مهزلة التاريخ تحدث الآن + إذا كنت هلالي غيور رجاء ادخل - نادي الهلال السعودي - شبكة الزعيم

welhamson 9 · #1 17/10/2012, 04:42 AM

السلام عليكم و رحمة الله و بركاته

مساء / صباح الخير عليكم أخواني الأعزاء

ابدخل بصلب الموضوع مباشرة بدون أي مقدمات لأني ما أجيدها

بس بالبداية ابقولكم اني قريت موضوع أحد الاخوان و اخذت منه عدة أفكار

الموضوع يتكلم بشكل عام عن : { الآسسيوية

}

بالبداية ابقولكم إن اللي قاعد يصير مع الهلال في آسيا مهزلة المهازل

بالنسبة لكيان عريق و عظيم مثل الهلال ..

يعني بالعربي مشكلة الهلال مع آسيا ليست مشكلة أسماء أو مدرب أو لاعبين أجانب

بالعربي المشكلة هي { مشكلة نفسية } مو أكثر

في عام 2010 كان يقودنا الداهية جيريتس

مع أجانب سوبر ستار

مثل نيفيز و رادوي و ويلي و لي يونغ قيمة عقودهم تتجاوز الـ 200 مليون

مع ذلك تغلب علينا ذوبهان نادي مغمور ما إشتهر الا بعد ما فاز على الهلال

عام 2009 طلعنا أم صلال اللي كانت أول مشاركة خارجية له في تاريخه

نفس الحال مع أولسان اللي ما يشار له بالبنان ببلاده

الحين فاز علينا رايح جاي مع مجموع يساوي 5 - 0

طيب لو نقارن أنفسنا مع الإتحاد اللي يبدع في آسيا بكل صراحة

يعتبر وصوله لنصف النهائي أمر طبيعي جدا مع إن أجانبهم و لاعبينهم كديش

طيب خل نستعرض نهائيات دوري أبطال آسيا بنظامها الجديد من 2003 :

2003 : العين الاماراتي vs تيرو ساسانا التايلندي

2004 : الاتحاد vs سيونغنام الهوا الكوري

2005 : الاتحاد vs العين الاماراتي

2006 : الكرامة السوري vs تشونبوك الكوري

2007 : سباهان أصفهان vs أوروا ريد الياباني

2008 : جامبا أوساكا الياباني vs اديلايد يونايتد الاسترالي

2009 : بوهانغ ستيلرز الكوري vs الاتحاد

2010 : ذوبهان أصفهان vs سيونغنام الهوا الكوري

2011 : السد القطري vs تشونبوك الكوري

[ تيرو ساسانا - أوراوا ريد - الكرامة السوري - ذوب اهن ]

كل الأندية هذي بلغت نهائي دوري أبطال آسيا بنظامه الجديد منذ 2003

كلهم أندية مغمورة ببلادهم و مالهم ذكر يعني زي الرائد و الفيصلي و هجر عندنا

حتى بعضها تلعب ببلدان مالها وجود بعالم المستديرة من الناحية الفنية

يعني سألتكم بالله هذولا الفرق يقارنون بالهلال على الورق !!!!

أقسم بالله حاجة تنرفز و تفقع المرارة و ينبغي ما نسكت عنها

أقسم بالله أشباه لاعبين يجيك الواحد بعز شبابه و عقده بعشرات الملايين

و آخر شيء يلعب بدون روح !!!!

ي عالم الأهلي اللي ماله ماضي قام ياصل لدور الأربعة و ينافس على البطولة !!

و الاتحاد أخرج الفريق الصيني اللي ميزانيته 250 مليون دولار

صح ان الحظ وقف معهم بس هذا ما يبرر أبدا انهم ما يقلل من إنجازهم

تراني أقسم بالله حد الثمالة و أعشق الهلال من نعومة أظفاري

عشان لحد يشك إني مندس أو إتشادي أو فقراوي

هذا اللي ابقوله والله الموفق و نشوفكم على خير