السلام عليكم ورحمة الله وبركاته. يعلم الله أني ماكتبت هذا الموضوع إلا حب في نادي الهلال ويعلم الله كم أحس بحرقه بصدري عندما أشاهد نادي الأهلي ونادي الاتحاد يتعاملو بفكر أفضل من الفكر إلي يتعامل به نادي الهلال بخصوص الجماهير وحضورهم مع الفريق أين ماذهبو سواء داخل المدينه أو خارجها مثال نادي الأهلي ونادي الاتحاد أي مباراه على أرضه تجده مأمن باصات بجنوب جده وآخر بشمال جده وشرقها وغربها ووصلت بهم الأمر حتى المناطق القريبه من جده ويكون بتنسيق رائع مع رابطة الجمهور لتحديد أماكن التجمع والصعود للباصات هذا وهي في أرضه فكيف خارج أرضه عشان كذا تشوف جماهير الاتحاد والاهلي تملأء أي مدرج في أي مكان يروح الفريق له مما يشعر الفريق بأنه يلعب على أرضه وبين جمهوره ويبث فيهم الحماس للفوز لأن الجماهير فيهم إلي مايقدر يحضر المباراه لأسباب متعدده فالنادي يوفر لهم تلك الأسباب سواء مواصلات أو تذاكر وغيرها لأن النادي يفكر كيف يفوز مهما كلف الأمر وليس كم يطلع لي من المباراه أو من بيع التذاكر شوفو الفرق بين الهلال واندية الاتحاد والاهلي وكذلك الشباب عشان كذا تشوف الإعلام يتكلم ويتغنى بجماهير تلك الفرق ماابي أطول لأني أكتب الموضوع من جهاز الجوال ؤحبيت أوصل الفكره لكم والادارة النادي واقترح اقتراح أتمنى أن يصل لمسؤولي النادي وهو توفير الباصات من أي شركه وقت أي مباراه داخل الرياض أو خارجها وتحديد أماكن للتجمع والصعود بالتنسيق مع الرابطه أو عمل رقم موحد وتسجيل أرقام محبي الهلال على موقع الهلال لتزويدهم بآخر الأخبار ومنها حكايه الباصات والتجمعات للجماهير وتوفير لهم التذاكر ترا ؤالله مش مكلفه يعني ماراح تكلف كل مباراه 30 ألف الشغله كلها أتمنى الاداره توقف مع الجماهير ويكون همها فوز فريقها مهما كلف الأمر وسنجد الإعلام يتكلم ويتغنى بالحضور الجماهيري للنادي وسترون الاعبين يلعبون بحماس وفوق طاقتهم للخروج بنتيجه المباره وكذلك سيرفع من عقد الرعايه عندما يكون حضور جماهيري كبير للفريق ؤالله العظيم أن الهلال لو يطبق هذا الأمر لتجد أن أكبر قاعده جماهيريه لنادي سعودي هو الهلال

فكرتك كااااااان الهلال يطبقها من قبل
قبل الاتحاد والاهلي
بس مدري وش الي خلاهم يعرضون عنها
ومسألة الرابطه ..يبيلها تغيير جذري ياخوك
ماعندك رابطه تسوي اشكال وتحمس ابد
موضوعك رائع حقيقه
مشكور اخوي

صصصصصصصصصصصصحححححح كككلامكك

بسس مين ييسسسمعنآ هنآ


ماعن الهلال مو في حاجةة الباصات جمهوره يججون من كل مكان بس مدري وش فيهم ماعد يحضرو زي اول من ججد راحححو الطيبيين

اما في الرياض فاتوقع لو تحط لهم غرف نوم في الملعب مابيحضرون ويملأون الملعب
لعدة اسباب منها سعة الملاعب كبيرة جداً بالقياس لملعب جده فهو يتسع ل١٨٠٠٠ بينما الملز يتسع ل٣٠٠٠٠ او يزيد
ومنها ان الجمهور الهلالي في الرياض كسول فلو ترك الكسل وجاء للملعب بيقعد ياكل فصفص
ومنها فرق التعامل الاسري ففي جده الاطفال من ١٠ سنوات يسرحون ويمرحون على كيفهم وهم يمثلون نسبة كبيرة من الحضور لوجود عامل الفراغ وهذا لايحدث في الرياض وطبعاً انااؤيد هذا
ومنها تشبع الجمهور الازرق من الفوز والبطولات

لذلك لااتوقع نجاح هذه الطريقة
يعطيك العافية

يعطيك الف عااافية
وبتوفيق لي الملكي

إقتباس الرسالة الأصلية كتبت بواسطة عذب السجايا اما في الرياض فاتوقع لو تحط لهم غرف نوم في الملعب مابيحضرون ويملأون الملعب لعدة اسباب منها سعة الملاعب كبيرة جداً بالقياس لملعب جده فهو يتسع ل١٨٠٠٠ بينما الملز يتسع ل٣٠٠٠٠ او يزيد ومنها ان الجمهور الهلالي في الرياض كسول فلو ترك الكسل وجاء للملعب بيقعد ياكل فصفص ومنها فرق التعامل الاسري ففي جده الاطفال من ١٠ سنوات يسرحون ويمرحون على كيفهم وهم يمثلون نسبة كبيرة من الحضور لوجود عامل الفراغ وهذا لايحدث في الرياض وطبعاً انااؤيد هذا ومنها تشبع الجمهور الازرق من الفوز والبطولات لذلك لااتوقع نجاح هذه الطريقة يعطيك العافية

اتفق معك تماماً لكني اتوقع حضوراً كبير في بطولة اسياء لان جمهور الهلال حس بالجوع شوي في بطولة اسياء0

فكره جميلهـ يالليت نشوفها على ارض الوااااقع....

وتمنى من احد اعضاء الشرف ان يباااااادر بها.......

المقارنه غير وارده جمهور جده يعشق النادي ويحب لاعبيه ولا يتهجم عليهم اما جمهورنا العزيز فهو يحضر لشتم ويسب ويفصفص هل حماس جمهور الرياض مثل جمهور جده الفرق كبير لازم نعترف بالواقع ثم نعالجه اولاً اتمنى من الادراه تطنيش الجماهير وعدم الاهتمام فيهم وذلك حتى يصفى الجمهور من بعض الاشخاص الذين يشتمون ويصارخون لن يبقى مع الهلال الا المخلص المحب فقط عندها نطالب بما نريد ولنا الحق اما الآن الافضل المتابعه من بعيد

لاحياه لمن تنادي
ادارة الهلال عقيمه
ماادري كثر الاداريين وش يسوون في النادي
وين الافكار وين العمل وش الجديد الي نشوفه