[ALIGN=CENTER][TABLE=width:70%;][CELL=filter: glow(color=deeppink,strength=16);][ALIGN=center]
تلبية لرغبة الأخوان..;)

الحاتمي..

القاضي..

أهدي للجميع هذه الروائع للمبدع بدر بن عبدالمحسن..

راجية أن تنال على استحسانكم وعلى رضاكم...;)

[/ALIGN][/CELL][/TABLE][/ALIGN]



[ALIGN=CENTER][/ALIGN]


[c]



إلا الهوى

ابعتذر .. عن كل شئ ..
إلا الهوى ..ماللهوى عندى عذر..
ابعتذر ..عن أي شي ..
إلا الجراح ..ماللجراح إلاالصبر ..
إن ضايقك انى على بابك أمر ..
في ليلة ألم.. واني على دربك مشيت عمري وأنا
قلبي القدم ...
ابعتذر ..ابعتذر ...كلي ندم ...
عن كل شئ .. إلا الهوى ..
ماللهوى عندي عذر ...
اتصدقي ...ماخترت أنا أحبك ..
ما احد يحب اللي يبي ..
سكنتي جروحي غصب ..
ياحبي المر..العذب ...
ليت الهوى وانتى ...كذب
كان اعتذرلك عن هواى ..
وماأقول أنا كوني معاي ..
ان ضايقك انى على بابك امر..
ليله ألم ...
وانى على دربك مشيت عمري وأنا ..
قلبي القدم ...
ابعتذر ..ابعتذر .. كلي ندم ..
عن كل شئ .. إلا الهوى ..
ماللهوى عندي عذر ..
الله كريم ..حبك ..يكون..
همي القديم ..
وجرحي القديم ...
والله عليم .. يا أحلي العيون ..
ان الفراق .. جزا الفراق ..
ابوعدك ..كان الطريق بيبعدك ..
بامشي بطريق ..
وكان الحجود بيسعدك ...
مالي رفيق ..
ابجمع اوراق السنين ..وأودعك..
كان الفراق اللي تبين ... الله معك ..



•·.·´¯`·.·• •·.·´¯`·.·•




قـصـة حــب

في كل قصة حب أحلام ومدينة..

.. ليل ونخيل وهبوب

لكل قصة حب لو كانت حزينه..

.. أجمل ألوان الغروب

ناظري ضيّ الحوانيت القديمه..

.. ونقش أبواب البيوت

كلها شعر ومواعيدٍ قديمه..

.. وصوت قلبـي اللي يموت .. وما يموت

لكل قصة حب عذال وحسود..

.. ليه تخدعنا الأماني والليالي السود .. سود

إشعلي جمر العناد قربـي معاد أشوفك..

.. لا يفرقنا السواد

ارسمي وجهي بكفوفك..

.. ولا تجرّحنا عيون الليل وحروف النميمه

ولا يعذبنا السكوت..

.. إن عطشنا أو شربنا الدمع ديمه

للهوى بنحيا ونموت..

.. لكل قصة حب أشواك و ورود

وليه نصرخ من ألمها وكلها تنبت في عود ..

.. ناظري هذا قمرنا لو تغطيه الغيوم

وناظري هذا شجرنا ومهما تحرقه السموم ..

.. ولو تجرّحنا عيون الليل وحروف النميمه

ولو يعذّبنا السكوت ..

.. إن عطشنا أو شربنا الدمع ديمه

للهوى بنحيا ونموت !!


•·.·´¯`·.·• •·.·´¯`·.·•




موت وميلاد

فـ عيني تغيب الشمس .. وتشرق أفـ عيني
في ناظري للشمس ..موتٍ وميلاد
لليل في دمعي سنا .. نجمتيني
وللصبح في جفني شفق هم وسهاد
كن السهر دربٍ عليه اب تجيني
ولاودي اقطع درب لاماك برقاد
ياللي جميع الناس بينك وبيني
وكل لحظةٍ أنا انتظر منك ميعاد
عذري لياسي منك..انك تبيني
خنت الرجا..وان صنت لي عهد ووداد
البسمتك ترخص غوالي سنيني
جرحي يهون وجاير الشوق يزداد
ولمصافحك ربي خلق لي يميني
امدها لك وصل وامدها ابعاد
أنسي عذاب العمر وجروحك اجداد


•·.·´¯`·.·• •·.·´¯`·.·•




النسيان

تذكر النسيان ... لاعاد تنساه
ياقلب ... وانسي القلب لعل يشفا
يدرى الحبيب ... انه حبيب وابجفاه
ماهو خراب الكون ... لاقفيت واقفا
كان الخطا منى ... فقلبي خطاياه
هو علمه ... وشلون ... يهجر ويجفا
تعب المسافر ... وابعد الموج مرساه
صار المدى له يم ... والشمس مرفا
ومل الهوى نوحه ... وبوحه ... ونجواه
ماعاد لى صبر على الجراح ... تكفا
الى متى ...صدري بيحترق حناياه
كنك على صالي ...عظامي بتدفا
والى متى ... جفنى بيسقيك من ماه
كن الليالي لاصفا الدمع تصفا
تذكر النسيان .... ياقلب وانساه
وانسي ... الجروح اللي مع الوقت تشفا


•·.·´¯`·.·• •·.·´¯`·.·•



صعب السؤال

صعب السؤال ... ليه نفترق
صعب السؤال ... وين نلتقي
انتى الجنوب .. وانا الشمال ..
ومابيننا .. بحر ..ورمال
لكن نحب .. والله نحب .. وفوق الخيال
... صعب السؤال
ياللي اجمل من كلامي عنك واقرب من سكوتي
آه ياطول المسافه بين احساسي وصوتي
ماهو غريب ... انى اسألك
وانتى انا .. كيف اوصلك
لامستحيل .. هذا الرحيل
من يقطع الصمت الطويل
ويـــدلــنــي
قصيدتي .. وين الحروف .. جف القلم
ياضايعه .. ببرد الكفوف .. رعشه الم
قصيدتي ... الا الندم ...الاالندم
بتسافرين .. وانتى معي
قصيدتي ..لاتسمعي .. غيري قصيد
ياساكنه افـ ورق الحشا .. وحبر الوريد


•·.·´¯`·.·• •·.·´¯`·.·•




صعب

وادري فراقك صعب..

حتى رجوعي صعب..

ما به حلول..لكن بقول

تعذبي يوم.. يمكن شهر

انسي السهر ..وانسي القهر

وانسيني…

عيشي حياتك كلها.. بحلوها وبمرها

يمكن تلاقي لك حبيب ..

يصير لجروحك طبيب

وترجع فرحتك ثاني..

وتنسي الحب وتنساني

وتترك ديره احزاني

واشوفك في ليالي الصيف ..

تمر جنبي كانك ضيف

واشوفك مع حبيب ثاني..

واشوف بعيونك الفرحه

وحزني شوه اجفانى..

وقلبك انبرى جرحه

وقلبي انجرح ثاني

جلست اذكر امانينا..

ودمعى حرق اوجاني

وتذبحني اغانينا..

وهي جنبي مع ثاني

تضم يدينها بيده..

كان اليوم ذا عيده

وانا يدي على خدي..

وهمى والزمن ضدي..

صعب..


•·.·´¯`·.·• •·.·´¯`·.·•




رساله

إلى من .. يهمها أمرى .. إلى من ..
رجاءٍ .. إلى متى صبري .. رجاءٍ
أنا لن .. اشتكي .. همي لغيرك ..
ياروحي ..اشتكي روحي على من
رساله .. حبرها ..دمي ..
رساله ..تصرخ ابهمي ..إلى من ..
سألت الرمل .. في دروب القوافل ..
سألت الجدب .. عن لون السنابل ..
سألت الناس عن وجهك حبيبي ...
عن الشمس .. ومتى تشرق مساءً
أحبك ..يالصحاري اللي ..
فـ هجيرك .. احترق كلي..وفاءً
كتبت لواحة عيونك رسايل ...
بسراب الدمع ... وانفاس القوايل ..
كتبت وذي ترى .. اخر رسالة
أحبك .. وان نسيتيني .. وداعا


•·.·´¯`·.·• •·.·´¯`·.·•




زمان الصمت

وترحل .. صرختي تذبل ...
في وادي... لاصدى يوصل ..
ولاباقي أنين ..
زمان الصمت ..
ياعمر الحزن والشكوى ..
ياخطوه ماغدت تقوى...
على الخطوه.. على هم السنين ..
حبيبي .. كتبت اسمك على صوتي ..
كتبته في جدار الوقت ..
على لون السما الهادي ..
على الوادي..
على موتي .. وميلادي..
حبيبي .. لو أيادي الصمت ..
خذتني .. لو ملتني ليل ..
أناعمري ..انتظاري لك ...
لاتحرمنى ... حياتي لك ...


•·.·´¯`·.·• •·.·´¯`·.·•



العمر أحبك

لليل أحبك .. مابقى في السما نور
والى ضواني الليل .. للصبح أحبك
واللحظة اللي كلها صد وغرور
اشوف قبري بين عينك وقلبك
في صدري اسراجٍ حزين ومكسور
رغم المطر والريح ... شلته افدربك
والله مابه غير لوعاتي قصور
وخوفي عليك الله ربي ..وربك
إلى متى ببني على صمتك جسور
لاحيرتني اسباب سلمك وحربك
العمر احبك... مابقي فينى شعور
ومتى جفاني العمر ... وشلون أحبك


•·.·´¯`·.·• •·.·´¯`·.·•



اجمل الحزن

يا اجمل الحزن ... لدموعك سلام
من حبيب ... بقى منه الكلام
وين انا منك .... غربني الزمان
وخانني النور ... وابعدني الظلام
لو بعزيك ... سالت دمعتي
تدري الدمع في حبك ... حرام
لو بواسيك ... مايكفي الهوى
ولو ابي ... عذر مايكفي الغرام
اعطنى من عذابك يا البعيد
صرخةٍ ... تجعل ظلوعي حطام
اااه ...لو في يدي ابكي معاك
قطرةٍ مادرى عنها الغمام
مبخل الوقت ... يحرمني البكا
وانت لجلك حرمني الابتسام
يا اطهر الحزن ... لو كان القصيد
يكشف الغم عن بدر التمام
لكتب الشمس شعرٍ في سناك
وامحي امن السما...عج وكتام
ياعسي البدر نوره مايغيب
عن حبيبٍ بقي منه الكلام


•·.·´¯`·.·• •·.·´¯`·.·•





[/c]

[ALIGN=CENTER][TABLE=width:70%;][CELL=filter: glow(color=deeppink,strength=16);][ALIGN=center]
¤¦¤تقبلوا تحياتي وتقديري ¤¦¤

·.*.·شهوووده·.*.·
[/ALIGN][/CELL][/TABLE][/ALIGN]