|
لماذا الهلال لا ؟!! يعطيكم العافيه وكل عام وانتم بخير بعد الزحمه اليوم حبيت ارجع بموضوع في قلبي من فترة وانتظرت حتى جاء الوقت المناسب وهو لماذا وصل الأهلي للنهائي ماشاء الله من 3 مشاركات وحنا ماقدرنا نوصل من 8 مرات تقريبا ---------------------------------- باعتقادي السبب يتحمله اكثر من طرف الأول رئيس الهلال الحالي بن مساعد والرؤساء الي قبله لأنهم خلو البطولة هي همهم الأكبر وشغلهم الشاغل حتى اعتقدو النصروايه اننا نبحث عنها عشان ننافسهم واصبحو يستخدمونها نقطة ضدنا وإنها معجزة لنا أن نصل للكأسنعم أفكر فيها ولكن بالعقل والمنطق وإن خرجت ماصار شي بالعكس أقيم العمل وأشوف نقاط الضعف وأعالجها والقوة ازيدها قوه والأخطاء اصححها الثاني إحنا كجمهور. بالنسبة لي أنا نفسي اليوم قبل بكرة اشوف الهلال يرفع الكأس لكن ماهو بالصورة الي يبغاها بعض الهلاليين وكأن الهلال عمره ماحققها وإذا خرج الهلال اقعد صياح ونياح والإدارة وفيها ويخطيها وهي السبب وهي ما أدري أيشلابد إنا نعتبرها مثل أي بطولة تجي وتعدي وكأنها أي بطولة الثالث الإعلام المضاد والي خلاه يحاربنا احنا والإدارة ماصدقو على الله إنا استسلمنا للموضوع وصار شغلهم الشاغل ------------------------------- نجي لإدارة الأمير عبدالرحمن بن مساعد فيه أخطاء نعم فيه أخطاء ولكن لاتأتي الأخطاء بدون عمل الي يعمل لابد أن يخطيء وهذا ليس عيبا ولكن العيب تكرار الأخطاء فيه اخطاء يمكن اغلبا إن لم يكن كلنا نتفق عليها ولكن فيه اخطاء يتفق عليها البعض ويختلف الأخر وصعب إن الإدارة بتنفذ متطلباتنا كلها ---------------- لماذا تأهل الأهلي للنهائي ومنها نكتشف بعض من الأخطاء عندنا 1- الثبات في اللاعبين ومافيه تغييرات إلا طفيفه من محليين وأجانب ولكن حنا كل سنه نغير ما يقل عن 4 لاعبين إن ماكان أكثر وفي وقت واحد 2- الروح عند لاعبين الأهلي بينما يفتقد لها الهلال في الفترة الأخيرة مع العلم أن الهلال افضل عناصريا 3- وجود الكابتن الحقيقي للفريق والقائد داخل الملعب تيسير الجاسم بينما عندنا مع احترامي لياسر وماجد المرشدي أخذوا الكابتنية في وقت كان يمارس عليهم ضغط كبير وماهم ناقصين هم اكثر من الي كانو فيه ----------------------- في اعتقادي الهلال يحتاج لتغيير لاعب اجنبي واحد في الفترة الشتوية ياهرماش يالكوري حتى لا يتأثر انسجام الفريق واللاعب الثاني و في الانتقالات الصيفة وقادر مانجان يتم تقييمه في نهاية الموسم حتى ياخذ فرصته صح ومانحكم عليه حكم خاطيء مع إني اشوفه لاعب جيد وبدأ يرتفع مستواه وربما ضعف المحور ساهم في الحكم عليه بإجحاف ---------------------- في اعتقادي اكثر ما أثر على النصر والاتحاد هو كثرة التغييرات في اللاعبين صح إن مالنا شغل فيهم ولكن حتى لا نقع في أخطاء بدائية والشاطر الي يستفيد من أخطاء غيرة ------------------------ هذا وصلى الله وسلم على نبينا محمد عليه افضل الصلاة وأتم التسليم |
كلامك رائع وجميل لكن إدارة الأمير عبدالرحمن بن مساعد لن تنزل إلى الملعب وتلعب بدلاً من اللاعبين إدارة الأمير عبدالرحمن مسؤؤليتها تسهيل جميع مايواجه النادي من صعاب فقط وتجهيز الفريق من الناحية النفسية واللاعبين المسؤؤلية مشتركة مابين اللاعبين والجهاز الفني المسألة تحتاج إلى خطة محكمة هدفها الحصول على البطولة تبدأ من حارس المرمى وتصل إلى المدير الفني للفريق وشكراً على موضوعك |
تدري لماذا انه المكتوب والله كتب للاهلي الوصل لنهائي ويمكن حتى الكاس ياخي انت فقط فكر كيف شارك الاهلي في الاسيويه اصلا وهو سابع الدوري شارك بعد مانهزم من الشباب رايح جاي وكسب الاول بالاحتجاج وشارك بصفه بطل كاس الملك ونفكر كيف رجع امام سبهان وكان متخلف بهدف وتعادل في الوقت الضايع ثم في دور ال16رجع للمباراه قبل نهايه الاشواط الاضافيه ب3دقائق ايها الجمهور علينا اننا نؤمن بقضاء الله ونحمده ع كل حال نعم نعمل الاسباب من تجهيز الفريق والحضور بس والله اذا الله مو كاتبها لن تاتي اما اننا كل سنه نحمل الاخفاق ع احد وخصوصا ع الرئيس هذا مش حل فالاسيويه من 10سنوات ماحققها الهلال وليس فقط في رئيسه الامير عبدالرحمن يارب اجعل توفيق حليف الهلال |
شوف حبيبي المسأله اول شيء مسألة توفيق من رب العالمين وايضا الاهلي كان في كامل قوته واسيا في ضعفها لخروج الانديه اليبانيه والكوريه مبكرا بعكس الهلال عندما كان بكامل قوته كان فيه يصارع الانديه اليبانيه والايرانيه وبالأول والأخير التوفيق بيد رب العالمين .. وايضا الاهلي الان يمتلك 11 لاعب من افضل اللاعبين في آسيا من صغار سن ومن لاعبين اجانب ولاعبين خبره .. وبالمقابل الاهلي أكثر من 30 سنه لا يستطيع تحقيق الدوري والهلال يحقق بشكل اعتيادي .. اذا كان هناك توفيق صدقني راح نأخذ اسيا وايضا لا نعطي اسيا اكبر من حجمها من المؤسف ان يكون هم الجمهور الأول هو آسيا اعتبر هذا تخلف ولو نظرنا الى الانديه الاوروبيه العريقه من نادي ريال مدريد اكثر من 10 سنوات لم يحقق ابطال اوروبا ومع ذلك لم يتضجروا وايضا نادي تشلسي لم يحقق اوروبا في تاريخه الا الموسم الماضي ومع ذلك لم تكن همهم الأول اوروبا .. احنا نشجع الهلال من أجل ان يظهر بسمتوا جميل ونشجع الهلال في كل بطوله يشارك فيها ومن ضمنها الاسيويه لكن مومعناته البطولات المحليه ليس لها قيمه بالعكس ربما تكون المحليه افضل من اسيا .. واما اللي يقول العالميه ومدري ايش هذا متخلف انا يهمني اني استمتع بمشاهدة فريقي وهذا رقم واحد ويهمني انه احقق انجازات كانت محليه او قاريه وايضا لا ننسى انه الهلال هو زعيم آسيا بـ 6 بطولات قاريه |
ضيف نقطه .. تخلصوا من الكديش امثال محمد عيد , وابراهيم هزازي . وحسين عبدالغني وغيرهم وجلبوا لاعبين يستحقون شعار الاهلي والهلال ياسيدي باقي محتفظ بمحمد نامي والزوري والمرشدي وعبدالله الدوسري وهذا هو الفرق |
إقتباس:
ولكن لا ننكر جهد لاعبين الأهلي وإدارتهم وصح إن الحظ خدمهم في بعض الأحيان بس برضه قدمو لاعبيه مباريات حلوة في البطولة وأنا ما حملت الأمير عبدالرحمن كامل المسئولية ولكن جزء منها وهو ليش أزيد الضغط على لاعبيني وفي بعض الأخطاء المتكررة وانا كمان دافعت عنه إنه الي ما يعمل يخطي ولكن انا عتبي عليه فيه تكرار بعض الأخطاء ومنها التأخر في التعاقد مع الأجانب والمدرب واتكررت موسمين هذي والا بالعكس الأمير عبدالرحمن قدم جهد يشكر عليه وما قصر وشخصية احترمها واقدرها |
أخي العزيز تأهل الاهلي لانه فاز على سبهـان و الاتحـاد بينما الهلال لعب في أضعف مجموعة بالبطولة (الاستقلال , الشباب , الغرافة) و نال المركز الاول رغم انه تعادل في 3 مبارايات متتالية (لم يفز بالدور الاول ابدا) لكنه تصدر وتأهل الى دور الستة عشر ولعب مع بني ياس في الرياض و فاز 7/1 وتأهل الى دور الثمانية وبين مبارة دور الستة عشر و مبارة دور الثمانية 4 أشهر تقريبا كانت كافية ليغير الهلال جميع لاعبيه ويستعد أفضل استعداد لكنه خيب أمال محبيه وخسر ذهابا و ايابا رغم ان القرعة اعطته الحق بلعب المباراة النهائية في الرياض !!!! لعب بمجموعة سهلة وتأهل و فاز بالسبعة في دور الستة عشر والقرعة منحته اللعب في أرضه لو تأهل للنهائي لكن الهلال في ظل الادارة الحالية (ماعندك احد) وافضل الانجازات هي الفوز على النصر وتحقيق كأس ولي العهد فقط,, الاهلي واجه سبهان و الاتحاد وفاز عليهما ولو كان مشوار الهلال نفس مشوار الاهلي لخرجنا امام الاتحاد بنتيجة تاريخية :s2: |
وربي كــلامك سليـم ميـه ميـــــه أول الأخطاء .. وضع البطولة الاسيوية الهم الأول والأخير للفريق وذلك انعكس سلبـاً على الفريق !! وكـذلك افتقاد الرووووح والحماس وأيضـاً عددم الثبـات على التشكيلة ... حيث لايجب ان يكون تغيير كبيررر بالفريق سنـويـاً ... بارك الله فيـك .. شخصت الموضوع والمشكلـة بكـل صـدق ووضوح وجمالية ونقطـــة توضيــــــــح ........ أتمنــى ان لاننسى ان الهـــلال مازال متسيـد القارة بــسـتـــة ألقــــاب وزعــيم آسيــــا وفريق القـرن الاسيــوي .. ولله الحمـد .. وان لانضغـط على الفريق والإدارة واللعيبـة بهذه البطـولة .. فإن اتت فخير وبركـه وشيء نتمنـاه وان لم تأتي نقوول خيرهـا بغيرهـا .. |
( أعطيني حظ وارميني بالبحر ) |
ياعزيزي الاهلي يمتلك خط دفاع قوي تخلص من الاعبين العالة مثل هزازي وعيد تعاقد مع كامل الموسي ابعد المسعد الكبير في السن واصبح المر اساسي تخلص من النكبة جفين البيشي ومنح الفرصة لعقيل بلغيث بينما في الهلال المرشدي يخطي ويخطي واخرها مع اولسان تارك الخانة للاعب الكوري وتسجل الهدف الثاني ومع ذلك يطقها اساسي وايضا الظهير الخرافي نامي احضرنا المسلم والشهراني ولم نستفد منهم في تجديد الدفاع هذا هو الفرق ياعزيزي |
قدرالله وماشاءفعل البطولة لومكتوبةللهلال بأذن الله كان اخذه )) |
لاتحط الادارات هي السبب سوا الحاليه او السابقة الخلل في الاعيبه لايبالون بالشعار ابد وهذي حقيقه لاعيبه الاهلي وراهم شخص قوي اسمه خالد بن عبدالله تبي تلعب للنادي اهلا وسهلا ماتبي الباب مفتوح لك ولنا مثال في ابراهيم هزازي ووليد عبدربه لاعيبه يعرفون ان وراهم جمهور مجنوووووووون يجب لاعيبتنا يحسون شوي مثل مايندفع لهم مبالغ لانريد سوا فقط الاداء بالملعب اما اللي يقول الاسيويه اكبر هم هذا انسان لايعرف بالكورة شيء الاسيويه اسهل بكثير من بطولات السعوديه لكن لاعيبتنا صعبوها علينا المحياني اول موسم له ويوصل للنهائي ياسر القحطاني ماذا فعل انا احب ياسر لكن لازم يكون قيادي بالملعب مثل خارج الملعب بالاعلام ي زعماء والله اسيا سهله لكن انتم ببالكم انها صعبه يجب من الان التفكير بالموسم القادم وجلب افضل الاجانب |
ياعزيزي كلشي مقدر ومكتوب اللي ميز الأهلي لاعبينهم يملون روح التحدي ومدربهم مغامر وجمهورهم مجانين والله توقعت البارحة العديد من سيارات الاسعاف تكون على ارجاء الملعب موزعة بكل مكان لكن بعد تفكير عميق ادركت لاحقا ان الهلال الاحمر قبل ايام كان في مكة شرفها الله ويقوم على خدمة راحة الحجيج اللي بوصله الأهلي بعد توفيق الله عنده لاعبين وجمهور مجانين فعلا جمهورهم اتحسر عليه كثيرا عندما اراه تمنى يكون حماس جمهور الهلال مثل الاهلي لكن للأسف جمهورنا الحبيب جمهور نهائيات وأخص بالذكر جمهور الرياض بالتحديد والكل عارف هالشئ السؤال اللي للحين محصلت له جواب ليش رابطة الهلال ماعندها جديد ليش ماتسوي مثل جمهور الاهلي اقسم بالله حماس وجنون حتى اللاعب يوم يشوف هالمجنن ينجن معاهم:s5s: خلونا على هلالي يو لين الله يفرجها |
إقتباس:
|
هدا السؤال المفروض يتوجه للادارة ليه ما تصحصح وتشتغل. |
| الوقت المعتمد في المنتدى بتوقيت جرينتش +3.
الوقت الان » 08:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd