تهنئة اهلاوية لجميع الجماهير الهلالية
 

==============(( غلطان يامعاند هلال ))=================
هذة العبارة لم تفارق شفاه جميع جماهير النصر الليلة
سواء المختبئين خلف شاشات التلفزيون
أو من حضروا ليشهدوا معركة البؤس والخنوع لكل ماهو أزرق !!
نعم لقد أجبر الزعيم لاعبو الحالمي إلى الخضوع والخنوع لقرارات لاعبيه القاسية
بان يجعلهم أضحوكة ( اللي مايشتري يتفرج ) لكل من حضر المباراة على أمل مشاهدة مباراة متكافئة
ولكن ابى نجوم الزعيم إلا أن يقدموا الفوز ممزوج بخلطة الزعيم المميزة المطرزة بأجمل فنون كرة القدم إلى كل من فرغ نفسه واحتشد مع الحشود لمساندة الأزرق ولم يرجع إلى منزله حزيناً
بل رجع مرفوع الراس بمستوى يقر العين واخلاقيات نصراوية يندى لها الجبين !!
حيلة العاجز عندما يعجز عن مجاراة خصمه ان يتفرغ للركل والرفس وممارسة جميع انواع
الخشونة وخصوصا أنه يقف مكتوف اليدين :)
اكتب هذا الموضوع وعقارب الساعه تشير للساعة الثالثه ليلاً
وأنا على أحر من الجمر لمشاهدة آخر نكت الرمز المزعوم في الصحافه صباح اليوم
هل يمارس هوايته بالغوص في وحل التبريرات والتشكيك الذي أجاد السباحة فيه
أم يقر للزعيم مكرها كما أقر لاعبيه !! ( شمس تطلع خبر يبان ) :razz:
وفي الأخير لايسعني إلا تقديم التهنئة على هذا المستوى الرائع لكل من ينتمي إلى هذا
الصرح الشامخ وكم كنت اتمنى ان تتعادل القادسية لكي يستطيع لاعبو القلعة تقديم خدمة بسيطة
لنجوم الزعيم الذين لم يسعفهم الحظ في العثور مبكراً على مدرب من طراز الكبار
(( عسى ان تكرهو شيئاً هو خيراً لكم ))
مع تحياتي للجميع :)

شعور جميل جدا منك أخوي ( القلعة ) :) ...

وبصراحة إذا تأهل الهلال أتمناها هلالية :) ..

وإن لم يتأهل أتمناها وبكل تأكيد أهلاوية ;) ...


الفوز جاء اليوم بالرأفة والرحمة والشفقة بالنصر ... فبإمكان الهلال هذا اليوم مضاعفة النتيجة ...

ولكن رجال الزعيم لا يريدون ان التنافس ينتهي ... لأنه بانتهاء التنافس يفقد الدوري السعودي

هيبته ... فكانت الرأفة بالهدفين ...

والحكم اليوم موفق ولله الحمد في تحكيمية رغم عدم احتسابه لضربة جزاء واضحة .. لأن المدافع

النصراوي لمس الكرة باليد في داخل منطقة الجزاء ... ويبدو حتى حكم اللقاء أشفق على النصر ...

الذي اختفى مع توهج الهلال ...

وخسران من يعاندك يا هلال ...

تحياتي لك ...

يا أخي .... ألف شكر على التهنئه والشعور الطيب .... وبالتوفيق للهلال والاهلي

شكرا على التهنئه

ومبروك على الفوز على الاتهاد لكم

وكنت اتمنى الاهلي يتصدر ويلعب الهلال والاهلالي على النهائي

عشان يمتعوننا بالكورة الحلوه

يعطيك العافيه

ابوطلال

الف شكر لك على الروح العاليه .. ونقول ياهلا ومرحبا فيك اخو دايم لنا

وبصراحه مثل ما قال اخوي ان لم تكن هلاليه فأتمناها أهلاويه

شعور جميل جدا منك أخوي ( القلعة ) ...لانها (( ثمرات )) التعاون بيننا

الف مليون شكر اخونا القلعه على شعور ليس بمستغرب على الكواسر

وما محمد العبداالله الفيصل ببعيد عندما قال
انا اهلاوي بجدة هلالي بالرياض


الف مبروك لنا كلنا وانشاء الله لو لاسمح الله ما تاهل الهلال

انشاء الله الاهلي يجيب الكاس قولوا امين

الف شكر يالغالي وهذي اخلاق الكواسر اللي عرفناكم فيها

ان شاء الله الكاس اهلاوي اذا ما تاهل الهلال

اخوى القلعة كل يوم تتحفنا بمقالتك الرائعه التى تستشعر فيها الحب والاحترام لاخوانك الهلالييين من جد كسبماك معنا لا تحرمنا من اطروحاتك والف شكر التهنئه والله الله ما نواصيكم فى النثر لو تاهل بالله مردغوهم ترى والله ما عند اجد اما الرمذ يتبع المثل الي يقول تسمع جعجعه ولا ترى طحنا

مشكورى اخوى على هالمشاعر الطيبه ..

http://www.salmiya.net/songs/maddah/ram/maddah148.ram

ياهلال لك الف تحيه ومشكور .. الله يديم عزك ياسبب فرحنا ..

وتحياتى لكم .

ألف شكر على المشاعر الطيبة و ألف مبروك كما توقعت سابقا بطولة دوري الشباب و بطولة دوري الناشئين وعقبال بطولة دوري الكبار لتؤكدوا أنكم فارس جدة الحقيقي بدون منازع و بالثلاثة.

مشكور اخوي القلعه وصدقني حنا نبادلكم نفس الشعورونتمنى اذا ماتأهل الهلال انكم تحققون كأس الدوري وتكملون الثلاثيه الاول والشباب والناشئين
ومبروك فوزكم المستحق مستوى ونتيجه على الانهاد وتقبل تحياتي وبالتوفيق للزعيم وقلعة الكؤوس

ألف شكر لجميع من تكرم ورد على موضوعي المتواضع الذي أحببت من خلاله أن أشاطركم افراحكم
وعندي إحساس غريب والله ان الرائد بيفجرها في النصر
والهلال كالعادة بياخذ نصيبه من الاتحاد وسيعلن تأهله للمربع من الطريق الصعب !!
واللي يبي يراهن ترا أخوكم مستعد:p
نسأل الله العظيم أن يوفق رجال الهلال في مهمتهم المقبلة ويجعل التأهل من نصيبهم
وهذا كله في النهاية يصب في مصلحة المشاهد
هل من المعقول مشاهدة مربع ذهبي من غير الزعيم !!
مع تحياتي للجميع :)