السلام عليكم ورحمة الله وبركاته
اخواني انا عمري 38 وحبي للهلال من سبع سنوات ايام النيفاوي
المهم لي اخوان اثنين اكبر مني سن ومتعصبين هلال
الزبده من طرحي هذا
كنى نتناقش في الهلال رغم تعصبنا للهلال وكلن يدلو بدلوه قلت اني سمعت انا رئيس النادي ورئيس الاتحاد اجتمعو على عشاء وانهم توصلو الى فكره مقايضة لاعبين ياسر القحطاني واسامه المولد
واخذو يعتبون واخذو في اسامه انه زاد وزنه وكثرت اصاباته وقل مستواه ويعددون العيوب عليه
الزبده انا اصريت اني اشوف رايهم بالكامل قلت ياسر قرب للنهايه وثقل ويوجد لاعبين اخف منه واصغر سن ولهم طموح وخاصه لم يذوقو البطولات ولا حب الجماهير
الزبده وقلت من الخطى اعطاء سامي التدريب
رغم عشقي للاسطوره وصاحب الارقام الدوليه والخبره الطويله وسرعة البديهه والذكاء في الفطره
واخذو اللوم على تفكيري وقولي عن سامي
المهم
اخواني كم مره كتبت في المنتدى وحذف موضوعي وشككو وايقنو اني غير هلالي عندما اعاتب الاداره او انتقد
ونظلم بعض اننا غير هلاليين
اخواني اروجو انكم ماتظلمون احد اذا انتقد او قال شي وتشككون فيه راقبوه وشوف هل هو يزور منتديان الانديه الثانيه انا عمري كله مازرت نادي اخر غير الهلال الا مرتين لارى سرقاتهم من منتدى وغباء السارق
لكن اذا واحد انتقد وشلون يثبت انه هلالي اصيل انا الان انتقدكم عندما نتعارض في الفكر والنقد وغيره
هل معنى اني اكون غير هلالي
مره انتقدت الاداره عشان كررت الاخطاء ثلاث مواسم عدم البحث عن الاجانب بشكل مبكر قبل المعسكر يكون الكل جاهز ولا يحق لنا ان نتكلم عن الاداره
كم مره تاخرو في عقد مدرب او لاعب اجنبي
هل اذا طالبت في التعاقد قبل نهاية الموسم مع لاعبين اني غير هلالي
اخواني الاداره مرت بتجارب قبل 4 مواسم كل سنه يتاخرو الا في كوزمين كان موجود وتعاقدو مع جريتس بشكل مبكر
والاجانب موجودين بالكامل والطاقم الفني والطبي متواجد قبل المعسكر
سؤالي لماذا التاخير في التعاقد مع لاعبين او مدربين لماذا لايكون التعاقد قبل نهاية الموسم بخمس مباريات
هل اذا سالت اني غير هلالي او انتقدت

يالغالي كلنا نتناقش مافيها شيء ولاكن البعض وللاسف يكون احمق في الطرح

يعني مثلا اذا وقع الهلال مع نيفيز جاب موضوع ان نيفيز مصاب وش مصلحته بالله عليك

او ان مستواه سيء او او او المفروض قبل الطرح اسال وش مردودها لدى الجماهير

ذكرتني بواحد يسب المرشدي وراح يبحث في مواضيعي ويشوفني اتمنى رحيل بعض اللاعبين

احتياط الاحتياط في الهلال اللي ما يشاركون يقول انت سبيت مثلي

ما يدري ان المرشدي من اكثر اللاعبين مشاركة وعطاء للكيان ويسبه

نعم انا اذا حطيت تشكيلة اطلعه برا التشكيلة لاكن اشوف اللاعب اساسي واسبه

لك اهدافك حتى المحللين الرياضين بالتلفزيون لهم اهدافهم الا اربعة اعرفهم

طلال ال شيخ وغرم العمري وطارق التويجري وخالد الشنيف

وشكرا على موضوعك واسف على الحشو الكثير

في واحد غبي يقول تعاقدنا مع نيفيز والى الان ما صار اي شي
هات دليلك ان إحنا وقعنا معه

إقتباس الرسالة الأصلية كتبت بواسطة ويسلي2013 في واحد غبي يقول تعاقدنا مع نيفيز والى الان ما صار اي شي هات دليلك ان إحنا وقعنا معه

يعطيك العافية اخوي ع الموضوع
المشكلة الحقيقية الدخول بالنوايا والتشكيك
رغم انك غير مجبر بالرد اذا لم يعجبك الكلام
فقل خيرا او اصمت تغيب عن الغالبية للاسف

لكن لا يهمك احد قول رأيك بكل ثقة وما عليك من احد
لكن تذكر ان الله سوف يحاسبك على ما كتبت بيديك ...

يعني الى الان جبت موضوع نيفيز انه مصاب قبل مانوقع يعني كلامي صح
ماتكلمت عليه بعد التوقيع

معقوله الى الان ما تعاقدنا الا مع لاعبين اثنين وين الباقي
وين الي واعدونا فيه عمود فقري دفاع محور صانع لعب مهاجم
ليه كل شي تغير وتبخر
ليه طيرونا وفروحنا بالشمراني ونسونا الاعبين الأجانب الي وعدونا فيهم
أنا واحد من الجماهير ابي مهاجم مثل فكتور
ياعالم مهاجمينا مستواهم واحد والفرق بسيط ماهي المسائلة القاب زلزال وقناص f16
زلاتكو قال ابي لاعب مهاجم يصنع الفرق اما لاعبينا الشمراني وياسر لعبو في المنتخب في البطوله الخليجيه ولا صنعو الفارق بل بالعكس خرجنا مبكر
ياعالم ابي مهاجم برازيلي وصانع لعب برازيلي
إحنا في المنتخب ناقصنا المهاجم مافي لاعب خطير يصنع الفارق
ياسر او الشمراني او السالم او هزازي او السهلاوي كلهم مستواهم متقارب شيل هذا وحط هذا
إحنا فرحانين بالشمراني وفريق الشباب فرحان بهزازي يعني مستواهم متقارب
تتوقعون راح نجيب بطولة الدوري بالمهاجمين ذول أبسطها يعني لو المنتخب يقدر يجيب ويشتري لاعبين اجانب ماراح يشتري ويقول ليه اشتري وجلب من البرازيل ونا عندي افضل المهاجمين ياسر والشمراني والسالم
تتوقعون بالمهاجمين الي عندنا راح ننافس انديتنا وهم شارين مهاجمين اجانب
مع احترمي للكابتن سامي وحسافه على الخطط والمجهود الي يقوم فيه وهو ماعنده مهاجم اجنبي
يصنع له الفارق
وليه صانع العب نيفيز تجيبه بعد اصابه وهو مش مرتاح يلعب معنا والاعذار كثيره
مره عشان المنتخب ومره زوجته
يعني ما حبيت تجيبه الا بعد ماسمعت انه مصاب مافي اجانب الا هو
عندي التون افضل منه الف مره ما مره سمعت انه يبي يرجع ومتكيف على الأجواء ويسدد ويلعب بروح
مع الاسف اقول لكم الموسم هذا الهلال راح يلعب باسمه فقط
بدون اجانب صح لا تفكرون ببطوله
مع احترامي لكل الاعبين بس أنا يهمني الهلال
اما الدفاع هاذي قصه لوحدها بقيادة او بطولة المرشدي

وصفهم الكاتب صالح سليمان وليس انا وكلامه كان في محله

هذولا يستلمون مرتبات بدون فايدة لهم نشكرهم على ما قدموه

بس مو يوقع الهلال مع لاعبين ثلاثة واجي اقول ابي فكتور




هذا احد ردودك ايش تقصد ان حنا وقعنا مع ثلاثة لاعبين

واقفو الصفقه راح يكون مانغان الثاني
الكشف الطبي كشف على مانغان من قبل وجلس في حلجنا نبي نصرفه مو عارفين لانا شريناه بعد اصابه
ونيفيز راح يكشف وراح يكون سليم بس مستوى مافيه مثل مانقان
اكره اني أتكلم على الاداره بس ياخي كل موسم تموت وهي تدور على المصابين ما ترتاح الا اذا جابت مصاب
نفس الجار مايرتاح الا اذا شرا شياب وعجز
والله التون افضل من نيفيز صانع لعب ويسدد ولا اصابه يكفي انه مش مستعجل على ارجعه للبرازيل ومتكيف في السعوديه
نيفيز ان بدع طلب يرجع للبرازيل وان الاصابه طيحت مستواه صار مانغان الثاني
Share

بس حاب اعرف
رسني على بر وقعنا ولا أخذ راحتي

المهم كان من الاول في اسلوب للمحادثه ونقاش افضل من الي قلته
انت الي بديت ولا تصادر رائي احد

بعدين يالغالي صاحب الموضوع طرحك مع اخوانك في البيت غير طرحك في المنتدى

غير الطرح في التلفزيون يعني الواحد عليه قبل كل طرح تفكير بالهدف من الطرح

بس غريبة انك 38 سنه وتوك تشجع الهلال سبع سنين

انا اذكر الهلال من وقت اعتزال صالح النعيمة

يا صالح يا نعيمة يا نجم النجومي قلوبنا بحبك تذوب

هذي اغنية اعتزاله

وحسين البيشي

يا دنيا الفرح عيشي يا حسين البيشي

إقتباس الرسالة الأصلية كتبت بواسطة منبع المجد بعدين يالغالي صاحب الموضوع طرحك مع اخوانك في البيت غير طرحك في المنتدى غير الطرح في التلفزيون يعني الواحد عليه قبل كل طرح تفكير بالهدف من الطرح بس غريبة انك 38 سنه وتوك تشجع الهلال سبع سنين انا اذكر الهلال من وقت اعتزال صالح النعيمة يا صالح يا نعيمة يا نجم النجومي قلوبنا بحبك تذوب هذي اغنية اعتزاله وحسين البيشي يا دنيا الفرح عيشي يا حسين البيشي

العجله شينه اخوي يعني من عمري 7 سنين ايام النيفاوي ماتعرف النيفاوي

أنا بدا عشقي للهلال ونا في ثاني متوسط في سنة ١٤٠٨تقريبا