[ALIGN=CENTER]مساكم الله بالخير حبيت انقل مقال اتمنى يعجبكم للكاتب العاقل في منتدى مدمي الشباك وهو كان وده

ينزله هنا بس المشكله اليوزر حقه مهوب مفعل ...

السلام عليكم ورحمة الله وبركاته..

مباراة الهلال والنصر عاديه ثلاث نقاط واتمنى لوكانت هي اللي تحدد الفريق الرابع اللي يدخل المربع ..

لكن مالله كتبه ..المهم ان المربع بالنسبه لنا فيه امل بسيط

الرائد ماراح يفوز على النصر ليس لان مستوى النصر جيد... لا ..لان الرائد

ماعنده اي دافع للفوز فريق ضمن الهبوط للدرجه الاولى ..لا ويدربهم لاعب نصراوي سابق (لاتتفلسفون ولاتتعبون حالكم ماهبطتو الا لانه يدربكم نصراوي .. )..

المهم اننا الهلاليين مثل اللي متغدي المغرب ويقولون له تبي عشا ..

يعني فسقه ماهوب جوع ..

اما بعض الناس يااااااا هه ههه الله من الجوع منذ مبطي ماشمو ريح العيشه والفرحه بالبطولات..

هم مثل اللي يغط خبز في الشاهي ويقول اصلا أنا شبعان ..

وهذا تصريح للثمامي ..

إقتباس ًهذه المباراة اعتبرها (دفاعة بلا) لأنها غير مؤثرة على النصر وهي في نظري (زكاة) لأن كل إنسان لابد أن يزكي، وهذه الخسارة هي بمثابة (زكاة) بعد سبع مباريات متتالية لم يهزم النصر.

من حر ماتونس ... الله يأطع شيطن سموك زكاة مرة وحده

بعد سبع مباريات .. اجل اللي لهم سبع سنين ..يبيلهم سبع بقرات

سبع عجيلات على طاري العجيله المحور النصراوي الفلته احمد الخير ماادري كلما شفته ذكرت عجيلة عندنا من عشر سنين ...من جد استغفرالله لكن تسنه عجيله ..

إقتباس ورداً على سؤال بعيد عن التحكيم حول إذا كان مستوى النصر المتواضع هو الذي قاده للخسارة أجاب سموه: بعض لاعبي النصر لم يظهروا بمستواهم كما أن الفريق تعرض لنقص أكثر من أحد عشر لاعباً وحكم اللقاء اكملها هو الآخر بطرد اثنين لكن لو رجعت لشريط المباراة كما ذكرت سابقاً ستجد أن لاعبين من الهلال يستحقون أكثر مما أخذه لاعبونا

يقول بعيدا عن التحكيم ..يدور ثم يدور ويعود على الحكم ..الله يهديه بس ذا الصحفي اللي سأله ..وش تبيه يقول ماعندنا الاكديش ..

بس حركه ناقصين اكثر من 11 لاعب يحب ينكت ابو مملوح ..

المهم انا قريت اليوم زاوية ابو صرامي (سعود عبدالعزيز)..:

الصراحه يوم السبت ثقيل دم بس اذا قريت مقال الصرامي اسفهليت وضحكت ليييين ادوخ ..
ونشوف بعض اللي كتبه قبل المبارة وبعد المباراة :

إقتباس لا أجد مبرراً مقبولاً لأن تذهب جماهير الهلال يوم الخميس القادم لاستاد الملك فهد الدولي لمتابعة لقاء الزعيم بالعالمي إلا انها ترغب بالاستمتاع بالأداء الفني والراقي الذي سيقدمه صغار النصر أمام كبار الهلال ولأن بعض الجماهير الزرقاء تحب مشاهدة الأهداف حتى ولو كانت في شباك فريقها وبأعداد كبيرة فإنها ستزحف بقوة للمدرجات ولكن ليس لدعمه والوقوف بجانبه بل لقضاء وقت جميل في هذا الزمن الكئيب

اجل وين تبيها تروح لحراج ابن قاسم ..

إقتباس فنجوم النصر بقيادة روك بوسكاب وتورنيو وخوليو سيزار سيقدمون لوحة رائعة وزاهية يوم الخميس القادم وسيعدون الإثارة والمتعة لمنافسات الدوري وستكون النتيجة وبنسبة أكثر من مائة في المائة نصراوية ولن يكون للهلال حظ ولا نصيب فالنقاط والأهداف والإثارة سيكون عنوانها أصفر زاهيا وبراقا في يوم خميس مشهود!

اللوحه الزاهيه عساك لقيتها في الحراج ترى عندهم لوحات شي دبش لونها اصفر جذاب ..

ولن يكون للهلال حظ ولا نصيب

يامصلك تحتك بابو متعب ..يالشيفه ..الا والله لنا اكبر الحظ والنصيب في التريقه عليكم

إقتباس اثناء لقاء القمة أو (ديربي) العاصمة كنت موجوداً في الحراج للبحث عن مكيف صحراوي لتركيبه في المنزل استعداداً (لحر) الرياض!! ولهذا لم أشاهد فوز الهلال على النصر.

إقتباس واستمتعوا بالفن النصراوي وبنفوز بكوم اهداف ..وفي النهايه في الحراج

لكن اكتشفت انك منتب بسيط تعرف متى تشتري المكيف لان اكبر درجة حرارة تسلخ خشمك اذا لعبتو قدام الهلال انواع الحرقااااان ..اثرك ذهين .. ...

إقتباس إن من سيذهب من جماهير الهلال لمشاهدة اللقاء هم بالتأكيد المتعقلون والباحثون عن المتعة الكروية أين كان مصدرها، أما من سيبقى في منزله أو سيهرب للاستراحات «وقز» شوارع الرياض على رأي الممثل القطري غانم السليطي فإنه يصنف من فئة المتعصبين الذين لا أجيد التحدث معهم ولا أحب التعرف عليهم لأنهم دائماً يبحثون عن الفوضوية والغوغائية على حساب المتعة والفن

اكيد جمهور الهلال متعقلون لانهم يشجعون الهلال ومستمتعين بأنواع الفن .

مثلكم مستمتعين بانواع الكش عليكم ..(هذي اقتباس من ابو هيا..
وإن من يذهب الى الحراج الساعه 8:30 م للبحث عن مكيف ( الله لا يبلانا).. هذا من فئة الناس اللي مرمر عليهم الهلال وحاط قلوبهم في قرنه..ومن الناس اللي تطاطي ولا تلادزي..

الفوضويوه في مخك الله يسلمك ..

بس تصدق ودي اتعرف عليك عشان اذا ضاق صدري جبتم اضحك عليك ..
@ شكرا للاعبي الهلال على المستوى الجيد ..وخصوصا الخثران والحقيقه كلهم ماقصرو ..الله يعطيهم العافية ..

@ الهلال اذا دخل المربع فالبطولة محسومه له بشكل اكيد ..لأن الباقي ماعندك احد ...

@ النصر يعرض مبلغ لنقل المباراة للرياض ..
تحطونها في الرياض في بغداد الدوري بدري عليكم تاخذونه منتوب كفوا

ولا حتى بياله..

@ مطلوب تحفيز لاعبي الرائد ليحققوا الفوز على الكديش ..وطرد يوسف خميس ..

المهم نتمنى ان الامور تسير لصالحنا ...واذا ماجت على مانبي فعادي ..

لاننا فرطنا في نقاط كثيره ..لكن الحمدلله فريقنا عاد مستواه ومعنا بطوله موسم غير سيء ..

الموت اللي بيدخلون السنه الثامنه ماحلمو بالدوري ..

@ فيه دوري في الهند اسمه قرقر كثير انصح النصر انه يشترك فيه يمكن يفوز اما دورينا بدري عليهم ..

المهم سامحوناعلى الاطاله ..[/ALIGN]

هههههههههه ياهوووو * نكتـه*

طيب ليش ما كمل سالفه المكيف وبكم أشتراه

جديد ولا مستعمل

هاهاهاهاهاهاها