غريب امره المدرب ذا
اللعب الي يستحق انه يكون اساسي بالتشكيلة
ويعطا فرصه يكون احتياط
والعكس اما تكون فلسفله وقناعات على امكانيات المدرب
او بعض الاسماء مفروضه على المدرب

سامي يقول المسئلة شخصية !! ولا من المستحيل يكون خارج التشكيلة ويذكر عدم حاجته له؟

لابد اعطاء سعد فرصه.

بدل الكوري الاعمى

والله يا أخوان طلباتكم كثيرة

صدق يوم قال ابن مساعد ما تبون واحد شاورما .!

هاسيكـ جا ولا اقتنع بسعد وكومبواريه جا ونفس الحكي .!

نفس سالفة عيسى المحياني بوجودهـ جا أكثر من مدرب ولا مدرب اقتنع بالمحياني .!

أنا ما راح أقول سعد فاشل بس إمكانياته ما توازي إمكانيات ويسلي وياسر ويوو بيونغ سوو

واللي يقول سعد جاب سوبر هاتركـ مادري هاتركـ في المباراة الودية

راح أقول له شغله وحدهـ بس .!

تذكرون الهلال بالبطولة الودية اللي سواها الموسم اللي فات مع الدرب دول .!

وكان بالهجوم يوسف العربي واللاعب الكوري يو بيونغ سو

الكل راهن بنجاح الكوري .. لأن كان مستواهـ بالمباريات الودية خلني أقول أكثر من ممتاز .!

بس تعال شوفه بالمباريات .! وكل واحد يقول أنه فاشل .! رغم أنه مزعج دفاعات الخصوم .!

فلا تحكم من المباريات الودية أبد .. المقصد من المباريات الودية أنه يلعب اللي محبوس بالدكة

وتجانس الفريق مع بعض ..

بس صعب أقنع جمهور مثل جمهور الهلال اللي كل واحد له قناعاته .!

رغم أن الهلال أفضل موسم له أشوفه هذا الموسم .!

هزم الشباب وهزم النصر وهزم الأهلي وكاد يهزم الاتفاق والله يعلم الاسبوع الجاي مع الاتحاد

وبرضو مو مقتنعين بالمدرب .!

الله المستعان بس

إقتباس الرسالة الأصلية كتبت بواسطة shosho karezma رايكم سعد الحارثي لو اعطي فرصة راح يكون افضل من الكوري ام لا ؟؟

لا طبعاً ( الكوري ) أفضل من الحارثي , و يو لاعب مشاغب يكفي تسبب في ركلة جزاء و سدد كرتين خطيرة وحدة بالعارضة و طول المباراة يركض و لا تنسَ ترى الكوري عمره 24 سنة أو أقل بعد و هو أصغر من عبدالعزيز الدوسري لكنه إحترف مبكر و هذا أول إحتراف له عموماً ( الحارثي ) لا يحتاج لفرصة له 7 سنوات يلعب بالنصر و نعرفه زين مع ناديه السابق و مع المنتخب مغ كامل إحترامي لاعب عادي جداً لا يستطيع صنع هجمة لنفسه عكس الكوري و لا يتقن الرأسيات مثل الكوري و لا حتى كسر التسلل مثل الكوري رغم أنه أكبر من يو بيونج سو و أكثر مشاركة مع المنتخب

إحساسي يقول أن سعد الحارثي بيلعب مباراة الهلال مع الإتحاد طبعا يكون بديل مو أساسي
الكوري مصاب وهذي فرصة سعد

ليهه مايمشي الككوري ويبقي الحــآآرثــي..اتمنى تنسيق المرشدي وناممي,,,الزوري ممتاز جدآ فـي مركـز قلـب الدفـآع..!

والله اتمنى ان سعد يكون اسساسي
بس متى يجي الوقت المدرب يعطيه وحتى المسسلم معاااااه

إقتباس الرسالة الأصلية كتبت بواسطة عبدالرحمن الدوسري المفروض يحطونكم مدربين وش نبي بكمبواريه اصلا

أليمه أخوي عبدالعزيز هههههههههههههه

لايستحق ان يلعب اساسي في فريق كالهلال
يعتمد على الضغط على حامل الكرة واللعب من لمسة
وبصراحة سعد يفتقد للقوة في الاحتكاكات واللياقة والسرعة
احس كانه لاعب معتزل
اتمنى التوفيق للهلال في المباراة القادمة ونرى هرماش والشهراني
والبيشي اساسيين ان شاء الله

ياخي استغرب من بعض الردود من حقي كا مشجع للكيان ابداء رائي
سعد لاعب كبير واتوقع بل واجزم لو اعطي ربع الفرص الي تعطا للكووووري
راح يثبت للمدرب امكانياته الفنيه الكبيره
اتمنا اعطائه فرصه للحكم عليه
اشكرك اخوي ع الموضوع الجميل

إقتباس رايكم سعد الحارثي لو اعطي فرصة راح يكون افضل من الكوري ام لا ؟؟

وجهة نظري نعم الحارثي افضل من الكوري صحيح الكوري
مشاغب بس بدون فائده رح نتكلم عن اخر مباراه فقط كلنا تابعنا مباراه هجر
وجهه المرمى مرتين وضيعها جميعها لو كان الحارثي مكانه لا تمكن من تسجيل على الاقل واحده منها وكلنا نعلم ان الكوري رح ينطرد في الفتره الانتقالات ورح يتاكد بقى الحارثي طيب ليش ما يلعب الحارثي في مباريات مثل الهجر لكي يستعد حساسية المباريات و نستفيد منه في المباريات الجايه
والكل يعرف ميزة سعد طول القامه ومتميز في الراس
وهاذي الميزه التي يفتقدها الهلال صحيح ويسلي و ياسر يجيدونها بس مو الافضل من سعد .
واتمنى العطائه الفرصه مثل ما اعطينا " وليد الجيزاني و فيصل الجمعان "
لكي لا نندم بعد رحيله , واللعب اخر 10 دقائق وبعض الاوقات اخر دقيقتان لا يمكنه بتقديم كل ما لديه ,
الحارثي مع النصر كان الرقم 1 قبل الاصابه عند جمهور النصر والكل
كان يشيد فيه ولكن عندا جاته الاصابه لم يلقي العنايه الكامله وهو قد صرح
بذالك في المؤتمر الصحفي عند قدومه ل نادي الهلال ,

اتمنى اعطى سعد الحارثي على الاقل مباراه واحده ؟

خليني ابسطها لك بشكل افضل

مدى فائدة الحارثي و مدى فائدة الكوري

الحارثي 0% فنياً .. و تراه لعب مباريات و لا سوى شيء .. و في التمارين برضوا مو جيد

الكوري 40% .. لاعب لياقته عاليه جداً .. سريع .. مهاري .. من افضل اللاعبين في استلام و تسليم الكره .. و لكن مشكلته الوحيده هو انه مربوش عن المرمى

ركز في كل كوره ضيعها الكوري راح تشوف ( استلام 100% - تركيز 100% - تمركز 100% التسديد 0% هههههه )

انا اسميه المربوش .. و لكن كـ لاعب بصراحه مأثر جداً نفياً و مقاتل و انا اشوف فايدته الفنية اكبر من سعد بكثييييييييييييييير

والله الحارثي لاعب اكثر من رائع
ويجب اعطائه الفرصه كما اتيحت لغيره من اللاعبين
ومن وجهة نظري ان الحارثي افضل من الكوري بكثير بس (لا تعليق)