-
دورتموند أمس غير الطقطقة الحاصلة في مباراتهم ومستواهم الخالع في البطولة ككل وأمس بزيادة
تسببوا على مانشيني بفقد الأمل بالبطولة بعد تسجيلهم لثلاثية في الشوط الأول
شيء كبير تشوف فريق مثل دورتموند مبني على انتقاء اللاعبين واختيارهم وأغلى لاعب فيهم مايتجاوز سعر دخوله النادي 20 مليون مع إني تناقشت أنا وواحد في سعر ريوس كان ببالي 10 مليون مع المزايا قال 15 مليون مع المزايا
الأكيد يورغن كلوب شيء كبير الي يسويه جدا في ألمانيا ويستحق إنك تسميه أكبر دليل على نجاح فكرة بلاتيني
في المقابل فريق مثل السيتي ومثل زينت ومثل تشلسي من أغلى أندية أوروبا خرجت من المجموعات قيمة ورقية للاعبينهم وقدرة شرائية خرجت أو على وشك الخروج من المجموعات
طبعا دورتموند الي توه رجع للأجواء الأوروبية بعد غياب
في المقابل فرق مثل أرسنال والريال وباريس تحارب للتأهل الي حسمه البروسيا قبل النهاية بجول كمتصدر لمجموعته الفولاذية
ألف مبروك لعشاق لأسود السيجنال أيدونا بارك
أمس
اندرلخت ناقص لاعب من كانت النتيجة 1-0 لميلان .. ومع كذا قلصوا الفارق لـ 2-1
ولاحسمت المجموعة من هالمباراة الي حسمها تعادل زينت مع ملقا الأسباني.
باريس أمس لافيتزي بخمسين عطى خروف ايطاليا على أذانه هذا لاعب تحطه ع الدكة لكن وش تقول
أمس لافيتزي لعب مباراة عمره وشال باريس على كتوفه للتأهل مع إن المجموعة برأيي ثالث أقوى مجموعة بعد مجموعة بروسيا ومجموعة اليوفي
ألف مبروك لعشاق باريس التأهل ولعشاق هالمجرم الأرجنتيني الفوز أمس
بخصوص اليوفي أعيد وأكرر مسألة مباراة شختار هي وحدة من ثنين يا يوفي في يومه معناها بيفوز بفارق مريح بعد
يايوفي ماهو في يومه معناها تعادل مثل الذهاب
شختار فاز على تشلسي لأنهم فريق أقل بقيادة ماتيو ماتيو هو من سوى أكشن في المجموعة
من يعشم في فوز شختار يحتاج له يصحصح في الأحوال الطبيعية شختار يبطي يفوز على اليوفي
فريق يلخمك في ملعبك ويسيطر ويسوي كل شيء وفي الأخير حده يتعادل معك
جاي بعد ماعرفناه واستعدينا له تبيه يفوز .. اسمح لي أقول لك فاهم الأبطال غلط
حتى لو كان شختار يبي الصدارة هذي أول مباراة يلعب فيها تحت الضغط ولو كانت في ملعبه
خلنا نشوف وش بيسوي قدام عراقة وفخامة سيدة ايطاليا العظيمة
مبروك للي تأهلوا وهارد لك للي خرجوا اسبوع اوروبي جميل بالنسبة لي
.

juventus |