اولا وقبل لا ادخل فى الموضوع بأقول لكم على حلم حلمته البارحه حلمت خير اللهم اجعله خير ان
الزعيم تأهل للمربع لا وفاز بالدورى قولو انشاء الله
ومن خلال هذا الموضع نتقدم
بأحرالتهانى لجميع عشاق الزعيم ---- صدق الحبيب
نرجع لموضوعنا عقب ماصحيت من النوم وشفت هالحلم طمرت من الدوشق اللى كنت فارشه
بالارض وبسرعه غير متوقعه وصلت للارض واشوى ماجانى شى ----- ياشين العجله
قمت ونزلت من غرفتى على المجلس وماغسلت وجهى -- اصلنا مانى متعود وبعدين ليش الخساير
وانا نازل مع الدرج لقيت مسواك طايح اخذته وقعدت افرك فيه اسنونى -- الله من زود النظافه :
rolleyes: وجلست افكر فى هالحلم واقلب بدمجتى واهوجس كانى فليحان اللى بالمرور واذا قلبت
دمجتى يمين لازم( ونش )علشان ارجعها يسار -- الله من كبر هالدمجه
تصدقون انى اذا وقفت
قدام المرايه وقعدت اطالع بهالدمجه اقول ماينقصنى الا عظمتين واطلع كأنى محمد نور
الا على طارى محمد نور ماتشوفون انهم ماعاد يجيبون مالك الا هيفا ---- امحق تشبيه
انا
سمعت انهم قالو لها اما انك بتظهرين بهالشكل لابالله معصى لازم تحجبين راسك والباقى مهوب لازم
اللى بيناظر ولا بكيفه
ومن بعدها قررت انى اتحجب .. لاياشيخ
واثناء ماانا قاعد اهوجس
وطبعا قاعد العب بأصبع رجلى بخشمى علشان تزبط الهواجيس طق الباب رئيس نادى الهلال --- قل
قسم
لا طقت براسى فكره ليش مااسافر -- ايه نسيت انى حالف مااسافر كله بسبب هالطيار
النجس كرهنى بالسفر
طيب وش اسوى ياربيه وش اسوى وانا قاعد اروح واجى عند باب
البيت شوى الا وقفت دوريه
انا شفت الدوريه طقتنى ام الركب ولا قدرت اتحرك :sad: نزل
من الدوريه جندى فيه بوهه من فليحان اللى بالمرور بس ان هذا يختلف عنه عليه يدين كبار لو
لخنى فيها طلعت صيخ كباب من غير تتبيله
وقف جنبى وقال لى وش عندك قلت ماعندى شى
وبعدين هذا بيتنا قال لاياشيخ امبين انه بيتكم انت ورجولك هاللى وحده وسط البيت والثانيه واصله
الزفلت -- من جد الخوف يسوى اكثر طالع شكلى كأنى علامه صح
قال لو سمحت اثباتك عطيته
الاقامه وانا مدرى اخذها وهو يقول بعد بعد يوم فتح الاقامه طارت عيونه
وتغيرت ملامح
وجهه قال لو سمحت نبيك تشرفنا شوى
قلت له سم -- من جد حبيب مايقول لا
... ركبت
الدوريه معه وقام يكفخ فينى بشوارع هالرياض ومن زين الطبايع مافيه مكيف والشمس تدبغك الين
تسيح خدودك قلت له الحين ورا ماتودين للقسم قال وراك عجل اصبر شوى خلنا نضف لنا كم واحد
على الدرب -- حشى خط البلده مهوب دوريات
وعقب ماضف له خمسه هنود طار فينا للقسم
دخلنا القسم قال انطقو الين اشوف الظابط شوى الا قامو ينادون اسامينا راجيف خان زمان دخل
راجيف وهو يتراجف وعقب ساعه طلع وهو يوزع ابتسامات
قلت الحمد لله الامور زينه واكيد
هالظابط بيحل مشكلتى --- اصلنا مافيه مشكله شوى الا اسمعهم يقولون سئيده مهمود
افا
فيه حريم معنا وانا اصك ازاريرى واصلح شماغى واعدل عقالى على زاويه 180 درجه شرقا علشان
يجيب عرب سات
وانا على اعصابى ابى اشوف هالقمر اللى بيمر من قدامى شوى الا قالو سئيده
مهمود وانا اطمر مع العسكرى عائله سئيده مهمود التوجه للبوابه الغربيه --- طلع بيت عروس
طالع فينى العسكر قال انت هنيا وانا لى ساعه اصوت لك امشى قدامى -- وش السالفه دخل على
الظابط قال له المتهمه سئيده -- متهمه
هذى مشكله الاطخم
قلت للظابط طال عمرك ترا انا
متهم منيب متهمه وبعدين وش اسوى ربى خلقنى اطخم واهبل وترا طال عمرك هذا وانا جايكم
ماغسلت وجهى ----والله الفاضى
قال عندى خبر اهم شى وين كفيلك قلت طال عمرك فيه غلط
هذى الاقامه لقيتها طايحه واخذتها معى وكل يوم اقول بكره بأروح اسلمها للقسم قال هههههه ترانا
شباب وفاهمين بعض وبعدين هالبنت منحاشه من اهلها لها شهر
- انا لله والله البلشه قال
شف ياابن الناس انا ماقدر اسوى لك شى لازم تصلح غلطتك وتستر على البنت -- يأخوى انت ظابط
ولا مملك
قلت له منتاب صاحى هذى اكبر من جدتى قال اهم شى الاخلاق
طبعا فيه واحد من
الجنود حبيب وطيب قام واتصل على اخوها وقال له ترا اختك عندنا بالقسم --- مهوب كانى
تورطت ...
شوى الا دخل علينا واحد كأنه مكينه قلابى ويصارخ وينها وينها قال الظابط ترا
ماحصل الا كل خير والرجل اعترف بغلطته ومستعد يصلحها -- لابالله اللى انحجرت حجرت فأر
بطحين
طالع فينى اخوها وقال انت حبيب الغفله
قلت له وانا اتنافض من البرد :sad:
انا قصدى شريف وودى اتزوجها هو سمع هالكلمه صرخ صرخه افزعت اهل منفوحه قبل العليا
امسسسسسسك اثببببببببببببببببببت وما انتبهت لنفسى الا وانا محصن ولا اقدر افتك ولا اقدر انحاش
فأخوها هذا اللى قلت لكم عنه يسمونه اهله الخكرى ولكم ان تتصورون باقى الاخوه :sad:
مايستفاد من القصه:
لاتهوجس عند باب بيتكم الا اذا كنت عزوبيى وودك تتزوج
اذا انت اطخم لاتطلع للشارع الا وانت لابس برقع ( من عنده برقع سلف )
القلابى له مكينه كبير جد -- قل قسم
البعض وليس الكل من الجنود لايعرف القراءه والكتابه ؟؟؟؟؟؟؟؟؟؟