10/11/2012, 07:54 PM
|
زعيــم جديــد | | تاريخ التسجيل: 29/03/2011 المكان: واســــــــــــــــط
مشاركات: 44
| |
عينّت لي ياناس بنت يتيمة شيلة رائعة جداً قصيدة رائعة جداً
من منا لم يسمع القصيدة انتشرت تقريباً عام2000م
عن القدس
هي للشاعر/ ظافر بن محمد القحطاني عينت لي يا ناس بنت يتيمة=
تنخا هل العادات وأهل العزيمة
وتقول لي معهم عهود قديمة=
ضاعت ولا ادري منهو الي قطعها
عاشت مع الأيتام خمسين عاما=
قد مات ابوها وامها والعماما
وتصيح للي يرحمون اليتاما=
وصياحها بين العرب ما نفعها عينتها تنخى هل الدين بالذات=
وتنخى الشباب الي يبون البطولات
وتقول لي معهم عهود قديمات=
عمر وعمرو وعامر الي شرعها
وعينتها تنخى اصحاب الملايين=
الي ورا الدنيا وصدوا عن الدين
ولاعاد ينظر لليتاما المساكين=
الكل يمسح دمعته ليدمعها وعينتها تنخى رجال العقيدة=
وتقول انا بين اليتاما وحيدة
ذقت العناء بعد الحياة السعيدة=
وامي توفت واحرمتني دلعها
وعينتها تنخى العرب واهل الاسلام=
وتنخى الملوك الي على نجد حكام
وتقول أنا مأسورة من ورا الشام=
وعندي خباث زاد فيني طمعها تنخى الملوك الي بنو قبة البيت=
أهل الكرم والمجد والجود والصيت
وتقول انا من حر ما ذقت مليت=
يتيمة من مر خدي صفعها
تنخى الملوك موحدين الجزيرة=
الي حموها بالسيوف الشطيرة
تنخى ابو فيصل وابو متعب شويره=
يتيمة طول عليها فزعها وتقول كل اهل العقيدة اخواني=
وما منهم الي لينخيته نصاني
واطيبهم الي بالدعاء مانساني=
وحي الذي ليعجز ايدينه رفعها
وسألتها كم عمرها بالتفاصيل=
قالت قبل ياتي لمكة راع الفيل
ولي مع مريم وعيسى تماثيل=
سوالف يطرب لها من سمعها وارتعت منها قبل اعرف الحقيقة=
ورحمتها من كثر دمع تريقة
لين سحرت قلبي وصارت عشيقة=
عشيقة ما يندله من ولعها
وقلت أبشري يا بنت بالي تبينه=
والي تبينه عندنا تجدينه
والي يهينتس جعل ربي يهينه=
والاقدار بين الناس ربي وضعها قالت كلامك زين واسمع كلامي=
امة محمد بلغوهم سلامي
الا عمر مني عداه الملامي=
ألف جموع المسلمين وجمعها
وفي عام ست مية وست وثلاثين=
وانا مع الرومان بين المساجين
جانا الذي منه تخاف الشياطين=
لين خضعت برقابها ما خدعها لين انتزع قيدي وفك الكلبشات=
وابن رباح أذن على السطح باصوات
وازدادت الفرحة وجات الفتوحات=
والروم تكبير الصحابة فجعها
هذاك فاروق العقيدة واهلها=
الي يميز مرها من عسلها
كنوز كسرى عافها ما لبسها=
الا سراقة لبسها ثم نزعها مصداق للي ما كذب ليل الاسرى=
بشر سراقة يوم لحقة ببشرى
قال انت بتلبس سواري كسرى=
وفعلا سراقه لبسها ثم خلعها
وابو عبيدة عامر ما نسيته=
لو غابت ايامه فلا غاب صيته
حول جيوشه يوم صحت ونخيته=
وحرر بلاد المسلمين ومنعها أما صلاح الدين ما والله انساه=
لو انتهى وقته وقفت مطاياه
ياليت فيذا الوقت مثله وشرواه=
كان اليتيمة قد برت من وجعها
هذي علومي كلها يابن قحطان=
وشبابنا بين الاغاني والالحان
الي غدو ما بين شيشة ودخان=
وبلاوي ما يندرى ويش معها وانا انتظرهم وأسأل الناس عنهم=
قالوا ورا الدنيا وربي فتنهم
نسيوا عوايدهم ونسيوا وطنهم=
وعزومهم طاحت ولا احد رفعها
هم نسيو اني بين الاعداء رهينة=
والقدس حطه نتنياهو مدينة
يبني به المستوطنات الثمينة=
والغرقدة في العصر هذا زرعها والمشكلة ما هيب قصة فلسطين=
المشكلة فالقدس ينخى المسلمين
القبلة الأولى لكل المصلين=
جته اليهود وخربت مجتمعها
فيها نتنياهو تنابح كلابه=
يضحك عليكم يا حفاد الصحابة
ما جاه منكم من يصفي حسابه=
والجزية الي مبطي ما دفعها وخمسين عام واليتيمة تنادي=
وتقول انا مقهورة في بلادي
وعلومها راحت سوالف روادي=
ولحد نظر في حالها وش سنعها
فلابد من يوم تشوف السعادة=
بيجيلها جيل يحب الشهادة
أهل الولاء واهل البراء والعبادة=
ناس تحب أشكالها من ورعها وختامها مني صلاة وتحية=
على رسوله الله خليلة نبيه
الي غفر له كل ذنب وخطية=
وله سنة ياجعلنا نتبعها https://www.youtube.com/watch?v=5YRugpnAh2c
اتمنى لــــــــــــكم حسن الأستماع,,,,,
تحياتي للجميع,,,,,,,,,,,,,,,,,, |