19/10/2012, 03:58 PM
|
 | زعيــم مميــز | | تاريخ التسجيل: 03/08/2005 المكان: في المنصة
مشاركات: 15,836
| |
.,~ اعضاء و زوار شبكه الزعيم ... أريد حلآ ...!؟؟
بسم الله الرحمن الرحيم كل عام وانتم بخير قبل الزحمه وتقطيع اللحمه <~ نوكيا 
المهم بعطيكم من الاخر نصيحه لوجه الله خذوها مابي منك الا تدعون لي بصراحه ,,
لاتعطون جدتكم جوال .. لأن عندي او ماعاد عندي الا جده وحده آم الوالده الله يحفظهم
اتوقع انها كبر الملك عبدالله لأنها تمشي مثل مشيته ونفس العصا ونفس النظاره
المهم الله يطول بعمرها من فتره ومعها جوال وماشاءالله عليها من اجيها ماعاد فيه سوالف ولاشي
من اول وش حليل سوالفها ومن تالي توريني هالجوال ريحته زعفران وفيه روج لونه زهري مطفي
وناشبا وراه علك صعرور [ لبان .] وشاشته كلها فكس ,,المهم ان خالاتي توهم معطينها هديه جوال لمس مدري وش المهم انه كل شي باللمس
والظاهر هالجوال حقها مسلط علي مدري وش شفيه ,, 
لاجاء اخر الليل او بعض الاوقات الغبيه يتصل علي ارد الو الو الو .؟
واسمعها تسولف مع اللي عندها ونفس السوالف اللي كانت تقولها لي تسولفها عاللي عندها واقفل الخط
شوي يتصل مره ثانيه الو الو ,, بعدها بشويات تتصل علي هي تقول شفيك تتتصل علي وتسكت تبي شي يابوي تبي فلوس ناقصك شي
اقولها انتي متصله لا تسذوب قل انك تبي شي ,, ولا تبي تغازلني ,,
استغفر الله العظيم
احيان اخر الليل يتصل الجوال حقها علي اكون داخل جو مع شي ولا فلم وارد الو الو ؟ شوي تقول هي الو وش عندك متصل ياكثر ماتتصل علي
يامشيعل الله يهديك بعلم امك ,,
بسم الله وش السالفه مشكله امي تدري بالسالفه وكل شي وتضحك اقولها اسحبوا الجوال منها وعطوها جوال العائله اللي مايدق الا 8 ارقام <~ قدييم
ايييه مير الشكوى على الله جوالي لاجاء اخر الليل يا مقفله يامحوله
مافي طريقه الا اني اخذ جوالها يوم وامسح رقمي بس مشكله جوالها ريحته يجي احيان حلتيته وتنشب بيدي ولاعاد تروح
وش السواة ؟ |
4Likes
الوضع الشجري
