودي أجيب هدف عشان ارجع لمستوياي! ياخي عزوز لازم يعرف انه صانع لعب وظيفته صناعة الاهداف للمهاجمين وليس مزاحمتهم عليها. أنا ماعندي مشكلة إذا كان الفريق فايز وضامن النتيجة بس امس كان الهلال متقدم بهدف وحيد وبأي لحظه كان ممكن يتعادل هجر وشفنا أنانيته بأكثر من لقطه وهو يحاول يسدد من خارج المنطقه ونسى وظيفته الأساسيه بالفريق.[/QUOTE +1:alzaeem: |
بنت الغربيه ياهلا بك أختي منوره هلالي زهراني خلاص دام كومبواريه حاشره بخانته موب خانته رح علم كومبواريه وين يحط عزوز الدوسري على قولتك والله انه مشروع فريدي ثاني خل عنك بس ثانيا احنا مانتكلم عن صناعة اللعب او غيره حنا نتكلم عن الانانيه واني انا الحريف اللي بأجيب أهداف عالميه ! ياعمي وربي حرام يحطون صورته جنب ميسي على غلاف الفيفا 13 :( |
عزوز والله من اشد المعجبين بهذا الاعب بس الحق ينقال عزوز مستواه متردي ومستوى طايح والهلال ينقصه صانع الالعاب وهذا ما شفناه في عزوز لا صنع لعب ولا تمريرات ولا تسديدات عندنا هجووم ناري متعطش لتسجيل ياسر وويسلي بس ينقصهم صانع لعب |
كلام الاخ هلالي زهراني سليم وياليت نصبر على لاعبينا بدل من التحطيم والقسوة الي مالها اي داعي)) |
| الوقت المعتمد في المنتدى بتوقيت جرينتش +3.
الوقت الان » 08:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd