|
من يقدر يغيّر المرشدي ويبعد الكوري ويعطي الفرصة للاعبين ذبحتهم الدكّة !!؟؟؟ للأسف الكوري عملية تسويق مكشوفة بعد أن تورّط النادي فيه يعني بالقوّة يبون يبيعونه وما أحد بيشتريه لأن من عنده عقلية كروية لا يفكّر أصلا بهكذا لاعب !! وعلى حساب الزعيم شوف فرحته بالهدف الرابع في آخر الدقائق على باله جايب هدف النهائي في البطولة خخ المرشدي ( شكل لاعب) فقط في أغلب المباريات يعطي الخصم فرص ذهبية لأن يسجل فيك وأخطاء بالجملة ومستوى لا يؤهله أن يلعب في الدرجة الأولى وليس لديه الرغبة ولا الإمكانية في تطوير نفسه نامي لاعب أقلّ من عادي بل أقلّ ركض على غير فائدة دخول لمنطقة الجزاء مرّة كل موسم تجهيز كور طبعا مستحيل وأغلب الرفعات الجانبية يا برّا >>> يا برّا >>> يا أوت الغنّام ملك الكروت والمسك في منتصف الملعب دوره فقط يأخذ الكرة من هذا ويسلمها لهذا صناعة لعب = صفر أشتراك بدون خطأ = مستحيل مرواغة = ناقص صفر توزيع كور = في كل 15 كورة كلها خطأ :: وين ننافس ومثل هالنوعية من اللاعبين مفروضين على التشكيلة بسبب تردّي مستويات بعض الفرق مركزنا الآن غير منطقي إنتظروا فقط الأسابيع الأخيرة وبتشوفون المركز إن أستمرت هالنوعيات مع الفريق :: لاعبين ذبحتهم الدكّة ومستوياتهم تتناقص لا بدّ من أن يعطوا الفرصة بدل هؤلاء ولا تحلمون في بطولات خارجية ومثل هاللاعبين أساسيين هذا الواقع للأسف ،،،، :: لو خطأ المرشدي أرتكب في مباراة أخرى مع فريق آخر غير التعاون كان بيكون سبب في خسارة ثلاث نقاط |
احياناً اتمنى ان تتعاقد الادارة مع قلبي دفاع وصانع العاب وويسلي ويكون الفرج محور والشهراني والحارثي اظهره ونواف العابد وسالم او عزوز الدوسري وياسرالقحطاني ويكون المرشدي والمسلم احتياط مع الزوري ونامي والقرني و الشلهوب والحارثي احتياط |
المرشدي مافي امل مع هالمدرب الكسلان أنا استغرب هالاجازات فايز او خاسر لازم يعطي راحه للاعبين |
انا معك لكل نقطه قلته بس اختلف معك من ناحية الغنام اصابات ودكة احتياط تره اغلا لاعب ايامه لما جاء الهلال بس مايبرر اخطاءه هالشي ولكن هو افضل الموجودين ع اقل تقدير واشوفها افضل من القرني اللي ماخذين به مقلب وعززززرزاه لابو عزيز والغامدي بس |
اتفق معك الا في نقطة الغنام الغنام لاعب كبير وافضل محور موجود حاليا بالهلال |
والله الغنام لاعب جيد ويجيد افتكاك الكور من الخصم وصناعة اللعب ليست من مهامه |
إقتباس:
الكلام .. هذا كان .. زمان .. الكرة الحديثة .. تحتم .. على كل لاعب - حتى حارس المرمى - .. يجيد الاستلام والتسليم .. وإجادة التمرير .. في أضيق المساحات .. وانظر إلى الفرق المتسيدة .. على مستوى العالم .. |
آلمدرب لو يشوف لآعب مبدع .. المباراه الجايه يخليه احتياااط ! مثل ماشفنأإ الشهراااني بدع قدام التعاوون . بيخليه احتيااط و قولوآ مآقلت |
آذآ آلآدآره سيئه بالتعـآقدآت المحليه تبيهم يشيلون اللآعبين الي قلت آسمـآئهم ..! لو آلآدآره قويه في التعـآقدآت كآن المرشدي وطقته برآ النـآدي من زمـآن .. :yes: |
متى اشوف مدرب برازيلي مع لاعبين برازيليين احس انهم افضل من الجنسيات الاخرى والماضي يشهد بذالك اختفت المهاره بغياب المدرب واللاعب البرازيلي من الهلال . وسلامتكم . |
للاسف اصبحنا جمهور مدمر للفريق صرنا نشوف الاعبين يبون يتخلصون من الكوره عشان الجماهير ماتسبهم او تسب اهاليهم ثانيا الحين مش وقت تغيير علينا اننا ندعمهم بدل التحطيم وترى المرشدي والنامي والله مو سئين لكن خلاص بعض الجماهير اذا حطو في راسهم لاعب مستحيل يرضون عليه ولو راح المرشدي وبينكشف الدفاع وراح تشوفون اما الغنام فاستغرب مطالبتك بابعاده هو من افضل المحاور بس كل ماجاء يرجع لمستواه جاه اصابه لكن بحول الله ربي يشفيه ويفكه شرها وباذن الله مع الطبيب الجديد والتشخيص الصح حتى لو اصيب مايطول |
كل الاعبيين الذين ذكرتهم بالاساس لاعبي احتياط ماعدا المرشدي نبي شوية منطق |
إقتباس:
رد يكفي عن كل الردود واللي يبي يشاركني بعمل هاشتاق في تيوتر فليتواصل معي اضن المنتدى لايكفي بابعاد المرشدي ونامي والزوري |
كل اللاعبين اللي ذكرتهم مع الزوري طبعاً مايستحقون ولا ان يكونوا لاعبين احتياط للزعيم ..واللي يقهرك ان اغلبهم اساسيين.. |
الغنام ونامي ممتازين كاحتياطيين فقط اما المنكبي عفوا اقصد المرشدي اتوقع انه مستحييييييييييييل حتى يكون احتياط فما بالك بابعاده عن الفريق نهائيا قسم بالله يالمسلم افضل منه بمراحل لكن وش نسوي مالنا غير الصبر |
المرشدي الزوري ونامي ولا تنسا هرماش اذا الاداره ماقدرت تسوقه خله احتياط لاعب عله علي الفريق |
المرشدي_لاعب ما في راااسه كووره تبيه نكبات خذه ولد الغنام+حدث ولا حرج مجاملات بالكوم لهذا اللاعب اه يالغامدي الي شال مكانك ابو غنام الله يصبرنا عليه نامي_ابي اعرف وش يتدرب عليه بس ولا اوفر صح الكوري_عسى الله يجيب الانتقالات الشتويه ويفكونا بس عبدالعزيز الدورسري_لاعب محترم بس بدايه الدوري قال مستواه يبيله مبارتين ثلاث احتياط ويزبط مانقان_ناقه البسوس هذا لاعب يلعب بالدوري الفرنسي حده الدوري السرلنكي ويخب عليه |
ههههههههههههه وربي فيه فئه منهم من يدعي الولاء لناديه الملكي وهم لايلمون بوضع ناديهم من جميع النواحي فالمرشدي عضم الله اجره عمه متوفي ماله اسبوعين وانقطع عن التدريب 3 ايام وهي ايام العزا ومع ذالك لم يستغني عنه المدرب القوي كومباريه. لذالك اسمع انت وياه قند واللبيب بالإشاره يفهمو. الزعيم الملكي متصدر الدوري وخزعبلاتكم والتصيد بالماء العكر لايسمن ولا يغني من جوع اما انت يامن تدعى سمرقند فعزة نفسي اكبر من ان اوجه قلمي بأتجاهك وبالذات حينما تحرم من العضويه الملكيه بمعرفات سابقه لك. سر ياكبتن الملكي يالمرشدي فجن الملاعب خلفك |
إقتباس:
آمين يارب قلت اللي بخاطري المرشدي جاب لي المرض الله يمرض شيطانه يا شيخ لو يجي حارتكم بيجيب الواسطه حقه ورح يشوفون لك حل وممكن يطردونك من حارتك ( امير ما هو قادر فيه تبي تقدر عليه ) لكن ما معي انا وانت الا الدعاء . بالنسبه للغنام اشوف انه جيد اما نامي فلا تعليق .. بعد ما جابوا الكوري يوبيو الظهير اللي حل مكان نامي ارتحنا من نامي والغريبه الادارة الله يصبحها بالخير تعرف مكامن الخلل في الهلال ومع ذلك تجيب لاعبين على شاكلة العربي وهرماش ويو ... وكلهم لا يمكنهم اصلاح الخل الواضح في الفريق . لكن نشوف وش بتسوي الادارة في الانتقالات الجايه . |
إقتباس:
عمه الله يرحمه ويغفر له لكن يا عزيزي اخطاء المرشدي من زمان ليست حديثة العهد و ليست واحد ولا اثنان .. عزيزي كل واحد لديه اخطاء ولكن لا بد ان تتعلم من اخطاءك وهذا الامر غير موجود لدى المرشدي اتمنى يكون المرشدي افضل مدافع في العالم ويمثل الهلال ولكن اخطاءه هي من تجعل الجمهور ينتقده .. تقبل نقدي وعاذرك من يوم شفت توقيعك !!! |
ولا يهون الزوري ............................. |
إقتباس:
هذه زبدة الكلام ،،، شكرا لك |
المرشدي هذا عنده واسطه قويييييييييييييييييييييييييييييييييييييييييييييييييييه صراحه على كثر البقعات والنكبات والدلاخه اللي فيه تلقاه بالهلال والمشكله الاعظم انه يكون اساسي على حساب يحيى المسلم المرشدي معروف بالواسطه القويه حقته واحسه من قوة الواسطه اذا اعتزل راح يكون مساعد المدرب بالفريق هههههههههه اما عبد اللطيف الغنام اتفق معك انه بنص الملعب بس يكسر ويمسك اللاعبين وياخذ كروت بس انه فنان وعيبه الاصابات واحيانا يلعب مباراه او مباراتين ويغيب فوق الـ10 واتمنى من اداره الهلال اذا استمر كذا انها تنسقه لأنها ماتستفيد منه الا بـمباراه او مباراتين اذا امكن واما عن الكوري ياليت والله انهم ينسقونه اذا ماحد بيشتريه لأن اللاعب ماينفع ابدا ابداً واما عن نامي احس اللاعب يتجهد ويطور من امكانياته على خلاف المرشدي وطقته بس البيشي افضل منه بمراحل |
إقتباس:
ياحبيبي صح ان عمه توفى الله يرحمه بس المرشدي ماله مباراه او مباراتين يغلط له سنين وهو يغلط ودايم ينكبنا ويعني اذا الهلال كان متصدر الدوري خلاص مانتكلم عن النكبات اللي بالفريق وكذا ؟؟ والغريب انه مازال يلعب اساسي على حساب يحيى المسلم اللي هم افضل منه وبمراحل بعد :ranting: وبعدين اي واحد ينتقد صار ماينتمي للهلال ؟؟ عجييب :to: وسر يالزعيم الملكي .. بس من دون المرشدي :s2: |
إقتباس:
اللهم أبعد عنا المرشدي والنامي عاجلا غير اجلا اللهم ارنا المرشدي اساسيا في النصر و النامي ظهيرا لااتحاد الله يتقبل دعائنا :rose::smilie47: جزاك الله خير ياصاحب الموضوع طلعت اللي في قلبي شكرا لجميع من وقف مع الزعيم ضد المرشدي و شاكلته |
ياشباب بالله عليكم خفو شوي على اللاعبين وعلى الإدارة... ماغير شغالين تحطيم ونقد لاذع وووو بهذه الطريقة ماراح نوصل لأي شئ - الفريق الآن في المركز الأول في الدوري وماحنا راضيين!!!!! - أما خروجنا من آسياً .. هذا هو الأهلي الي كثير من المحللين يرونه أفضل فريق فنياً هذه السنة خرج وبالثلاثة بعد ولو كان فيه مباراة إياب كان صار أكثر من كذا. بس ربك ستر عليهم... - أما من يلعب أساسي ومن إحتياطي هذه قناعات مدرب.. يعني وش وظيفة المدرب إذا كل واحد يبي يلعب لاعب ويبعد لاعب عن التشكيلة. - المرشدي قاعد يسوي كل لي يقدر عليه ويقاتل على الكورة وأما الأخطاء مافيه أي لاعب في العالم مايخطئ. بس المشكلة في نظري أن البعض قاعد يتابع الدوريات الأوروبية ويشوف مستوى اللعيبة ويجي يقارنهم بوضع ومستويات لعيبتنا. - الغنام أنا اشوفه أفضل محور دفاعي في الفريق حالياً لكن الإصابات أبعدت اللاعب عن الفريق وإن شاء الله يعود إلى مستواه وتألقه. - مشكلتنا حسب رأيي في صانع اللعب المهاري اللي يجيد الإحتفاظ بالكرة وتوزيعها بشكل سليم للمهاجمين. - أخيراً أقول إذا أردت أن تطاع فاطلب المستطاع: وضع الكرة السعودية بشكل عام يمر بدوامة وهبوط في المستويات على كل الجهات (المنتخبات - الأندية) بكل الفئات السنية. الموضوع أكبر من الهلال. يجب أولاً الحرص على تطوير مستويات وعقليات اللعيبة ثم يمكن حينها ان ننافس وبقوة على البطولات الخارجية. ولاإدارة حالياً قاعدة تعمل بتركيز وتخطيط مستقبلي واكبر دليل التعاون بين النادي والفريق الإسباني لتطوير الفئات السنية للنادي والذين هم الوقود الفاعل ومستقبل الفريق الزاهر بإذن الله. فبالله عليكم ساندوهم بدل أن تحطموهم وتقللوا من مجهوداتهم.... تمنياتي للزعيم الملكي (إدارة ولاعبين وأجهزة فنية وجماهير ومحبين) بكل التوفيق والنجاح... |
إقتباس:
جماهير الفزعة مع اللاعب ضدّ مصلحة الزعيم ما لها مكان عندنا ،،، من يوم شفت توقيعك وأنا عارف أصلا ردّك قبل ما تكتب نحن ننتقد لمصلحة الفريق المرشدي خلااااص أوت حان تغييره رضيت وإلا ما رضيت وإنتظر فقط وسترى ،،، |
طبعاً أتفق معك على العاهات اللي ذكرتهم وأزيد الحارثي والزوري ومانجانا وخرباش البرباس أم للمدافعين عن الغنام , اللي أقدره وأحترمه كإنسان خلوق إلا أنني أقيم أدائه الفني في الملعب فأجد بأنه يرتكب أخطأ غبيه أمام المرمى قد تشكل خطر كبير على مرمى الهلال , والمصيبة لا يتعلم من أخطائه , الغريب يصاب فيمكث في غرفة العلاج كم شهر فيأتي ويطقها أساسي كذلك بيول الغفله المرشدي لا يمنعه من طقها أساسي إلا الاصابات وهي نادره (أحم أحم أحم) أو يكون ماله نفس ورايح للمكشات أو الشبه , غير كذا لو يبي يلعب بعكاز طقها أساسي بس أموت وأعرف من ابن الحرام واسطته والله لا أمردغه والله إن إرتداء هذا العاهه مع زميله النامي الغير نامي يقميص الهلال لهو أكبر عار على الهلال لا ولإستكمال التبلوه ورفع ظغط الدم اللي يعتبر أحد هويات شاعر الغفله معطينه الكبتنيه يعني موتوا بغيضكم النجم المرشدي قاعد على قلوبكم أقول الله يرحم الحال كرهنا الكوره وساعتها مع ابن مساعد |
إقتباس:
أمّا هذي بحدّ ذاتها كبيرة ووصمة عار في جبين الزعيم وتسلم والله على الإضافة |
بس النقد هاذا الي تقدر تسويه سوال لو سمحت بطاقتين صفرا صار ملك البطاقات ولعيبة الاتحاد!؟ وصناعة اللعب صفر يعني تبي لاعب محور دفاعي بحت يصنع وتبيه يراوغ هههه الغنام نجم المباراة امس مع ياسر والشهراني شكلك ماتبعت المبارة امس لاتعليق؟!!!! |
كنت احترم ادارة بن مساعد والان عرفت ان الرجل يبي كم كاس محلي عشان يسبق الرؤساء السابقين بعدة كؤوس محليه يعني لاتحلمون بكاس اسيا مع هذا الرجل هذا الرجل يستخف بعقول الجماهير الهلاليه الهلال في اسيا يذكرني بنادي نجران في دوري زين |
المرشدي ونامي والزوري ماراح نفكر في اسيا وها الاعبين معنا |
ياخي على مستوى الدفاع في الكورة السعودية مافيه الا هوساوي والمولد اما البقيه انسى اما الاعب الكوري انا اشوفه جيد ولاكن مشكلته انه اسيوي والاعب الاسيوي مكمل بس |
| الوقت المعتمد في المنتدى بتوقيت جرينتش +3.
الوقت الان » 02:28 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd