|
بين دهاء كمبواريه و حقيقة الجابر أبحرت كثيراً واحترت بأي مفردة ممكن أستفتح كي اصف مدربنا الداهية وخاصة بعد مبارتنا الأخيرة مع فريق الفيصلي أبهرتني قراءته التي غالبا ما يدونها بورقة هي اشبه بمذكرة لموعد مستشفى أو لقاء صديق ويوم بعد آخر يأكد لنا ان المدير الفني لنادي القرن فقير فنياً حاولت ابرر ما يفعله فلم اجد ما يشفع له ايعقل فريق مثل الهلال الذي كان يبهر منافسيه بادائه التكتيكي يعجز عن جملة تكتيكية ولو واحدة يقنع المشاهد بها بانه يعمل وأن الادراة لا تعبث بهذا الكيان دفاع مفكك وسط طقها والحقها هجوم مستسلم وما يزيد من حيرتي هو وجود بعض النقاد الرياضيين الذين يثنون على كمبواريه مع احترامي الشديد لهم وتقديرهم ومنهم محمد الشيخي وخلف ملفي يطلبون منا كجماهير أن نصبر وسنجني . وأنا اقول لهم نحن لا نملك الا الصبر وكمبواريه لن يجني لنا إلا شوكاً . ياسادة جمهور الزعيم ذواق لا يعجبه إلا فريق عنوانه البطل واسمه الزعيم لكن واقعنا للاسف ينذر بخطر حتى لاعب الفيصلي فهد عداوي أسائه حال الهلال وتسبب في ركلة جزاء لو تمكن الكوري من ضرب الكره برأسه لا اضاعها برعونته المعهودة ولكافئه مدربه بالمشاركة اساسياً بدلاً من الخلوق سعد الحارثي اعلنها من هذا المنبر الملكي كمبواريه ليس أجدر من سامي الجابر في تدريب الهلال وستذكرون ما اقول لكم همسة بِنكِيهة : <?xml:namespace prefix = o ns = "urn:schemas-microsoft-comhttp://vb.alhilal.com/ /><o:p></o:p>...ue><FONT face=رجالات الهلال عسى المانع خير :cry:<o:p></o:p> |
المدرب الفرنسي كبير ومعروف في اوروبا بس المسكين مايعرف امكانيات ولا لاعب وش يسوي الان قاعد يكتشف الاعبين فقط لازم نرجع الي المدرب الوطني هو الوحيد اللذي يعرف امكانيات الاعبين السعوديين اما ناتي مدرب لايعرف شيئا عن الكرة السعودية ونريدة ان يحقق لنا الانتصارات في اسابيع معدودة هاذا خطا يوجد نقطتان المدرب الوطني او الصبر ع المدرب الاجنبي لين مايعرف الاعبين والمشكلة الجمهور الهلالي العاطفي لايعرف الصبر والسلام عليكم و رحمة الله وبركاتة |
أشكر مرورك سعود واحترم رايك لكن هل هذا اول مدرب اوربي ياتي للهلال غيره كثير لكن اعتقد انه مفلس ولا يجيد الا كتابة اسماء لاعبي الفريق في الورقة |
أختلف معاك .. بالبدايه كنت ضد التعاقد مع كوامبواريه لكن بعد ماشفت سياسته وأسلوبه بقيادة الفريق تغيرت وجهة نظري وصرت مؤيد له .. الي يسألني ليش ؟ أقوله لأن كوامبواريه جا ولقى فريق مشتت دفاع ومحاور ووسط وهجوم ! وهو مدرب جديد على المنطقه وأول مره يطلع من فرنسا ! شاف الفريق وعرف أن الفريق يحتاج لمدافع أجنبي مكان هوساوي ويحتاج لمحور دفاعي بدال هرماش أو صانع لعب بدال هرماش ! ( بالعربي ماهو مقتنع أن هرماش محترف أجنبي ) ! وشاف ان الهلال يحتاج لمهاجم أجنبي جنب الكوري حتى بوجود ياسر وسعد !! طبعا ادارة الهلال إدارة إستثماريه حصلت لاعبين بدال هرماش ولكن ما لقت عروض تبيع هرماش بسعر كويس وقالت للمدرب ترى مالقينا لك لاعبين أحسن منه ! عطه فرصه ثانيه يارجال ! ( تذكرون هرماش بالمعسكر ماتمرن يومين وكان بيروح لقطر ووقتها العربي راح لغرناطه ) ! مانقان من خلال المقاطع قبل يجي الهلال ممتاز لكن بالهلال ماقدم ولا ٣٠ ٪ من مستواه والي يتحمل فشله هو المدرب لأنه هو الي إختاره .. وهرماش الي يتحمل فشله هي الادارة ! ( محور أجنبي يضطر المدرب يشرك محورين سعوديين جنبه علشان يغطون ضعفه القرني والفرج ) ! والهجوم مسكين قسم بالله ! حرام لاعب كبير بأمكانيات ويسلي لوبيز ما يملك صانع لعب حقيقي بعد إنخفاض مستوى الشلهوب ! الكوري هذي السنه الثانيه وهو يصنع خطورته من نفسه ويضيع من نفسه وأحيان يسجل بدون محد يساعده من لاعبين الوسط ! ياسر ٢٠٠٧ كان خلفه صانع لعب بحجم طارق التايب ! وياسر ٢٠١٠ كان خلفه ويلي ونيفيز والشلهوب وكان ياسر ممتاز يسجل ويصنع ! خلاصة الكلام .. العلة ليست بكمبواريه .. المشكلة في الادارة .. يا انها تبدأ من الصفر وتنسى الاربع سنوات الي راحت أو محد يجبرها تكمل معانا اربع سنوات وهي ترد على اي مطالبات للجماهير بمقولة : نحن عملنا خلال اربع سنوات ماضيه وصرفنا مبالغ وقدرها ! طيب اذا ماعندك استعداد تصرف كثر هالمبالغ وأكثر منها قدم استقالك والهلال مارح يوقف عليك ! لاعب الاتحاد دي سوزا بيترك الاتحاد لانهم ماقدروا يسددون رواتبه وهو راتبه مقارب لراتب ويلي ! ليش ما نتعاقد مع دي سوزا بدال هرماش ؟ |
إذا الأعلام قال المدرب " تعبان" .. لاعبي الهلال مع الخيل يا شقرا .. أنواع الإنهزامية .. وإذا الإعلام رفع أسهم المدرب .. اللاعبين أنواع الدعم .. مشكلة كومبواريه أنه تمت محاربته منذ توقيعه العقد .. |
المدرب من كثر مايكتب في ورقته مايمديه يقرأ اللي كتبه يذكرنا بطيب الذكر ، الجوهر وملفه وكبوسه مدرب استلم الفريق منذ مرحلة الاعداد وحتى الان لم يثبت على تشكيله وقتل خط الوسط وطفش اللاعبين والان الفريق يقدم اسوأ المستويات ويكفي نلعب امام الفيصلي بثمانية لاعبين دفاعيين !!!!!!!!!!!!!! الهلال يدافع امام الفيصلي في ظل اكتمال عناصر الهلال ومحترفيه وإدارته وجماهيرة !!!! |
اعلم جيدا ان الاخوة المشرفين على المنتدي لا يريدون ان اقول الحقيقة من وجهة نظري الخاصة وان حرية الراي مكفوله بس هداهم الله مايعجبهم هذا الكلام لن الادارة تزعل امازعل الجمهور مايهم... انا حاولت وقالت راي من يوم الاعلان التعاقد مع ها الداهيه انتوان كومبورايه واللي عاطل عن التدريب بمايزيد الثمانية اشهر وفي وقت شح المدربين الجيدين وتحديدا عندما منح اجازة للاعبين من اول اسبوع اشرف فيه التدريب الهلال عرفت انه من طينة دول ويمكن هاشيك افضل منه علما ان هذا الداهيه الفرنسي كان باستطاعت الادارة التعاقد معه قبل هاشيك لاانه كما ذكرت كان عاطل وفاضي بس حكمت ربك حتي يضيع حلم الاسيويه ؟؟؟؟ والدليل انه مفلس لعبه ظهير امام ظهير هذه جديدة في عالم التدريب والحق انني قالت ان موسم الافعال للأقوال هوموسم للنسيان وان اسيا بح وتم ايقافي عن الكتابة هنا ورغم حبي وعشقي ودائما الحقيقة تجد من يصدها ولايريدها وفي النهايه هي الواقع ويمكن هذا الكلام يجيب ايقاف لعدم توافقه مع راي المشرفين!!!!!!!! وقبل الرحيل اقول هالموسم حتي كاس ولي العهد مافيه وهو كاس ابو فهد الغالي على كل هلالي للا هلاليين الرئيس |
آهه بس تخبط وآضح وصريح من كومبوآريه .. من زمآن وهو مآ إستقر على تشكيله وحدهه .. وأهم حآجه في نجآح آلمدرب هو آلإستقرآر على آلتشكيله .. و إقتنآعه بـ يآسر آلشهرآني بخط آلوسط .. وفيه ملآحظآت كثيرهه ع آلفريق كله وكذلك آلإدآره لكن ربنآ يوفق .. |
انا معاك المدرب اذا استمر راح تشوفون الفريق من سيئ لاسوء سؤالي هل الاداره تشوف تخبط المدرب ام لا او هو عناد يستمر لنهاية الموسم يعني يستمر يعطيك العافيه |
أشكر مروركم جميعا واسعدتني مشاركاتكم بس تعليق بسيط للي يقول ان كمبواريه مدرب جيد واللي يقول اننا مع الاعلام باللي يقوله سؤالين لا ثالث لهما 1- اختار مقطع من اليتيوب لا يتجاوز 5 ثواني فيها لمحة فنية تدل على عمل المدرب 2- عمركم شفتوا الهلال يضيع الوقت مع الفرق الكبيره ناهيك مع الفيصلي في المبارة الماضية اي انهزامية بعد تلك المبارة اااااااااااه والله اني مقهوره وماني مصدقه هذا هو الهلال |
كومبوآريه مآينفع مع آلهلال , آلهلال قوته في وسطه وهو قتل لآعبين الوسط |
عزيزي الكاتب ليس العيب في كومباريه بل العيب في ادارتك التي ترى مدرب فقير من كل النواحي لايفقه في التدريب سوى ( الشخمطه ) على الورقه أيعقل ان يلعب الهلال كل مبارياته على الاطراف والاعتماد عالعرضيات وأنت في الاساس لديك أظهره لاترفع في السنه عرضيه ناجحه الا مرتين او ثلاث من يوم شفت المدرب يغير في مباراة اولسان وهو مهزوم اثنين في الدقيقه 45 الشوط الاول علشان يضيع الوقت وانا غاسل يدي ومع هذا ارجع واقول العيب في ادارتك اللي جلست شهور تفاوض سامبولي وتكاسر في قيمته وتقيم من نفسها وتقول ما يستاهل المبلغ لو بعدد اخطاء الادارة بنتعب من الكتابه لكن الله يصبرنا عليها |
يعطيك العافيه يعطيك العافيه وبكل صراحه ياجمهور الهلال من حقنا نطمع فى كل بطوله لكن الصبر زين وماله داعى نكوش على كل البطولات:yes: |
هذا المدرب يقتل الهلال ببطء لا أدري كيف هي عيون الادارة التي تراه حتى الشوك لن يجنية مع الهلال ً ضالة الهلال مدرب بحجم مدرب الفريق الصيني بالتوفيق لهلالنا |
انا من شفت نزل تشكيلة في لقاء اولسان والشباب خفت بس الاعبين مع الشباب لعبوها صح وفاز الهلال معاهم ليس السبب قوة الهلال بل ضعف الشباب ثم نزل مع الرائد بفريق اخر لعب احسن ولكن لم يكن هو في الموعد مع اولسان اتمنى ارجاع وسط الهلال وتكثيفه وارجاع عزوز خلف الهجوم ويدخل منطقة ال18 مثل زمان يراوغ او يسدد وليس طرف وبعد مباراة الفيصلي تاكت انه ليس المدرب الكبير لكنه جيد واتحدى وان شاءالله يرجع سامي الجابر وتعرفون الهلال الحقيقي المتعه والقوه قالها سالم الدوسري افتقدنا سامي الجابر |
| الوقت المعتمد في المنتدى بتوقيت جرينتش +3.
الوقت الان » 05:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd