وهذه الصور تثبت كلامي ان القسم ميت والمشرفين غير مبالين به

الرابطه
الرابطه وكما يعلم الجميع ان وجودها مثل عدمها تقريبا يجب عليها التعاون مع مجلس الجمهور ومشرفين قسم مجلس الجمهور الهلالي

عيوب الرابطه

1 - صوت رئيس الرابطه له دور كبير وألحانه وأهازيجه
2 – الطبول المنفره للجماهير فهي وجع راس عالفاضي
3 – عدم إيصال الأهازيج للجمهور لمعرفه الكلمات وهذا يتم عن طريق المنتدى وبالاخص القسم المختص في هذا المجال


الحل :


1 - إعاده الإلتراس وتفعيلهم بشكل سليم مع الرابطه

2 - الترابط بين الرابطه والجماهير عن طريق المنتدى بطرح مواضيع للأهازيج الجديده بكتابه الكلمات بالإضافه إلى تسجيل الأهازيج الجديده ملحنه لكي يعرف الجمهور ماذا يردد في المباراة

3 - عدم تجمع الرابطه في مكان واحد والانتشار في الملعب بالتعاون مع الألتراس الهلالي لتحريك الجمهور الهلالي الساكن والصوره توضح معنى كلامي


مكان الرابطه واضح في المكان اللي يشير إليه السهم

الدبابس تكون هي إنتشار الألتراس الهلالي

مثلا لو كان لدينا 120 عضو للآلتراس في الرياض يتوزعون على شكل مجموعات وكل مجموعه مكونه من 10 إلى 15 عضو نستطيع تغطيه الملعب بأكمله وبهذا نضمن تفاعل الجمهور في أغلب أوقات المباراة



أرجوا ان تكون الفكره وصلت للجميع وخصوصاً المشرفين

وآسف على الإطاله فالموضوع يدور في خاطري منذ وقت ليس بالقريب

وفي الختام
أسأل الله العظيم لي ولكم الفردوس الأعلى

ماشاء الله عليك ... متابع دقيق للتفاصيل ..

الله يعطيك العافية ...

والله ياخوك الشي هذا يساعد في تفاعل الجمهور في المدرجات

هي تفاصيل دقيقه بس مهمه في وجه نظري

موضوع الرابطة تكلمنا فلم نجد من يسمعنا ...
طرحنا الافكار فلم تنفذ ...
استغرب نادي بحجم الهلال لايملك رابطة
قادرة على تحريك الجمهور .

وينكم يا مشرفين التعليق ابغاه من المشرفين قبل الاعضاء


لأن الاعضاء تعبوا وهم يتكلمون بالموضوع

فعلا القسم لا يليق بفريق كبير بجماهيره وانجازاته

وبالنسبه للإقتراح هذا



لو شاف النور اتوقع بيصير فيه تغيير في الجمهور من ناحيه الحضور والمسانده

اقول يالبى جماهير الاهلي ورابطتهمممم فننننن طرررب طول المبااراه مجااانين وش ينقصنا نصير مثلهم واحسسسسسسن؟؟؟

حياك الله أخوي كلامك على العين والراس

لكن إذا تبي الإلتراس يرجع تقدر تتكفل بمصاريف

الإلتراس الهلالي وتقدر توفر 120 عضو بمجلس الجمهور

الهلالي بالوقت هذا إذا قدرت توفر النقاط اللي ذكرتها بقولك

أبشر باللي يسعدك ويسر خاطرك أنت وجمهور الهلال وفوق

ذا كله وقبل كل شيء تقدر تضمن تواجد الجمهور الشبه ميت

في المدرجات عشان تقدر تضمن التفاعل وإن حضر الجمهور

تضمن تفاعل الجمهور بدلاً من السب والقذف والتشابك بالأيدي

عندما يطلب منهم الهتاف مع الرابطه أو مجلس الجمهور الهلالي

أشياء كثيره تخفى عليك يا أخي العزيز ونتعرض لمشاكل كثير

ونتحامل على أنفسنا من أجل الكيان الهلالي الذي عشقناه منذ الصغر

أما بخصوص القسم الخاص بمجلس الجمهور الهلالي أتفق

معك لابد من تفعيل هذا القسم ووضع مشرفين متفرغين للقسم

تقديري لك

أخوك .. عبدالله القحطاني

عضو مجلس الجمهور الهلالي

يعطيك العافيه متابع ممتاز واتمنى التصحيح للافضل في المستقبل ان شاء الله

الله يكتب الخير للزعيم يارب ياكريم

تسلم ايدك يالغلا
والله ان مجلسنا ورابطتنا صارت تفشل مع كامل حبي وتقديري لهم كاشخاص
لكن كاعمل فاشلين بمعنى الكلمه ولانننسى بعض الجماهير نصفهم معهم
والله وانا اتابع لقاءت مع رابطه الاتحاد والاهلي استحيت ان الهلال زعيم اسيا وملكها
وهذه رابطه ومجسله
حتى الاتراس لسه باقي يتغنون فيه الاهلي والاتحاد واحنا خوافين
او كسولين ماصدقو اعضانا يقولون خلاص مافيه اتراس

إقتباس الرسالة الأصلية كتبت بواسطة د.مروق حياك الله أخوي كلامك على العين والراس لكن إذا تبي الإلتراس يرجع تقدر تتكفل بمصاريف الإلتراس الهلالي وتقدر توفر 120 عضو بمجلس الجمهور الهلالي بالوقت هذا إذا قدرت توفر النقاط اللي ذكرتها بقولك أبشر باللي يسعدك ويسر خاطرك أنت وجمهور الهلال وفوق ذا كله وقبل كل شيء تقدر تضمن تواجد الجمهور الشبه ميت في المدرجات عشان تقدر تضمن التفاعل وإن حضر الجمهور تضمن تفاعل الجمهور بدلاً من السب والقذف والتشابك بالأيدي عندما يطلب منهم الهتاف مع الرابطه أو مجلس الجمهور الهلالي أشياء كثيره تخفى عليك يا أخي العزيز ونتعرض لمشاكل كثير ونتحامل على أنفسنا من أجل الكيان الهلالي الذي عشقناه منذ الصغر أما بخصوص القسم الخاص بمجلس الجمهور الهلالي أتفق معك لابد من تفعيل هذا القسم ووضع مشرفين متفرغين للقسم تقديري لك أخوك .. عبدالله القحطاني عضو مجلس الجمهور الهلالي

اولا حياك الله يا اخوي كنت اتمنى احد يرد منكم من زمان

واللي اتمناه اكثر هو رد احد المشرفين على الأقسام

ثانياً عطني فلوس الناقور واسوي لك احلى رابطه واحلى ألتراس

وأقدر اوفر لك مو 120 عضو ألتراس
لو تبي 500 بالفلوس تقدر تحرك بلد مو مدرج

فالهلال عنده الامكانيه الماليه اللي تخليه افضل من رابطه الاتحاد والاهلي

لوجود القاعده الجماهيريه العريضه

واللي بيسب ويشتم صح هذا شي يقهر ويخليك تتحطم لكن سبابه يعود إليه

هذا لعدم وعي الجمهور الحاضر والسبب الاول والأخير يعود لعدم التنظيم والتوعيه

في مجلسنا الحبيب عن طريق القسم المختص

وشاكر لكم تفاعلكم ومقدر حجم المشاكل اللي تقعون فيها بسبب الجمهور الجاهل
في التشجيع


ولكن العله ليست فيكم بل في القائد الأعلى والمسؤول الاول هذه الرابطه


صدقني لو تحرك القسم بتلقى الوعي يزيد عند الجمهور



عوده للألتراس الهلالي

في اليوم اللي قرروا فيه الالتراس فرحنا لكن يعاب عليهم انهم ( يستحون )

لأنهم متميزين وظاهرين امام الكل يوم تجي الكاميرا على واحد فيهم تشوف الحياء

باين على محياه تقول انه قاعد يسوي شي غلط




في النهايه اشكر لك طلتك الجميله وتوضيح رأيك فإختلاف الرأي لا يفسد للود قضيه