السلام عليكم ورحمه الله وبركاته
مبرووووكـ يازعماء الفوز الغير مستغرب والرباعيه الغير مستغربه
الملكي يفوز بـ اداء رائع ونتيجه حلوه ,, وهذا هو عوايد الكبار .. هاردلكـ للاهلي
مبرووك وعقبال البطوله ان شاء الله
المعلق عدنان حمد
اليوم اللي يشوف المباراه يقول ان الاهلي السعودي يلعب مع فريق اجنبي
والله العظيم ملينا من التعليق في القناه الخشبيه
والله واضح عليه انه مغبون ويكره الهلال كثير ,, حتى وان حاول يرقع ويبرر
واضح ياعدنان ’’ حاولت اعديها وعيت تعدي
سوابق لهذا المعلق >> واليوم غير مستغربه منه
لكن عـ الاقل يعلم اني هذي امانه ومن الواجب الانصاف وتأدية واجبه على اكمل وجهه
مثل ماتستذكر بطولات الفريق المنافس >><< لابد عليك ان تستذكر ايضآ بطولات الزعيم
اذا ماتقدر على الامانه ومغبون واصل حدكـ اعتذر عن المباراه
منت مغصوب تعلق على مباريات الزعيم
المعلق >> الاهلي وصيف اسيا والاهلي وصيف الدوري والاهلي بطل الابطال
والاهلي عاد العام الماضي لمستواه بعد الهزيمه من الهلال بالاربعه
يواسي الاهلي
المعلق مهمته وصف المباراه فقط .. هذا ايش دخلها تجيبها في المباراه
الهلال يسجل 4 اهداف .. ولاحس من هذا المعلق
حسسني ان المباراه متعادله
معلق شاطح بعيد عن المباراه >> المفروض يوصف المباراه اللي امامه مايروح لبعيد
طيب ليه ماتقول الهلال بطل الدوري قبل موسمين الهلال بطل اسيا 6 مرات الهلال الزعيم بـ 54 بطوله
يعني لازم في كل مباراه الهلال يكون فيها طرف تروح تشطح
.................................
.................................
.................................
ياسر القحطاني الكابتن الكبير اليوم في تصريح له بعد المباراه طالب الجمهور الهلال بالحظور والمسانده في المباراه القادمه
المباراه الجايه ان ماخاب ظني رااح يكون قدام هجر يوم الثلاثاء بعد القادم
همتكم يازعماء الرياض وضواحيها الجو جميل والهلال جميل .. وليس امامكم اي عذر مقبول لعدم ملئ الملعب