|
رابطة مشجعي نادي الهلال - اكثر من علامة استفهام - دعوة للمشاركة وايصال رسالة لاصحاب الشأن من اكثر الامور التي تحير الهلاليين هي رابطة مشجعين النادي ، هل يعقل ان يكون زعيم اسيا بكاملها من غير رابطة محترفة تسير وتشعل المدرجات وتدخل الرهبة والخوف في قلوب الفرق المنافسة، وتشعل حماس اللاعبين حتى يقدموا اقصى ما يملكون. للاسف رأينا رابطة الاتحاد من قبل واليوم نرى رابطة النادي الاهلي والتي تتكون قيادتها من شابين من مدينة جدة وتقوم بهذا التنظيم الاكثر من رائع لمشجعي الفريق حتى يظهر الملعب بهذا الشكل المبهر وكان النادي في الدوري الاوربي. عندما استمعت لرئيس الرابطة في مقابلة تلفزيونية قبل مبادرة الاتحاد الاولى افاد بان المال هو سبب نجاح الرابطة والدعم المادي اللامتناهي من الادارة الاهلاوية هو سبب هذا البذل والابتكار والتنظيم الرائع والاهازيج المبتكرة والمستمرة. سؤالي واسف على الاطالة ... مالذي يمنع ادارة الهلال من تنظيم عمل الرابطة بشكل احترافي ...ولماذا لا يتم تخصيص موارد مالية للرابطة ، هل يعقل ان يكون دورهم تطوعي ومن غير مقابل في زمن الاحتراف ... لماذا لا نرى الواجهات الملونة بالوان النادي تغطي كافة ارجاء الملعب ، لماذا لا نرى الاهازيج القوية التي تزلزل الملعب بدلا من اغاني لا تسمن و لاتغني من جوع يكون دورها عكسي على اللاعبين لانها تدخل الملل الى نفوسهم وتقتل فورتهم لاداء الافضل. اذا كانت الادارة عاجزة او ليس لديها الرغبة لماذا لا توكل الموضوع للشريك الاسترتيجي موبايلي التي اجزم انها ربما ستجلب رابطة محترفة من الخارج لاداء هذا الدور. او يوكل الموضوع برمته لأحد اعضاء الشرف المستعدين للبذل. صدقوني دور الرابطة مهم جدا جدا ولنا في الفرق العالمية اكبر دليل. ومن غيرها سنرى الملعب دوما كما كان في مبارة الفيصلي الاخيرة وسنرى التشجيع بنفس الطريقة التي رأينا. |
مافيه تطوع من الجمهور بنادي الهلال اللي يجي ويكتب تعالو احظرو ولازم نعبي الملعب هذا ياخذ من الاداره فلوس والرابطه كلها موووظفه بالنادي بعد كل مباراه ياخذون حقهم يطقون ويردون وهيك بس الغلط في الموضوع ( مكان الرابطه ) ليه ماتصير مثل اول بالواجه ليه على الاطراف ؟؟؟ لو يتغير مكان الرابطه بيتفاعل الجمهور اللي بالواجه واغلب اللي يروحون جنب المنصه يمين ولا يسار مايبون ازعاج والرابطه تتواجد فيها مكانها غلط ووين الناقور من الاتراس ؟ قبل اربع سنين كان الملعب كله ينقلب ازرق شالات تتوزع فنايل واعلام الحين ماتصير الا بالنهائيات بس بعهد عبدالرحمن بن مساعد وفيه حركات يسوونها الرابطه ترفع الضغط مثلا مباراه اولسان . . مغطين حوالي 200 كرسي بالعلم الهلالي حاجزينه لمين ؟ للي عنده عضويه هههههههههههههههههههههههه ياحبيبي هذا مهوب ملعب ابوك جاي تتحكم فيه تحجز كرسي كرسين لاخوياك اوكيه اما حاجز لي فوق الـ 200 كرسي ليه سلامات خير ان شاء الله عشان يجون قبل العشاء بشوي ويجلسون يعني لازم ادفع 375 عشان ارتاح الرابطه يتغير مكانها + مستوى اللاعبين يتطور وتشوف كيف الرابطه ومدى تاثيرها على الفريق الخصم ويعطيك العافيه |
مشكلتنا في بعض اننا حساسين بزياده ونحب الراحه ولانبي التعب ولاعندنا صبر فمثلا الالتراس قدمو جهد كبير وقربو يصلون لنجاح وفجئه تركو كل شي بحجه انه منع من وزاره الداخليه طيب اوكي منع كاسم بس مامنع كاعمل ولوحات جميله هنا يبين انهم ماقصدو يمنع ثم ان البعض منهم حساس زياده مايبي احد يقول له اقلب وجهك او من زين شغلك او ماني مسوي شي نعم انا ضد هذه العبارات لكن من رضي يكون رياضي لابد يصبر ومن رضي يكون قائد مدرجات الهلال لابد يكون صبره مضاعف ويعمل ع كسب الجماهير وتقبلهم بعمل المطلب اما يالغلا قولك الفلوس فالاستاذ حسن الناقور مابخل ولابيبخل عليهم بشي كل شي يوفره لهم الا اذا يبون فلوس مقابل خدمتهم للهلال هذا شي اخر انا لا احسدهم لكن من يضمن لنا اذا فيه راتب ان كل من يجي هلالي وهمه خدم الهلال مو الفلوس الا اذا كانت ببنود وقوانين من النادي واي تقصير يحاسبون هذا ممكن __-اخيرا مشكله جماهيرنا انها تشوف التشجيع والرياضه عيب والمشكله الاخر ان من يقودهم بنفس الفكر مع كامل تقديري لهم شخصيا لكن من لديه رائي اخراهلا به اما عذر البعض ومنهم الاخ تركي ان الجماهير ماتحضر عشان المستوى هذا لايستاهل يكون هلالي انت اعمل لاسباب وباادر كي يحصل لك المراد تدرون ان جماهير الاهلي اطلقه وعملت النشيد ونفذه وعملت حملة مباراه علينا واخرى عليكم يوم فريقها لسه يقدم اسؤى المستويات ومحاوله منهم لرفع مستوى ناديهم واحراج الاعبين بتحمل المسؤوليه وفعلا تحقق لهم المراد بعد توفيق الله ولاننسى هلالنا وابداعاته ايام تواجد جماهيره خلفه |
عشان تعرفون ان كلامي صحيح انها ثقافته مشجع شوفو التواجد في الموضع ولو عن تشكيله اولاعب كان فيه فوق الالف |
نعم دورالرابطة مهم ومهم جداً ))لمانشاهد المباراة نسمع اصوات اشكال والوان اتمنى انهم بس يسكتون)) |
اتمنى يكون اهتمام في رابطه الهلال بجد نشوف جماهير الاهلي والاشياء اللي يسوونها واكيد بنحصل من يوقف مع الرابطه بس اهم شيء تواجدهم اتمنى يتغير المكان للواجهه ولما يكون الجمهور قليل يحاولون يقربون من الرابطه على شان يزيد الصوت والاعلام مهمه تواجدها ما ادري ليه جايين وجالسين لابد من التفاعل حتى اللاعب بنفسه يتفاعل ويعطي اكثر |
رابطة جماهير الهلال مقرها في الرياض وبالله عليك تبي جماهير الرياض تسوي رابطه ياطيبهم للصياح ولا جالسين تقول الملعب فيه عريف الرابطه اللي ماهي مثل الاتحاد تطربك وناس حول بعض وجمهور يخلي الفريق يحرق الملعب ولا بلاش قال رابطه قال يارجال لاتتعب حالك |
إقتباس:
سمعة وتاريخه وتميزه يعني جماهير الهلال ياحد يقودهم كانهم طلاب عنده يا لايسسون شي غريبه تدري ان نشيد الاهلي كان فكره من مشجع واذكر ذيك الايام كان عندي عضويه عندهم والله في البدايه كان فقط يستهزون فيه ويقولون انت وين واحنا فينا خلنا في فريقنا وكيف يرجع لمستواه بعدين نسوي كل شي والحين شوف جماله واكاد اجزم ان كل من يشوفه او يسمعه يحس بالقهر والغبنه منهم الا كان شخص ماهمه الهلال وتطوره في المدرجات ثم في الملعب |
نأمل يكون فيه اهتمام للرابططه الهلالييهه .. |
شاكر ومقدر تفاعلكم وردودكم وبالفعل هذا الموضوع مهم جدا ويحتاج لوقفة ومبادرة قوية لاحياء عمل الرابطة بشكل مؤثر |
شطحة: طبيعة أهل المناطق الساحلية تختلف .. فهم يميلون للحياة الغير مقيدة وروحهم سلسة وسهلة .. يعني أهل جدة - أهل الدمام - أهل بورسعيد ( مصر) - أهل ميامي ( أمريكا ) ... تجدهم بنفس الطباع .. وأفهم يا فهيم ...وكل واحد يحلل ما قلته على مزاجه :naughty: |
الموضوع حلوو جداا من زماان وحنا نقول نبي رابطه زي رابطة الاتحاد او الاهلي نبي حمااس في الملعب ياخي ملل واتوقع من البدايه جمهور الهلال في الرياض عافووه ما يبون يحضرون مباريات ياخي شوفو كيف ججماهير جده سسواا كان الاهلي او الاتحاد يحضرو المباريات اتمنى توفير رابطه للهلال زي رابطة الاتحااد مانبي رابطه كل كلامهاا ي هلااااااااااااااال ي هلاااااااااااااااال والله جد صارت نكته ذي ع الهلال اذا احد من اداري الهلال موججود اتمنى من اول ما يشووف الموضووع يوفر لناا رابطه بتوفيق للهلال تحياتيي هيماا 07 |
لا يجب ان نبخس جمهور الرياض حقهم ، فعلى يديهم تحققت بطولات كثير للزعيم ، ولكن اعتقد ان الوضع الحالي للمدرج الهلالي طاردة حيث لا توجد رابطة تنظم وتطرب الجمهور للحضور وتبتكر وسائل جديدة لتتحول مبارايات الهلال الى امسية جميلة ورائعة وحماسية .. هذا كل ما في الامر |
إقتباس:
وهم من اختاره بانفسهم مافيه شي اسمه منه او جماهير منطقه ع اخرى لكن بحكم الهلال من الرياض عشان كذا كل اللوم يكون ع جماهير الرياض واحنا مانطالب بالمستحيل نطالب فقط باقل شي 10لاف من جماهير الهلال الكبيره كل مباراه لتعود قوه الجماهير ويستفيد الهلال من عامل الارض والجمهور وبنفس الووقت نطالب بمدرج يليق بسمعه جماهير الهلال قبل فريقه فتميز المدرجات يعتبر تميز لجماهير الملكي |
| الوقت المعتمد في المنتدى بتوقيت جرينتش +3.
الوقت الان » 06:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd