اليوم عديت من متجر الزعيم .. متجر نظيف ومرتب وكشخة لكن اللمبات من الخارج محترقة ..

يعني اللي يعدي من المحل هذا ما يدري وش يبيع ذا المحل ..

أمانةً أنا ما ألوم إدارة المحل أو غيرهم ..

اللوم الوحيد هو للجمهور .. أي نعم للجمهور .!!!

مقر عملي قريب من المتجر وما عمري عديت ولقيت فيه زباين .. 24 ساعة فااااضي ..

كيف تبغون العاملين بالمحل يهتمون والمحل اللي يشتغلوا فيه شبه مهجور ؟!!!

قبل المتجر أزعجونا الأعضاء متى يفتح متى يفتح .. ولما فتح راحوا يصوروه وينزلوا تغطيات وبعدها سحبوا على أم المحل ..

يا أخوي المتجر هذا فٌتح مو عشان تصوره وتنزل تغطيات .. المتجر فٌتح حتى تشتري منه وتدعم فريقك ولو بالقليل ..

صورة مع التحية :





وتحياتي للجميع ~

اذا يبغونا نشتري منه يخلون الاسعار معقوله مو تيشيرت ب300 واكثر وين عايشين
اروح اشتري من محلات الاسبورات ارخص واوفر
رواتبنا ع قدنا وانا اخووك محنا عيال تجار ولا راتب الواحد 15 الف وفوق
الواحد اذا يبي يكسب زباين بالعقل والمنطق مو اسعار خياليه عشان يرجع خسارته خلال سنه مثل اصحاب العقار يسوي له عماره ويأجر الشقه بالسنه الوحد ب30الف بس مستعجل ع ارجاع الخساره
وبعدين الفائده كلها بتروح لموبايلي يعني النادي مو مستفيد شي يعني مع السلامه ماراح يهمنا ,,,,

المتجر النادي ما ستفيد منه ولا ريال

بوابة المتجر بصراحة لا تبدو واضحة و إضائتها خافتة .. أتمنى الاهتمام من موبايلي قليلا .

أسعارهم غالية ومبالغ فيها

يعطيك العاافيه

السلام عليكم ورحمة الله وبركاته
طبعا عزيزي هذا المحل اللي في جدة طريق الملك مع حراء
اولا في اعتقادي موقع المحل غريب وليس في احد المولات او في احد الشوارع الحيوية مثل التحلية او فلسطين
ثانيا اسعارهم جدا مرتفعة يعني انا رحت ومعي اولادي الاثنين اللي احرجوني وكل واحد اخذ تيشيرت وكان وقتها سعر التيشيرت الواحد 200 ريال يعني دفعت 400 ريال فتخيل يا اخي راتب الواحد فينا كم 400 فيه والاسعار والايجارات كل يوم اكثر من الثاني ولولا اني انحرجت ماكنت اشتريت
ثالثا ايش من اتفاقيه اللي تخلي النادي ما يستفيد ولا باي نسبة حتى الآن يعني مو كفاية باقة الموج الازرق وموبايلي الهلال وعليه يجب اعادة صياغة عقد متجر الهلال ومراعاة الاسعار لتناسب دخل الفرد وبلاش نضحك على انفسنا ( وهذا ما يجعل اغلب المشجعين يشتروا من التيشيرت المقلد ) وخاصة هناك خامات جيدة والسعر لايتجاوز 60 ريال في محلات الرياضة
تقبل مروري ولك تحياتي

غريبههه !

طيب يمكن كآنوا بيقفلوون ههههههه < يرقع .

شي طبيعي اسعاار غاليه اسعار خيالية مييين يشتري

بس اذا جات عروض على 50% او 70% زي السنة الي طافت طبيعي المحل يصير فل على الأقل تصير الأسعار معقوله

تقبل مروووري

ماتبي نأثثه من جديد ونقعد فيه 24 ساعه ...يعني تبي كل مامريت تبي المحل يكون مليان ...

فكرته الي عندنا ف الدمام


والله دخلت فرعنا وفرع الرياض اسعااار نااااااااار
ماحبيت اطلع خاليه اخذت ميداليه ولا سعرها مو على شكلها بعد شلون تبي الناس تشتري !!
وشي ثاني الي عرفنااه ان المتجر مايفيد النادي يفيد موبايلي

ياليت ينزلون في الاسعار شوي صراحه مره ناااااااااااااار
وياليت يغيرون من جوده السلع

الاسعار نار هم بهذه الطريقة ماراح يكسبون جمهور الهلال
نقص الاسعار تحصل على جمهور كبير