|
دفتر كمبواريه ودفتر جدتي اسعد الله مسائكم ايها الملكيون مبروك الثلاث نقاط وهاردلكم التخبط الفني من السيد كومبواريه انا متاكد ان جميعكم يريد ان يعرف الربط الموجود في العنوان بين دفتر السيد كمبواريه وبين دفتر جدتي اولا جدتي رحمها الله لاتجيد القراءه ولا الكتابه ولكنها كانت رحمها الله قمة في الدهاء لتسيير امور حياتها فكانت تتفوق على شقاوتنا بحمل دفترها القديم والقلم الرصاص وكانت دائما تسجل علينا ملاحضات كانت عبارة عن خطوط وهميه في دفترها القديم والعقاب ياتي بعد ذلك بالحرمان من حلاو العسل او المصاص فكنا كلما حملت دفترها نظهر الولاء والطاعه لجدتنا للحصول على الغنيمه ولكن مشكلة المرحومه انها تنسى احيانا فتعاقب المجتهد وتجزل العطاء للمسيء ومدربنا الجهبذ كمبواريه ليس ببعيد عن جدتي بطريقة تعامله مع لاعبي الزعيم ففي المباريات السابقه لاحضنا تألق الكابتن ياسر القحطاني ولاعبنا الكبير ياسر الشهراني وكذلك تألق الكابتن سلطان البيشي وكذلك الهرماش ادى مباريات لابأس بها ولكن ماشاهدته من بداية الدوري ان السيد (جدتي) عفوا كومبواريه لم يثبت على تشكيلة محدده وفي كل مباراة يتحفنا بتشكيله مختلفه ودائما مايضع المبدع في المباراة احتياط في المباراة اللاحقه وكأنه يريدايصالنا الى كأس العالم او كأنه يريد ان يعيد لنا هلال النعيمه والثنيان ولكن ارى انها تخبطات فنيه من وجهة نظري ويجب على الاداره ان توصل معلومة للسيد كمبواريه وهي اننا كزعماء ليس طموحنا ان نفوز على هجر او نجران او الاهلي او الاتحاد مع احترامي للجميع او ان نحقق الدوري او كأس ولي العهد او حتى نحقق بطولة اسيويه ولكن الطموح ان يرجع الزعيم الملكي لتزعم القاره واكتساح جميع الفرق بغض النظر عن اسم الخصم اما الدفتر حق جدتي فقد اكتشفنا انه لايغير الواقع ولا يجلب البطولات وكان ذلك قبل اربعين عاما . اقول ياسيد كمبواريه ياسر الشهراني ظهير ايسر ياسر القحطاني رأس حربه سلطان البيشي ظهير ايمن عبدالكريم الجاسر مدير المركز الاعلامي يعني بالمختصر المفيد مانبي اختراعات حط كل لاعب في مركزه وراح تكون اعظم مدرب مر على الزعيم واذا احتجت الى مساعده راح ارسلك ارشيف جدتي . الى لقاء قريب تقبلوا احتراماتي محبكم فنجال كيف قبل الوداع ااااااااااااااااااااااااااااااااااااااااه ياجابر العثرات تكفى ارسل التشكيله المثاليه لأبوفيصل بالمناسبه ايها الزعماء ماهي افضل تشكيله للفريق هذا الموسم بناء على وجهة نظركم عطفآ على اداء اللاعبين |
الله يرحم جدتك كومباريه قاعد يجهز كل اللاعبيه سواء كانوا احتياط او اساسين تذكر انك تلعب مع فريق ترتبه ١٣ومو لازم تلعب بافضل تشكيلة والرجال قاعد يعطي فرصه لاثبات وجود بعض لاعبين الدكة |
والله انا مستغرب من الاصرار على وجود عزوز اساسي لو سالم بداله افضل ولا بالفرق جالس يتفلسف يبي يجيبها خلف الحارس والله انه رفع ضغطي 3 مرات يتفلسف لو بين رجول العقرب كان انهاها اقل شي 5 ونامي ولا باص صحيح مافيه الا صناعة الهدف وكذالك الغنام انتهى زمنه والله انه اي لاعب يقرب لمه يمسكه مع فنيلته لما ينسدح هو وياه على الارض بالله ذا لعب ؟؟ اما المدرب مع انه يتخبط لاكن حضوضه للحين كويسه ولا والله التشكيله ماعجبتن بصراحة وتوقعت نخسر بس ربك يعين والله يستر من التخبط امام الاتحاد مع ميسي الدوسري ؟؟ |
ياخي بعض الجمهور مايعجبهم العجب ولا صيام في رجب ياخي الكريم احترم موضوعك الحين اما ما شفت اي شبه بين دفتر جدتك الله يرحمها ولا لنا دخل انها ماتعطيك حلاو هههههههه لو تابعة المؤتمر الصحفي لكوبمباريه ماكان فتحت الموضوع عدم استمررار الهلال على تشكيلة تعود لعدة اسباب 1- إراحة بعض اللاعبين 2- تجهيز اللاعبين لمباراة قوية قادمة 3- لدخول اللاعبين جو المباريات 4- بعض اللاعبين المصابين 5- انضمام بعض اللاعبين للمنتخب شكرًا لك |
اتمنى حذف الموضوع في اسرع وقت ممكن |
نايف اوافقك الرأي بتدوير اللاعبين ولكن اليس الاجدى ان يجهز التشكيله الاساسيه لمباراة الاتحاد في هذه المباراة ليمكنه من تصحيح الاخطاء لك مودتي |
mr zoooooooz حياك وبياك احترم وجهة نظرك ولكن بسألك سؤال ليش الفتح متصدر (بكل بساطه لان الجبال صار له سنتين ماغير ولا لاعب في التشكيله والزعيم حينما اكتسح اسيا كان ثابت على نجوم محددين ومتجانسين مع بعض ) بعدين ياخي من كثر ماكلت من حلاو جدتي صابني سكر الله يشافيني ومرضى المسلمين لك تقديري ومودتي |
فنجال كيف .. قبل لجاوب عليكـ بسألكـ سؤال صغيرون أنت من جمهور الرياض ؟ |
ما نقول إلا الله يرحم جدتك ويسكنها فسيح جناته والمدرب قاعد يسوي شيء جميل وهو تجهيز جميع اللاعبين وغير كذا اللاعبين كلهم مجتهدين ومنضبطين في التمارين عشان كذا لازم يعطيهم فرصتهم في اللعب بالتوفيق للهلال فوق كل أرض وتحت كل سماء :ba: |
ي رجال اللي يقول المدرب يدور وماني عارف ايش ائا مع المدرب في اي شيء يسوية بس بعد مباراة اليوم اكتشفت انه م حولك احد مدرب لا يفقه في الكورة اي شيء اجل مخلي ياسر الشهراني احتياط وسلطان البيشي احتياط ويصر على اشراك ناني وابيدال اللي ولا واحد فيهم يعرف يعطي اوفر صح ويلعب الكوري وعنده سعد وياسر احتياط انا المدرب هذا اكتشفت انه م حولك احد مدرب افقد الفريق هويتة والله الفريق يلعب اجتهد لاعبين فقط ولا جملة تكتيكة والمدرب يصر على عزوز الدوسري اساسي رغم انخفاض مستواه واخر ربع ساعه يقفل بمحور ثالث والمبارة على ارضك والله اليوم ربي ستر علينا والله اليوم الحمدلله ان الله فعلا ستر علينا لو هجر جاب الهدف اللي تقدم فيه شراحيلي كان راحت مننا الصدارة وافلقني ناخذ الدوري عقبها مدرب فيلسوف مدرب م عنده اي فلسفة صحيحة ماله اي بصمه في الفريق فريق الهلال يلعب بدون هوية فريق الهلال يلعب بحماس لاعبية فقط من متى الهلال هذا مستواه مدرب لم اجد اي شيء يشفع له انه نمدح فيه مدرب اقل ما يقال عنه انها ماشية معه بالحض اجل الشهراني احتياط ومسلم احتياط والعابد احتياط والقحطاني احتياط والزوري اساسي ونامي اساسي وعزوز اساسي والمرشدي اساسي الف علامة استفهام على هذا المدرب اللذي لم اعد اطيق رؤية الفريق الملكي بهذا المستوى المخيب للامال ي للاسف فقط هذا م اريد قوله والله اول مره اتكلم فيها عن هذا المدرب داهية زمانه ؟؟؟؟؟ |
عبودي الله يصلحك بس والله ماكتبنا بهذا الصرح الا محبة وعشقا وهياما بهذا الصرح الذي جعلنا دوما مسرورين ومحسودين ولا عزاء لكل اصفر مغبر تقبل مودتي |
هو قصده اراحه لاعبين وادخل لاعبين اخر لفورمة المباريات... لكن المشكله تكمن في اننا بحاجه لكل نقطه حتى لانخسر الدوري... من حقه يريح ياسر القحطاني مثلا لانه عنده شد بسيط وماحب يشارك فيه ك لاعب اساسي ... لكن بقية اللاعبين المفروض يدخلهم اخر عشر دقائق او اخر ربع ساعه وشويه شويه راح يدخلوا الفورمه ... اما انه يدخلهم من بداية المباراة فهذي مجازفه ... الله يصلح الحال ... بالتوفيق للملكي ... يعطيك العافيه... |
بصراحة موضوعك يدل على جهلك لماتقول فجدتك يبدو لي أنها من مخيلتك لذا خلنا نمسي بلا لقافة وكلام وجدتي وعمتي ( عيب ) والله أتمنى حذف الموضوع اللي لايغني ولايسمن من جوع وبعدين ترا مااسمه دفتر يابواربعين... |
mr star صدقني انه ذبحني البرد من الجو البارد في المدرجات ومن برودة المباراة وكنت على اعصابي مثل كثير من الزعماء حتى تعدل الوضع في الشوط الثاني وللمعلوميه كان عفشي ايام الدراسه في امريكا شنطة ملابس وشنطة اشرطة الزعيم وبالذات اشرطة الفيلسوف مااقول الا اللهم ادم انتصارات زعيمنا فوق كل ارض وتحت كل سماء لك محبتي |
إقتباس:
طيب وفتحي الجبال مستقر على تشكيلة وحدة لو انصاب من عندهم لاعب مثلا التون راح يطيح فريقهم بعدين الفتح الان في البطولة العربية وغاب من عندهم لاعب واحد امام العربي وخسروا لماذا لان ماعندهم البديل الجاهز اشكرك اخوي الغالي |
| الوقت المعتمد في المنتدى بتوقيت جرينتش +3.
الوقت الان » 04:04 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd